1 Timotiya 4:1 - Xitsonga (Bibele)

¹ Kambe Moya wu vurisile leswaku emikarhini ya le ndzhaku, van'wanyana va ta tlhela eku pfumeleni, va namarhela mimoya leyi kanganyisaka, ni tidyondzo ta mademona,

BIBELE Mahungu Lamanene

¹ Kutani ke, Moya wu vula wu tiyisile leswaku emasikwini lama taka, van'wana va ta hambana ni vupfumeri, hi mhaka ya ku landza mimoya leyi kanganyisaka ni tidyondzo ta mademona,

Testamente Leyimpsha Xichangana

¹ Kutani-ke, Moya wuhlaya wutiyisile lesvaku masikwini lamataka, van'wana vatahambana ni vupfumeli, hi mhaka ya kulandza mimoya leyikanganyisaka ni tijondzo ta madimoni,

1 Timotiya 4:1 Iomraidhean Croise

Genesa 3:13

Yehovha Xikwembu a ku eka wansati: “U swi endlele yini xana?” Wansati a ku: “I nyoka leyi nga ndzi kanganyisa, kutani ndzi dya.”

1 TIHOSI 13:18

Kutani a ku eka yena: “Na mina ndzi muprofeta kukota wena, kambe ntsumi ya Xikwembu yi ndzi byerile hi rito ra Yehovha, ri te: ‘N'wi tlherise endlwini ya wena, a ta dya swakudya, a nwa mati.’ ” Kambe a a hemba mavunwa.

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Yeremiya 23:26

Swoleswo, swi ta va tano ku fikela kwihi etimbilwini ta vaprofeta valavo, ku profeta mavunwa, ni ku profeta ku xisa ka timbilu ta vona xana?

Yeremiya 48:47

Hambiswiritano, ndzi ta tlherisa va le ku bohiweni va Mowabu enkarhini wa le ndzhaku, ku vula Yehovha.” Hi kona ku avanyisiwa ka Mowabu.

Yeremiya 49:39

Hambiswiritano, enkarhini wa ku hetelela ndzi ta tlherisa eku bohiweni va ka Elamu, ku vula Yehovha.”

Ezekiele 1:3

rito ra Yehovha ri fika eka Ezekiele, n'wana Buzi, muprista etikweni ra Vakalediya enambyeni wa Kebara; exivandleni lexi, voko ra Yehovha ri va ehenhla ka yena.

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Tinhlayo 24:14

Kutani sweswi ndzi tiyela eka rikwerhu. Tana, ndzi ta ku tivisa leswi tiko leri ri nga ta swi endla eka tiko ra wena masiku man'wana.”

Matewu 18:7

“Yi ni khombo misava hikwalaho ka ku khunguvanyisa; hikuva ku khunguvanyisa ku fanele ku va kona kambe u ni khombo munhu loyi ku khunguvanyeka ku humelelaka ha yena.

Luka 17:1

Yesu a ku eka vadyondzisiwa va yena: “Loko ku ri ku khunguvanyeka, ku nga ka ku nga pfumaleki, kambe u ni khombo loyi ku khunguvanyeka ku humelelaka ha yena.

Yohane 16:13

Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Timhaka 20:23

ntsena loko ndzi ri karhi ndzi ya emutini wun'wana ni wun'wana, Moya lowo Kwetsima wu ndzi tivisa leswaku ku bohiwa ni maxangu swi ndzi langutele.

Timhaka 21:11

Kuteloko a te eka hina, a teka nghole ya xifunga ya Pawulo, a tiboha mavoko ni milenge ha yona, kutani a ku: “Moya lowo Kwetsima wu vula leswaku wanuna loyi nghole leyi, yi nga ya yena, Vayuda va ta n'wi bohisa sweswo eYerusalema, va kondza va n'wi nyiketa emavokweni ya vamatiko.”

Timhaka 28:25

Kutani, hikuva a va nga twanani, va hambana loko Pawulo a va byerile mhaka leyi, yi ri yin'we, a te: “Moya lowo Kwetsima wu vurisile hi nomu wa muprofeta Esaya eka vatata wa hina, wu ku:

1 Vakorinto 10:20

A ndzi vurisi sweswo, kambe ndzi ri: Swilo leswi vamatiko va swi tlhavelaka egandzelweni, va swi tlhavela mademona, a va tlhaveri Xikwembu. Kutani ndza ala leswaku mi hlangana ni mademona.

1 Vakorinto 11:19

hikuva ku hambana ku fanele ku va kona exikarhi ka n'wina, leswaku ku ta vonaka lava nga va xiviri eka n'wina.

1 Vakorinto 12:11

Kambe Moya wolowo wu ri wun'we wu tirha leswo hinkwaswo, wu ri karhi wu avela un'wana ni un'wana hi laha wu rhandzaka hakona.

1 Vakorinto 2:10

Kambe Xikwembu xi hi pfuletele tona hi Moya wa xona; hikuva Moya wu lavisisa hinkwaswo, hambi swi ri leswi enteke swa Xikwembu.

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Duteronoma 4:30

Kutakuloko u le khombyeni, ni loko swilo hinkwaswo leswi swi fikele ka wena emikarhini leyi nga ta ta, u ta tlhelela eka Yehovha, Xikwembu xa wena, kutani u ta yingisa rito ra yena.

Vakolosa 2:18

Munhu a nga tshuki a mi tekela hakelo hi ku rhandza ka yena, wo nge a swi endla hi ku titsongahata ni ku gandzela tintsumi; a tinghenisa eka leswi a nga swi vonangiki, hi ku tikurisela swahava hi ku anakanya ka nyama ya yena;

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

2 Timotiya 4:4

kutani va ta hambukisa tindleve ta vona entiyisweni, va ta hundzukela emitsheketweni.

Yakobo 3:15

A hi byona vutlhari lebyi xikaka hi le henhla, kambe i bya misava, i bya vumunhu, ni bya mademona.

1 Petro 1:20

loyi a nga tiviwa hi Xikwembu misava yi nga si tumbuluka, kutani a kombisiwa hi mikarhi ya ku hela hikwalaho ka n'wina,

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

2 Petro 3:3

mi va mi rhanga hi ku tiva mhaka leyi, leswaku hi mikarhi ya makumu, vasori va ta ta hi ku vungunya, va famba hi ku navela ka vona,

1 Yohane 2:18

Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

1 Yohane 4:6

Hina hi va Xikwembu; la tivaka Xikwembu wa hi yingisa; la nga riki wa Xikwembu a nga hi yingisi; hikwalaho hi tivaka moya lowu nga wa ntiyiso, ni moya lowu nga wa mavunwa.

Yuda 1:18

hilaha va mi byeleke leswaku, “enkarhini wa makumu, vahleki va ta va kona lava nga ta famba hi ku navela ka vona, va nga chavi Xikwembu.”

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

Nhlavutelo 16:14

Hi yona mimoya ya mademona leyi endlaka mahlori, leyi yaka eka tihosi ta misava hinkwayo ku ta ti hlengeletela ku lwa ka siku lerikulu ra Xikwembu xa matimba hinkwawo.

Nhlavutelo 18:2

Kutani yi huwelela hi rito lera matimba, yi ku: “U wile, u wile, Babilona lonkulu, u hundzukile vuako bya mademona, ni khotso ra mimoya hinkwayo ya thyaka, ni vuako bya tinyanyana hinkwato leti nga tengangiki, leti nyenyiwaka.

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Nhlavutelo 2:11

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, a nga ka a nga vavisiwi hi rifu ra vumbirhi.’

Nhlavutelo 2:17

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula, ndzi ta n'wi nyika manna laya fihliweke; ndzi n'wi nyika ni ribye lero basa, leri ku tsariweke eka rona, vito lerintshwa leri nga tiviwiki hi munhu, loko a nga ri loyi a ri amukelaka.’

Nhlavutelo 2:29

La nga ni tindleve a a yingise leswi Moya wu swi byelaka tikereke.’

Nhlavutelo 2:7

“ ‘La nga ni tindleve a a yingise leswi Moya wu swi byelaka tikereke: Loyi a nga ta hlula ndzi ta n'wi nyika ku dya murhi wa ku hanya, lowu nga exikarhi ka Paradeyisi ya Xikwembu.’

Nhlavutelo 20:10

Kutani Diyavulosi, loyi a va kanganyisaka, a cukumetiwa etiveni ra ndzilo ni xivavula, laha ku nga ni xivandza ni muprofeta wa vunwa; va ta xanisiwa kona vusiku ni nhlekanhi hilaha ku nga heriki.

Nhlavutelo 20:8

u ta huma ku ya hambukisa matiko lama nga ematlhelweni ya mune va misava, Gogo na Magogo, a va hlengeletela ku lwa; ku tala ka vona ku fana ni sava ra lwandle.

Nhlavutelo 3:13

La nga ni tindleve, a a yingise leswi Moya wu swi byelaka tikereke.’

Nhlavutelo 3:22

La nga ni tindleve, a a yingise leswi Moya wu swi byelaka tikereke.’ ”

Nhlavutelo 3:6

La nga ni tindleve; a a yingise leswi Moya wu swi byelaka tikereke.’

Nhlavutelo 9:20

Kambe vanhu lava seleke, lava nga dlayiwangiki hi makhombo walawo, a va hundzukanga emitirhweni ya mavoko ya vona; a va tshikanga ku gandzela mademona, ni swifaniso swa nsuku, ni swa silivhere, ni swa koporo, ni swa maribye, ni swa mitsandze, leswi nga voniki, ni ku yingisa, ni ku famba.