1 Timotiya 3:3 - Xitsonga (Bibele)

³ a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

BIBELE Mahungu Lamanene

³ A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Testamente Leyimpsha Xichangana

³ Angatinyiketi kunwa bzala, kumbe munhu wa tinyimpi, kambe aave lweyi wa kurhula, angavi ni vumpsaka, nasvona angavi lweyi arhandzaka ngopfu male.

1 Timotiya 3:3 Iomraidhean Croise

Swivuriso 1:19

Hi yona mhaka ya hinkwavo lava tinyiketaka rifuwo, Hikuva ri khoma moya wa lava ri fuwaka.

Swivuriso 15:27

La navelaka bindzu ra ku phanga u karhata yindlu ya yena, Kambe la vengaka tinyiko u ta hanya.

Eklesiasta 7:8

Makumu ya mhaka ma tlula masungulo ya yona. Mbilu yo leha yi sasekile ku tlula mbilu leyi tikurisaka.

Esaya 28:1

Khombo ri ni xintlontlo lexi tiarisaka xa vapyopyiwa va Efrayimi, khombo ri ni xiluva lexi vuneke byi nga vubombi bya vona, ehenhla ka nkova lowu noneke wa lava hluriwaka hi vhinyo!

Esaya 28:7

Kambe na vona va voyavoyamela evhinyweni, va solovanya hi byalwa; muprista ni muprofeta va dedeleka ebyalweni, va nwela evhinyweni, va solovanya loko va profeta, va dedeleka; loko va avanyisa, va voyama.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Ezekiele 44:21

A ku na muprista la nga ta nwa vhinyo loko a nghena erivaleni ra le xikarhi.

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Malakiya 1:10

“I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

Matewu 21:13

a ku eka vona: “Ku tsariwile va ku: ‘Yindlu ya mina yi ta vuriwa yindlu ya ku khongela,’ kasi n'wina mi yi endle bako ra makhamba.”

Timhaka 20:33

A ndzi navelanga macheleni, ni loko ti ri tipondho, hambi yi ri nguvu ya munhu ni un'we.

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

1 Vatesalonika 5:14

Kambe, vamakwerhu, ha mi khongotela, hi ri: Layani lava nga fambiki hi nawu, mi chavelela lava karheleke timbilu, mi tiyisa lava tsaneke, mi va lehisela mbilu hinkwavo.

1 Timotiya 3:8

Na vona vadiyakoni, va ve vanhu lava fundzhekaka, va nga tshuki va va ni tindzimi timbirhi, va nga tinyiketi evhinyweni hi ku tlurisa, va nga tshuki va bindzula hi ku kanganyisa;

2 Timotiya 3:2

Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi,

Tito 1:11

lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Yakobo 4:1

Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Yuda 1:11

Va ni khombo, hikuva va fambile hi ndlela ya Kayini, kutani va hambukile hi ku tsutsumela hakelo kukotisa Balaama, kutani va tilovisile hi ku kaneta loku kotisaka ka Kora.

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.