1 Yohane 1:2 - Xitsonga (Bibele)

² (hikuva vutomi byi kombisiwile, hi byi vonile, kambe hi timbhoni ta byona, kutani ha mi byela vutomi lebyi nga heriki, lebyi ngi byi ri eka Tatana, kambe byi kombisiwile hina)

BIBELE Mahungu Lamanene

² Vutomi byi tikombile eka swona, kutani hi byi vonile. Hi timbhoni ta byona, kutani ha mi tivisa ta vutomi bya kona lebyi nga heriki, lebyi a byi ri eka Tatana, kutani byi kombiwile eka hina.

Testamente Leyimpsha Xichangana

² hikuva vutomi bzitikombisile, hina hibzivonile, hi timboni ta bzona, himibzela hi ta vutomi lebzingaheliki, lebzi abzili na Tatana, lebzi bzitikombiseke ka hina.

1 Yohane 1:2 Iomraidhean Croise

Yohane 1:18

Xikwembu a xi voniwanga hi munhu ni siku ni rin'we; N'wana la nga swakwe, la nga exifuveni xa Tatana, hi yena loyi a nga hi tivisa xona.

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

Yohane 10:28

mina ndzi ti nyika vutomi lebyi nga heriki; ti nga ka ti nga lovi, ni siku ni rin'we, kambe a ku na munhu la nga ti vutlaka evokweni ra mina.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 15:27

na n'wina mi ta va timbhoni, hikuva a mi ri na mina ka ha ri eku sunguleni.

Yohane 16:28

Ndzi humile eka Tatana, kutani ndzi tile emisaveni; sweswi, ndzi tlhela ndzi suka emisaveni ndzi ya eka Tatana.”

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 17:5

Sweswi, wena Tatana, ndzi dzunise eka wena hi ku dzunisiwa loku ngi ndzi ri na kona eka wena, misava yi nga si va kona.

Yohane 19:35

Kutani la nga swi vona, u vurile vumbhoni, kutani vumbhoni bya yena byi tiyile; u tiva leswaku u vula ntiyiso, leswaku mi pfumela.

Yohane 21:14

Rero a ri ri ra vunharhu leri Yesu a nga tikombisa eka vadyondzisiwa va yena loko a pfukile eku feni.

Yohane 3:13

A ku na munhu la tshamaka a tlhandlukela etilweni, loko a nga ri la xikeke etilweni, a nga N'wana wa Munhu la nga etilweni.

Yohane 7:29

Mina ndza n'wi tiva, hikuva ndzi huma eka yena, ndzi rhumiwile hi yena.”

Yohane 8:38

Loko ndzi ri mina, ndzi mi byela lexi ndzi xi voneke eka Tatana, na n'wina mi endla lexi mi xi voneke eka tata wa n'wina.”

Timhaka 1:22

ku sungula eku khuvuleni ka Yohane ku ya fika siku leri a tekeriweke etilweni a ri exikarhi ka hina, un'wana wa vona u fanele ku va swin'we na hina mbhoni ya ku pfuka ka yena.”

Timhaka 10:41

ku nga ri ka tiko hinkwaro, kambe ku ri ka timbhoni leti Xikwembu xi ti hlawuleke eku sunguleni, hi nga hina lava hi nga dya, hi nwa na yena, loko a pfukile eku feni.

Timhaka 2:32

Hi yena Yesu loyi Xikwembu xi nga n'wi pfuxa, kutani hinkwerhu hi timbhoni ta mhaka leyi.

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Timhaka 5:32

Kutani hina hi timbhoni ta timhaka leti, hina na wona Moya lowo Kwetsima, lowu Xikwembu xi wu nyikeke lava xi yingisaka.”

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Vagalatiya 4:4

Kambe loko mikarhi yi herile, Xikwembu xi rhumile N'wana wa xona, la tswariweke hi wansati, a velekiwa a ri hansi ka nawu,

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

2 Timotiya 1:10

kutani sweswi ta ha ku vonakisiwa hi ku humelela ka Mulondzovoti wa hina, Yesu Kriste, la heriseke matimba ya rifu, la humeseke vutomi eku vonakaleni, ni ku tshama loku nga heriki hi Evhangeli,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

1 Petro 5:1

Ndzi khongotela vakulukumba lava nga eka n'wina, mina ndzi nga nkulu na vona, ni mbhoni ya ku vaviseka ka Kriste, ni la nga ni ku averiwa eku kwetsimeni loku nga ta humelela; ndzi ri:

1 Yohane 1:1

Lexi ngi xi ri kona eku sunguleni lexi hi xi tweke, lexi hi xi voneke hi mahlo ya hina, lexi hi xi languteke, lexi mavoko ya hina ma xi khumbeke, ri nga Rito ra vutomi;

1 Yohane 2:25

Kutani ku tshembisa loku a hi nyikeke kona, i vutomi lebyi nga heriki.

1 Yohane 3:5

Kambe ma swi tiva leswaku yena u humelerile leswaku a susa swidyoho swa hina; na swona a ku na ku dyoha eka yena.

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

1 Yohane 4:2

Tivani Moya wa Xikwembu hakona: Moya wun'wana ni wun'wana lowu vulaka leswaku Yesu Kriste u tile enyameni, i wa Xikwembu.

1 Yohane 5:11

Kutani vumbhoni byebyo, hi lebyi nge: Xikwembu xi hi nyikile vutomi lebyi nga heriki; kutani vutomi byebyo byi le ka N'wana wa xona.

1 Yohane 5:13

Ndzi mi tsalerile timhaka teto, n'wina lava pfumelaka eka vito ra N'wana wa Xikwembu, mi ta tiva leswaku mi ni vutomi lebyi nga heriki.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.