1 Timotiya 1:5 - Xitsonga (Bibele)

⁵ Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

BIBELE Mahungu Lamanene

⁵ Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

Testamente Leyimpsha Xichangana

⁵ Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

1 Timotiya 1:5 Iomraidhean Croise

Pisalema 24:4

Hi loyi a nga ni swandla leswi nga riki na nandzu, ni mbilu leyi tengeke. Loyi a nga nyiketiki moya wa yena ku hemba mavunwa, La nga hlambanyiki hi ku xisa.

Pisalema 51:10

Oho Xikwembu! Vumba endzeni ka mina mbilu leyo tenga. U tlhela u pfuxa endzeni ka mina moya lowo tiya.

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Sofoniya 3:7

A ndzi ku: ‘Loko a wu ndzi chava, u va u amukela ku tshinyiwa, ingi vutshamo bya wena byi nga ha susiwi eka wena hilaha ndzi leriseke hinkwaswo hakona ehenhla ka yena,’ kambe va pfukele ku onha swiendlo swa vona hinkwaswo.”

Matewu 12:35

Munhu wa mbilu leyinene u humesa swilo leswinene exumeni lexinene xa yena, kambe munhu wa nsele u humesa swilo leswo biha exumeni lexo biha xa yena.

Matewu 5:8

Ku katekile lava nga ni timbilu leti tengeke, hikuva va ta vona Xikwembu.

Timhaka 15:9

kambe a xi hambanyisanga nchumu exikarhi ka hina na vona, hikuva xi basisile timbilu ta vona hi ku pfumela.

Timhaka 23:1

Pawulo a honolela va Sinedri, a ku: “Vavanuna varikwerhu, ndzi hanyile hi ripfalo lerinene hinkwaro emahlweni ka Xikwembu ku fika siku leri.”

Timhaka 24:16

Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Varhoma 10:4

Hikuva ku hela ka nawu i Kriste la nyikaka ku lulama eka mani na mani la pfumelaka eka yena.

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Varhoma 14:15

Kambe loko u khomisa makwenu tingana hi swakudya, kwalaho a ku fambi hi rirhandzu. U nga tshuki u lovisa hi swakudya swa wena loyi Kriste a n'wi feleke.

Varhoma 9:1

Ndzi vula ndzi tiyisa emahlweni ka Kriste, a ndzi hembi, ripfalo ra mina ri ndzi yimela hi Moya lowo Kwetsima, loko ndzi ku:

1 Vakorinto 13:1

Hambiloko ndzi nga vulavula tindzimi ta vanhu ni ta tintsumi, kambe ndzi nga ri na rirhandzu; ndzi kotisa nanga leyi yimbaka, hambi swi ri swiphambati leswi pfumaka.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Duteronoma 10:12

“Kutani sweswi, Israele, Yehovha Xikwembu xa wena, a lava yini eka wena-ke? A hileswaku u chava Yehovha, Xikwembu xa wena, u famba etindleleni hinkwato ta yena, u n'wi rhandza, u tirhela Yehovha, Xikwembu xa wena, hi mbilu hinkwayo ya wena, ni moya hinkwawo wa wena;

1 Timotiya 1:18

Timotiya, n'wananga, leswi ndzi ku khongotelaka swona, hileswaku, hilaha ku nga bvumbhiwa hakona eku sunguleni ehenhla ka wena, u lwa hakona ku lwa loko saseka,

1 Timotiya 1:19

u ri karhi u hlayisa ku pfumela ni ripfalo lerinene, leri van'wana va ri lahleke; ku pfumela ka vona ku halakile kukotisa byatso;

1 Timotiya 3:9

va hlayisa xihundla xa ku pfumela hi ripfalo leri tengeke.

2 Timotiya 1:3

Ndzi khensa Xikwembu lexi ndzi xi tirhelaka hi ripfalo lero basa kukotisa vatatana va khale, hikuva a ndzi rhuteri ku ku anakanya emikhongelweni ya mina, vusiku ni nhlekanhi, ndzi ri karhi ndzi anakanya mihloti ya wena,

2 Timotiya 1:5

ndzi anakanya ni ku pfumela loku baseke loku nga eka wena ni loku ngi ku akile khale eka Luwisa kokwa wa wena, ni ka Yunika mana wa wena; kutani ndzi tshemba ngopfu leswaku ku kona, ni ka wena.

2 Timotiya 2:22

Kambe chava ku navela loko biha ka lavantshwa; kambe landza ku lulama, ni ku pfumela, ni rirhandzu, ni ku rhula swin'we ni lava khongelaka Hosi hi timbilu leto tenga.

Tito 1:15

Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo.

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Vaheveru 13:18

Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

1 Petro 4:8

Ngopfungopfu mi tiyisela eku rhandzaneni, hikuva rirhandzu ri ta funengeta swidyoho leswo tala.

2 Petro 1:7

ni le vukhongerini, ku rhandza vamakwenu; ni le ku rhandzeni ka vamakwenu, ku rhandza hinkwavo.

1 Yohane 3:10

Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.

1 Yohane 3:23

Kutani ku lerisa ka xona hileswaku hi pfumela vito ra N'wana wa xona Yesu Kriste, ni leswaku hi rhandzana hilaha xi hi leriseke hakona.

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.