1 Yohane 2:1 - Xitsonga (Bibele)

¹ Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

BIBELE Mahungu Lamanene

¹ Vana vanga, ndzi mi tsalela timhaka leti leswaku mi ta ka mi nga dyohi; kambe loko un'wana a tshuka a dyoha, hi ni muyimeri eka Tatana, a nga Yesu Kriste la lulameke.

Testamente Leyimpsha Xichangana

¹ Vananga, nimitsalela timhaka leti hinkwatu akuva mingajohi; kambe loko munhu atshuka ajoha, hina yena muyimeli ka Tatana, anga Yesu Kriste, lweyi alulameke;

1 Yohane 2:1 Iomraidhean Croise

Pisalema 4:4

Rhurhumelani, mi nga tshuki mi dyoha; Mi vulavula hi timbilu loko mi etlela, kambe mi miyela.

Ezekiele 3:21

Ntsena loko u tlharihisa la lulameke leswaku a nga dyohi, kutani a nga dyohi, u ta hanya hikuva u ta va a yingisile; loko u ri wena, u ta ponisa moya wa wena.”

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Yohane 10:15

Hi mukhuva lowu Tatana a ndzi tivaka, na mina, ndzi tiva Tatana; kutani ndzi nyiketa tinyimpfu vutomi bya mina.

Yohane 13:33

“Vana vanga, ndza ha ri na n'wina ku nga ri kungani, mi ta ndzi lava, kambe hilaha ndzi nga byela Vayuda hakona, ndzi ku: ‘Laha ndzi yaka kona, mi nga ka mi nga ti sweswi, ndzi vurisa sweswo eka n'wina.’

Yohane 14:16

Kutani mina ndzi ta khongela Tatana, a ta mi nyika Muchaveleri un'wana, leswaku a tshamisa na n'wina hilaha ku nga heriki;

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 21:5

Kutani Yesu a ku eka vona: “Vana, xana a mi na swakudya xana?” Va n'wi hlamula, va ku: “E-e.”

Yohane 5:14

Endzhaku ka swona, Yesu a n'wi kuma etempeleni, a ku eka yena: “Waswivo, u hanyisiwile; u nga tshuki u engeta u dyoha leswaku khombo lerikulu ka lero rhanga ri nga ku humeleri.”

Yohane 5:36

Kambe mina ndzi ni vumbhoni lebyikulu ku tlula bya Yohane, hikuva mitirho leyi ndzi nga yi nyikiwa hi Tatana ku yi endla, mitirho leyi ndzi yi endlaka, hi yona leyi ndzi vulaka vumbhoni, leswaku ndzi rhumiwile hi Tatana.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Yohane 8:11

A ku: “A nga kona, Hosi.” Kutani Yesu a ku eka yena: “Na mina, a ndzi ku avanyisi; famba, u nga ha tlheli u dyoha.”

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

1 Vakorinto 15:34

Pfukani, mi hanya hi ku lulama, mi nga tshuki mi dyoha, hikuva van'wana a va na ku tiva ka Xikwembu; ndzi vula sweswo ku mi khomisa tingana.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Vagalatiya 4:19

Vana vanga, n'wina lava ndzi mi velekaka eku vavisekeni, Kriste a ko a vumbiwa endzeni ka n'wina!

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Vaefesa 4:26

Kungakuloko mi kariha, mi nga tshuki mi dyoha; dyambu ri nga peleli vukari bya n'wina;

1 Timotiya 2:5

hikuva Xikwembu i xin'we ntsena, ni Muhlanganisi i un'we ntsena exikarhi ka vanhu ni Xikwembu, a nga Yesu Kriste, munhu

1 Timotiya 3:14

Ndzi ku tsalele timhaka leti, hambi ndzi tshembile leswaku ndzi ta hatlisa ndzi ta eka wena;

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Yakobo 3:9

Ha rona hi khensa Xikwembu Tatana, ha rona kambe, hi rhukana vanhu, lava endliweke hi xifaniso xa Xikwembu.

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Yohane 3:18

Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.

1 Yohane 3:7

Vana, mi nga tshuki mi xisiwa hi munhu; la endlaka leswo lulama, u lulamile, kukota leswi na yena, a lulameke.

1 Yohane 4:4

Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

1 Yohane 5:17

Ku homboloka hinkwako i xidyoho, kambe xidyoho xi kona lexi nga yisiki eku feni.

1 Yohane 5:21

Vana, chavani swifaniso swa swikwembu.

3 Yohane 1:4

A ndzi na ku tsaka loku tlulaka loku ndzi nga na kona, loko ndzi twa leswaku vana va mina va famba entiyisweni.