1 Yohane 1:5 - Xitsonga (Bibele)

⁵ Mhaka leyi hi nga yi twa eka yena, leyi hi mi byelaka yona, hileswaku Xikwembu i ku vonakala, kutani a ku na munyama eka xona, nikutsongo.

BIBELE Mahungu Lamanene

⁵ Mahungu lawa hi ma tweke eka N'wana, lawa hi mi tivisaka wona, hi lawa: Hileswaku Xikwembu i ku vonakala, kutani eka xona ku hava munyama nikutsongo.

Testamente Leyimpsha Xichangana

⁵ Leri hi rona rungula leri hingaritwa ka N'wana, hi rona leri himibzelaka rona; lesvaku Xikwembu i kuvonakala, aku na munyama ni vutsongo ka xona.

1 Yohane 1:5 Iomraidhean Croise

Pisalema 139:12

Eka wena, munyama wu nga ka wu nga endli ntima, Vusiku byi xa kukotisa nhlekanhi, Munyama wu nga kota ku vonakala.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Pisalema 36:9

Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Esaya 2:5

Yindlu ya Yakobo, tanani hi famba eku vonakaleni ka Yehovha!

Esaya 60:19

Dyambu ri nga ha vi ku vonakala ka wena ninhlekanhi, ni n'weti wu nga ha ku voningi Yehovha u ta va ku vonakala ka wena hi masiku, Xikwembu xa wena xi ta va ku twala ka wena.

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Yohane 1:19

Hi byo lebyi vumbhoni bya Yohane, siku Vayuda va rhumeke vaprista ni Valevhi, va huma eYerusalema, va ya n'wi vutisa, va ku: “Wena, u mani xana?”

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

Yohane 1:9

A ku ri kona ku vonakala lokunene loku voningaka munhu un'wana ni un'wana la tumbulukaka la emisaveni.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 9:5

Loko ndza ha ri la emisaveni, ndzi ku vonakala ka misava.”

1 Vakorinto 11:23

Hikuva, na mina, ndzi amukerile eka Hosi, leswi ndzi mi byeleke swona; leswaku Hosi Yesu, hi vusiku lebyi a nyiketiweke ha byona, u teke xinkwa;

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

1 Yohane 3:11

Hikuva mhaka leyi mi yi tweke ka ha ri eku sunguleni, hileswaku hi rhandzana;

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.