1 Yohane 2:3 - Xitsonga (Bibele)

³ Kutani laha hi tivaka leswaku ha n'wi tiva, hi loko hi hlayisa milawu ya yena.

BIBELE Mahungu Lamanene

³ Kutani mhaka leyi yi hi khorwisaka leswaku hi tiva Tatana, hiloko hi hlayisa milawu ya yena.

Testamente Leyimpsha Xichangana

³ Hi timhaka leti, hikholwa lesvaku hamutiva; loko hihlayisa milawu ya yena.

1 Yohane 2:3 Iomraidhean Croise

Pisalema 119:32

Ndzi ta tsutsuma endleleni ya ku lerisa ka wena, Loko u anamisile mbilu ya mina.

Pisalema 119:6

Hi laha ndzi nga tiki va ni tingana, Loko ndzi anakanya ku lerisa ka wena hinkwako.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Luka 6:46

“Xana mi ndzi vulela yini: ‘Hosi, Hosi,’ kasi a mi endli leswi ndzi mi byelaka swona?

Yohane 14:15

“Kungakuloko mi ndzi rhandza, hlayisani milawu ya mina.

Yohane 15:10

Loko mi hlayisa milawu ya mina, mi ta tshama erirhandzwini ra mina, hilaha na mina ndzi nga hlayisa milawu ya Tatana, kutani ndzi tshame erirhandzwini ra yena.

Yohane 15:14

Mi ta va vanakulorhi loko mi endla hinkwaswo leswi ndzi mi byelaka swona.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

1 Yohane 2:13

Vatatana, ndza mi tsalela, hikuva mi tivile la nga kona kaharhi eku sunguleni. Lavantshwa, ndza mi tsalela, hikuva mi hlurile lowo biha. Vana, ndzi mi tsalele, hikuva mi tiva Tatana.

1 Yohane 3:14

Loko hi ri hina, ha tiva leswaku hi rhurhile eku feni ku ya nghena evutomini, hikuva hi rhandza vamakwerhu. La nga rhandziki makwavo, u tshame eku feni.

1 Yohane 3:19

Hi tiva hakona leswaku hi vantiyiso, kutani hi tiyisa timbilu ta hina emahlweni ka yena.

1 Yohane 3:6

Un'wana ni un'wana la tshamaka eka yena a nga dyohi; un'wana ni un'wana la dyohaka, a nga n'wi vonanga, na swona, a nga n'wi tivanga.

1 Yohane 4:13

Leswi hi tivaka ha swona leswaku hi tshama eka xona, na xona eka hina, hi loko xi hi nyikile moya wa xona.

1 Yohane 4:7

Varhandziwa, a hi rhandzaneni, hikuva rirhandzu ri huma eka Xikwembu kutani un'wana ni un'wana la nga ni rirhandzu, u tswariwe hi Xikwembu, na swona u tiva Xikwembu.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

1 Yohane 5:2

Laha hi tivaka leswaku hi rhandza vana va Xikwembu, hi loko hi rhandza Xikwembu, ni loko hi hlayisa ku lerisa ka xona.

1 Yohane 5:3

Hikuva ku rhandza Xikwembu, hi loko hi hlayisa ku lerisa ka xona, kambe ku lerisa ka xona a ku tiki.

Nhlavutelo 12:17

Kutani dragona yi karihela wansati, yi suka yi ya lwa ni leswi seleke swa vana va yena, lava hlayisaka milawu ya Xikwembu, lava nga ni vumbhoni bya Yesu Kriste.

Nhlavutelo 14:12

Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.

Nhlavutelo 22:14

Ku katekile lava basisaka tinguvu ta vona, va ta lulameriwa hi ku dya murhi wa vutomi, ni ku nghena emutini hi tinyangwa ta wona!