Mateo 3:12 - Nuevo Testamento Toba Sombrero Negro

¹² Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Nuevo Testamento Toba Sur

¹² Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

La'aqtaqa Ñim Lo'onatac 'Enauacna 2013

¹² Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Mateo 3:12 Iomraidhean Croise

Mateo 13:30

'Noota da'me auomachii'talo naquetaje'ma't chayovida'a qom jaqataĝanaq. Chane'eja jama' qomle gaa'me datoĝo'n qaedi 'uaeñe nato'y jaga'me cizaña yauo'oe naa'me lajaĝataqa, qaedi qoyigouelo. Qom yem qama'le qoyiyamaĝat ga'me trigo, qoyachauelo naa'me yequipi'.»”

Mateo 13:41

Jayem jo'ne jayem Jiyaĝaua Lec'oĝot ñamaĝatequena qomle gaa'me piyem laje' qaedi yacone'ualo yema gaa'me jo'ne yaueguedoue nale ga'me loe'j joga'me laqaya'olqa nataq'aen jogaa'me 'yetedac da'me ja no'en.

Mateo 13:42

Qoyijaĝadoue jaga'me nec'atoĝonaĝaiqui jo'ne edetañgui, qama'le 'uo da'me lachitatai'j choqoda'me noyenaĝa'j.

Mateo 13:43

Chane'eja gaa'me chimadichidiñe jo'ne uetedaue da'me lejaliaĝa ñe'me Qadet'a male yaqasele'j, eda'am jañe'me ajeua. Chane'eja, ami jo'ne jayem anaquiaĝañiya nayi, 'noota qom yataqata auayachiñi'tegue da'me dojo'.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Lucas 3:17

Ena'am ta'le nachitac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.

Juan 15:2

Nach'eñe yichaĝaye yema jaga'me yepee jo'ne qaga'te jala; qalaĝaja yema jaga'me 'uo jaga'me jala, qama'le yepoloqo't qaedi let'adaic da'me nejalayaĝac.