Mateo 24:3 - Nuevo Testamento Toba Sombrero Negro

³ Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

Nuevo Testamento Toba Sur

³ Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?

La'aqtaqa Ñim Lo'onatac 'Enauacna 2013

³ Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Mateo 24:3 Iomraidhean Croise

Mateo 13:36

Jesús yep'iye'tape ga'me jiyaĝadipi da'me ca'ae qama'le taue ga'me emec. Ua'a ca'li gaa'me lapaĝaguenataqa dajoyeda'aguet ñe'me qama'le nachoĝodetot qaedi noqoteneque da'me daloqotenaĝana jaga'me cizaña queda'me naje'ma ga'me nanaĝanaqa'.

Mateo 13:49

Nach'e naq'aeta qom yovita ga'me loiquiaqa' jena'me aleua: noqoidegue joga'me piyem laje'pi qaedi yiyota'alo gaa'me jiyaĝa'u jo'ne 'noote', e'n ca'ae jogaa'me jiyaĝa'u jo'ne ja 'noe'n,

Mateo 15:12

Chane'eja nichide'uo gaa'me lapaĝaguenataqa ñe'me Jesús qama'le yachimaĝadeta: —¡Yataqachiñe dalemata'y joga'me fariseopi ca'li domachita ga'me anenaĝategue!

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Mateo 16:28

Eja ami jayatenaĝaneque queda'me uo'oe gaa'me ueteda'a jena'me jenjo' nayi ja yele'u chayovida'a qom jayem yauata, da'me jayem jo'ne yataqachiñe jayem Jiyaĝaua Lec'oĝot, qom ñovi' qaedi ñejaliaĝatelegue quena.

Mateo 17:19

Yem da'me dojo' gaa'me lapaĝaguenataqa yiyoteda'a ñe'me Jesús da'me dojedapegue', qama'le yachimaĝadeta, enapega't: —¿Toqoch'e da'me qo'mi ja jaqanatetaq ta'le jamaĝajoĝoye ñe'me payac?

Mateo 21:1

Mane'e ca'li joote yauoqoda'a di'me Jerusalén, nataq'aen yovideta di'me Betfagé, yauaqa'a ga'me qajoĝonaĝa 'me Olivo Lichidijat, Jesús ye'uauaĝate' gaa'me dojolqa 'me lapaĝaguenataqa,

Mateo 24:27

Qa'a ena'am ga'me laqaselegaĝa di'me piyem, mane'e da'me edañgui yicoyadelo'te naa'me lael di'me piyem, nach'e naq'aeta qomle jayem jo'ne Jiyaĝaua Lec'oĝot ga'me nolo' da'me 'ñiyelaĝaquena.

Mateo 24:30

Chane'eja qom male di'yoq ga'me 'yanec jo'ne yataqachiñe ualegue di'me piyem, qama'le yema ga'me jiyaĝadipi jo'ne aleua laje'pi male ye'uaĝalo'te naa'me letoguel, qom yauata da'me japetalegue ga'me piyem lo'oc da'me ñovi', da'me 'uo da'me yañoqotaĝanaĝac nataq'aen da'me 'yonaĝac let'adaic.

Mateo 24:37

“Qa'a ena'am gaa'me noloqo'ote ca'li 'uo di'me Noé, naq'aeta qomle da'me 'yiyelaĝajoĝoc, jayem mach'e Jiyaĝaua Lec'oĝot.

Mateo 24:39

Nataq'aen ja maqachaĝa nometeguet ga'me lai'li chayovida'a joca'li novi' ga'me uotep let'adaic, qama'le ena'uaque yayoĝo'n jogaa'me. Nach'eda naq'aeta qomle da'me 'yiyelaĝajoĝoc, da'me jayem mach'e Jiyaĝaua Lec'oĝot.

Mateo 24:43

'Noota qom auayachiñe da'me dojo': qom ga'me ladipa ga'me emec joote yayaten jaga'me hora da'me novi' ga'me cachaĝaic, qama'le joote yeviteta't qama'le ja yajeta ga'me cachaĝaic ta'le yenoĝonoue ga'me 'lemec qaedi decachi.

Mateo 28:20

nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

Lucas 21:7

Chane'eja yauote da'me lachimaqataĝanaĝa'j: —Paĝaguenataĝanaĝaic, ¿jach'e jogamaĝa laloqo' da'me 'uo da'me dojo'? ¿Jach'e jogamaĝa 'nanec qomle da'me yauaqa'a da'me male di'yo't naa'me naajo' uo'oe?

Hechos 1:7

Jesús 'yategueta jogaa'me: —Ja naqa'ami da'me ami qoyayatenaĝanaĝaneque ga'me nolo'; nach'eñeta ñe'me Taĝadena' jo'ne yayaten qom laloqo' q'aen qama'le ye'et ga'me mach'e loequenataĝanaĝac.

Hebreos 9:26

Ta'le naqaeda jo'ne eeta qama'le Cristo uotaĝa nach'e eta't 'viyelaĝalegue da'me yeleu, chiyoqotelegue ca'li yemta qoye'et jena'me aleua. Qalaĝaja ja naq'aeta, dite da'me male yovita da'me mach'e loiquiaqa't jogaa'me noloqo'ote, qama'le Cristo male onolec da'me 'naĝatela't, da'me nach'eñe jo'ne najaqajec qaedi doĝotaĝaneque naa'me qadoeco.