Mateo 8:12 - Nuevo Testamento Toba Sombrero Negro

¹² Qalaĝaja ga'me judiopi lec'oqo'tepi jo'ne te'me naqaegaua tadoue da'me lejaliaĝa ñe'me Dios, male qoyamaĝade'ga qomle ga'me 'lalaĝa jo'ne p'aye. Chane'eja 'uo qomle da'me lachitatai'j choqoda'me noyenaĝa'j.

Nuevo Testamento Toba Sur

¹² Qaq nam ÿoqta qaÿauotaiquéctaxa da inoxoneu'a que'eca n'onataxanaxac mayi hueta'ague da piguem, namayipi qome qaÿamaxauga ca napalaxa na pa'auec. Huaña, nachi noÿiitac, qataq inaga't naua lhue da nqui'ic.

La'aqtaqa Ñim Lo'onatac 'Enauacna 2013

¹² Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Mateo 8:12 Iomraidhean Croise

Mateo 13:38

qama'le ga'me nanaĝanaqa' nach'ena jena'me qa'naleua, jaga'me onaĝai peta nach'egaua uetedaue da'me Dios lejaliaĝa, jaga'me najeguem jo'ne cizaña nach'egaua c'oqo'te ñe'me payac,

Mateo 13:42

Qoyijaĝadoue jaga'me nec'atoĝonaĝaiqui jo'ne edetañgui, qama'le 'uo da'me lachitatai'j choqoda'me noyenaĝa'j.

Mateo 13:50

qama'le qoyijaĝadoue jaga'me nec'atoĝonaqa' jogaa'me ja 'noe'n. Chane'eja male 'uo da'me lachitatai'j choqoda'me noyenaĝa'j.”

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Mateo 24:51

Qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j jogaa'me ja ejoda, ua'a da'me noyenaĝac nataq'aen yoqolavina't jonaa'me lodaitel.

Mateo 25:30

Qama'le jenjo' namaĝajec jo'ne qolanaqaic, auamaqayoue ga'me p'aye 'me 'lalaĝa. Ua'a da'me ya'uo da'me lachitataic choqoda'me noyenaĝac.”

Lucas 13:28

Chane'eja male novi' da'me ademalaqataĝanaĝaqui nataq'aen da'me adalemataiqui queda'me auañiyalo di'me Abraham, Isaac, Jacob nataq'aen ena'uaque dia'me 'laqataĝanaĝanaqa joñe'me Dios da'me uetedaue da'me daja' lejaliaqa', qalaĝaja ami qamqa'me qoyen oquiya'e qomle da'me ami qoyamaĝadegue.

Hechos 3:25

Ga'me jo'ne Dios 'laqataĝanaĝanaqa 'yaĝatetedac ca'li, queda'me jetaque ami 'yetema, nach'ena ami qoyanema; nach'e ena'am ami ua'ajopa da'me jo'ne Dios necoñetegueta dia'me auachiyoĝoita. Qa'a Dios yanem da'me 'laqatac di'me Abraham: «Yema ga'me jiyaĝadipi ñetamelo'te qomle jouaĝat ga'me ac'oqo'tepi.»

Romanos 9:4

Jogaa'me mach'e Israel c'oqo'tepi, nataq'aen Dios e'n liaqataqa jogaa'me qaedi ena'am da'me c'oqo'tolqa. Dios uetauelo ca'li jogaa'me, di'yoq q'aen ca'li da'me 'lonaĝa, qama'le yanema da'me yamaĝataĝac, daa'me lamaĝajoĝonaĝaco jo'ne chiyoqodo'ot di'me Moisés, da'me qouenate'ta joñe'me nataq'aen daa'me 'laqataqa 'me 'yaediñi joca'li.

2 Pedro 2:17

Naajo' paĝaguenataĝanaĝayaqa ena'am jaga'me nejede jo'ne qaya'te noĝop ta'le le'ec, nataq'aen da'me ena'am ga'me piyem lo'oc jo'ne layat layonatac. Chane'eja 'uo qomle da'me laviyaĝajet, da'me qoyen yec'adeta ga'me 'lalaĝa let'adaic jo'ne qaya'te loiquiaqa'.

2 Pedro 2:4

Dios ja yichoĝode'n joca'li jogaa'me piyem laje'pi jo'ne yauote da'me loe'j, dite da'me yamaĝadoue di'me ne'uaĝanaqa' qaedi yanetedaue joga'me 'lalaĝa, qama'le qoyajoqoteda'aguet ga'me nolo' p'ategue qom qoya'uo da'me nec'atenaĝanaĝac.

Judas 1:13

Nach'egaua ena'ama gaa'me lepa' let'al ga'me noĝop, qa'a ena'am ta'le ya'uo 'lali nale, nach'egaua 'lonataĝanaĝaco jo'ne ja nepocoĝolo'te. Nataq'aen ena'ama ga'me uaqachiñipi jo'ne yejomateda'ague ga'me dajotegue, qa'a queda'e da'me yoqochiñe jo'ne 'laqatac joñe'me Dios, qama'le qoyecoñe't qaedi tadoue ga'me jo'ne ja 'naidena'a 'me yataqachiñe yeda'at jo'ne 'lalaĝa.

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.