Mateo 4:10 - Nuevo Testamento Toba Sombrero Negro

¹⁰ Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Nuevo Testamento Toba Sur

¹⁰ Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

La'aqtaqa Ñim Lo'onatac 'Enauacna 2013

¹⁰ Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Mateo 4:10 Iomraidhean Croise

Mateo 16:23

Jesús 'viyelaq ca'li qama'le enapega ñe'me Pedro: —¡Jayem oca'e, Satanás, qa'a ena'am ta'le am japoguelaĝatapecot! Qa'a ja auenate'talo gaa'me uo'oe 'me loqo'te ñe'me Dios, dite gaa'me ch'e lelnataĝaco ga'me jiyaĝaua.

Marcos 1:13

Qama'le ue'ta ga'me 'nonaĝa chayovida'a cuarenta gaa'me noloqo'ote, qama'le ñe'me payac jo'ne Satanás yapiyen joñe'me. Uo'oe jogaa'me yejidipi jo'ne 'nonaĝa's, qalaĝaja jogaa'me piyem laje' lecochita joñe'me.

Lucas 10:18

Jesús 'yategueta jogaa'me: —Eja, qa'a jauana ñe'me payac jo'ne Satanás da'me 'naqañe ena'am ga'me qajoĝonaĝa lauaq da'me chiyaqaje'ma di'me piyem.

Lucas 11:18

Nach'e naq'aeta da'me dojo', qom ñe'me payac jo'ne Satanás ma'te ja nalo'ta't da'me ja niyamaĝadenapega't, qama'le ¿teua'atoqo' nach'e eta't 'uo da'me lejaliaĝa? Ami ja'aĝatema da'me dojo' qa'a a'uaĝachetac queda'me nach'eñe Beelzebú jo'ne jayem yanem da'me yañoqotaĝanaĝac qaedi jamaĝadegue ga'me payagodipi.

Lucas 13:16

Chane'eja janjo' yauo, jo'ne mach'e chiyoĝoguet di'me Abraham, qama'te Satanás en lecoñetaeje da'me dojo' lapite'na chiyoqo'teguet dieciocho 'uoidi, ¿qo'li ja 'noota ta'le qoyejoye nayi, mate mane'e nolo' jo'ne niyamaqatac?

Lucas 22:3

Qama'le Satanás taue ñe'me Judas jo'ne qoyiyanaĝatapec Iscariote, nach'eñe chiyaqauelo gaa'me doce lapaĝaguenataqa ñe'me Jesús.

Lucas 22:31

Nach'e ena'am enaac ñe'me Jaliaĝanec: —Simón, am jayatenaĝanaĝanec queda'me Satanás yepaquetapega da'me ami yadiyochiguilo, jetaque ami ee'tema ga'me trigo;

Lucas 4:8

Qalaĝaja Jesús 'yateguet: —Da'me Dios 'laqatac enaac: «A'nonaĝachigui ñe'me Jaliaĝanec jo'ne Anedios, nataq'aen nach'eñeta a'uonataĝaneuo'o joñe'me.»

Juan 13:27

Copa'ta taĝa joda'me yaconeguet jo'me pan lae ñe'me Judas, qama'le joñe'me Satanás taue na'me lauel. Jesús enapega joñe'me, enaac: —Joga'me jetaque aua'uo, 'noota qom paja'a aua'uo nayi.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Hechos 5:3

Pedro enaac: —Ananías, ¿toqoch'e auajeta ta'le Satanás am nomat nataq'aen am 'yetec da'me auoqovin ñe'me Dios Lepaqal jo'ne ja 'nalegue, da'me auen colaĝaye jaga'me lajo'vi ga'me a'naleua?

1 Corintios 5:5

qaedi qoyepataĝateguet ñe'me Satanás ga'me jiyaĝaua. Chane'eja qom qonolaĝachiñe ga'me lapat qama'le ga'me lepaqal qamqa'me nec'alegue qom 'niyelaq ñe'me Jaliaĝanec.

1 Corintios 7:5

Chane'eja gaa'me joote noua' 'noota qom ja nematedapiye nale da'me 'loyaĝa'j queda'me yataqachiñe qoyeloĝonaĝa'ta. Qalaĝaja qom ga'me jiyaĝaua nataq'aen jaga'me loua joote nayatena't queda'me cha'li uo'oe gaa'me noloqo'ote da'me nemana't, qaedi yemeda'a da'me netamenaĝa'j jogaa'me, qom yenoĝonegue ena'uac qama'le yemta yitaĝa uaĝata't jogaa'me, qaedi ñe'me payac ja ami 'te noma't, qa'a ja cop'a da'me aue'yaĝañiya'aguet da'me auepochiya jaga'me yauo.

2 Corintios 11:14

Dojo' nach'eda ja aloualiya'a. Chayovida'a ñe'me Satanás nojomaĝaqui'ña da'me eetapela't piyem le'ec 'me yoqochiñe,

2 Corintios 12:7

uotaĝa gaa'me Dios jayem yaloĝonalo 'me 'uo da'me 'lonaĝa'j. Qo'che' qaedi ja jayem 'te najaqachigui da'me ñi'yoĝodenaĝac, 'uo da'me jayem qoyanem 'me nayaliaĝac: ena'am ta'le Satanás jayem yejoguec jaga'me yaĝat jena'me yapat qaedi ya'uo yachoĝodec.

2 Corintios 2:11

qaedi ja yepitaqatenac ga'me qo'mi 'yeteque ñe'me Satanás, qa'a joote yataqachiñe jatetona' naa'me ja 'noe'n lelnataĝaco.

Santiago 4:7

Auoqochiiya joñe'me Dios, nataq'aen da'me a'nañaĝachiyeguet ñe'me payac, qama'le ñe'me ami dajoo'yema qomle.

1 Pedro 5:9

'Noota qom a'nañaĝachiyeguet nataq'aen da'me ami 'yañaqate't da'me adepi'i, qa'a yemeda naa'me aleua lael, jogaa'me jo'ne mach'e adaqayadi' nach'e ena'ama da'me 'uo da'me lachoĝode'j jo'ne ena'am da'me jo'ne ami qo'yeteque.