Mateo 8:3 - Nuevo Testamento Toba Sombrero Negro

³ Jesús en ga'me louaq da'me yepot, qama'le enaac: —Eja, ja'amaqaten. Qama'le nayi, ¡Am yoqovita! Qama'le paja'a ca'e ga'me daloĝo, male qaya ga'me lapite'na.

Nuevo Testamento Toba Sur

³ Nachi so Jesús ipoteu'a somayi, nachi 'eeta': –Aja', seshit. Nagui 'am no'oita. Nachi co'ollaq chochi nasaxauec de'eda l'aqtac, nachi som nchiga na l'oc, somayi ÿataqta no'oita.

La'aqtaqa Ñim Lo'onatac 'Enauacna 2013

³ Nache So Jesús ipoteua'a somaye, nache 'eeta': –¡Aja', seshet! ¡Nagui 'am no'oita! Nache co'ollaq choche nasaxauec de'era la'aqtac, nache som nchega na lo'oc, somaye ỹataqta no'oita.

Mateo 8:3 Iomraidhean Croise

Mateo 12:13

Chane'eja dojapegue' ñe'me jiyaĝaua: —Anodegue na'me adouaq. Ñe'me nodegue, qama'le ga'me louaq yitaĝa yemegue yataqachiñe ena'am ga'me laqaya.

Marcos 1:41

Jesús jalcote da'me yichoĝoden ñe'me, ca'li en toĝoyet na'me louaq qama'le enaac: —¡Eja, ja'amaqaten! Qama'le nayi, ¡am yoqovita!

Marcos 4:39

Jesús ñijeguem ca'li qama'le yicochaĝaguet ga'me layat, nataq'aen yicochaq ga'me noĝop let'adaic, enaac: —¡At'emaĝañe! ¡At'emaqata! Qama'le ga'me layat 'nemaĝañe ca'li, yataqachiñe nedo'ta't da'me tochiñe.

Marcos 5:41

Qama'le Jesús yacona ga'me louaq jaga'me, nataq'aen enaac: —¡Talitá cum! ('me yelo'teguet: “¡Am q'añole, am jenapega, oñijeguem!”)

Marcos 7:34

Yem qama'le yeloje'mec di'me piyem, nauec ga'me layat qama'le dojapegue' ga'me jiyaĝaua: —¡Efatá! —(judío 'laqatac jo'ne eetojo': “¡A'nouategue!”)—

Marcos 9:25

Jesús yauana queda'me jalcote ga'me jiyaĝadipi jo'ne qonemetapega qama'le nelaĝa ñe'me nepaqal jo'ne ja no'en 'me uetaye, enaac: —Am nepaqal jo'ne ja auen 'te doje na'me notolec nataq'aen ja auen 'te domachiyac, am jamaĝalegue da'me auenoĝonegue, oca'e jena'me jenjo' notolec, nataq'aen queda'me ja yitaĝa auenoĝonoue.

Lucas 4:27

Nach'e ena'am ca'li cha'li 'uo di'me Dios 'laqataĝanaĝanec Eliseo, uo'oe jalcote gaa'me leuaĝaiquipi di'me Israel jo'ne nolaĝa polio' lalataqa. Qalaĝaja qaya'te onolec ta'le en yemegue q'aen, dite di'me Naamán, jo'ne Siria le'ec.

Lucas 5:13

Jesús en toĝoyet na'me louaq, enaac: —¡Eja ja'amaqaten: qama'le nayi am yoqovita! Qama'le ñe'me leuaĝaic paja'a ca'e ga'me lapite'na.

Lucas 7:14

Paja'a yec'ata qama'le yepot ga'me 'lochaĝala', qama'le nechachidiñe jogaa'me jo'ne yachitedac. Jesús dojapegue' di'me joote yeleu: —Am nejoqolec, nayi am jojapegue': ¡Oñijeguem!

Juan 11:43

Ca'li yem da'me nenaĝategue da'me dojo', qama'le netenec da'me liyaĝanaĝac: —¡Lázaro, anenoĝonegue, oca'e na'me nojo'!

Juan 15:24

Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.