Mateo 2:1 - Nuevo Testamento Toba Sombrero Negro

¹ Jesús niyi'ña di'me Belén, noicolec 'me na'ña di'me aleua jo'ne Judea, noloqo'ote ca'li Herodes yema nejaliaĝatelegue di'me aleua. Qanach'e ua'a ca'li uo'oe gaa'me yovideta di'me Jerusalén chiyoĝotegue ga'me nayapije'ma jañe'me ajeua jo'ne yatenaĝanaĝayaqa, da'me napaĝaguetapegalo joga'me uaqachiñipi,

Nuevo Testamento Toba Sur

¹ So Jesús lañoqo' yi pueblo l'enaxat Belén, huaigui yi 'alhua Judea huetoigui so na'a'q co'ollaq so Herodes nta'a, nachi ilotague' se'eso 'alhua. Nachi nvitra yi la ciudad Jerusalén soua shiÿaxa'u, chigoqda'ague da yi'oxoñi. Soomayi ÿajnaxanaxaiqa ana huaqajñipi.

La'aqtaqa Ñim Lo'onatac 'Enauacna 2013

¹ So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 2:1 Iomraidhean Croise

Mateo 1:25

Qama'le jona'li ue'tajop chayovida'a ca'li niyiñe ga'me c'oĝot jaga'me, qama'le José ya'uo lenaĝat Jesús.

Mateo 2:16

Mane'e ca'li ñe'me Herodes yetaden queda'me jaajo' yatenaĝanaĝayaqa ja yoqochideta ca'li da'me 'laqatac, qama'le yataqachiñe dalemata. Chane'eja damaĝajoĝolegue da'me qoyala't gaa'me ñoqolqapi jo'ne 'lachaqa't di'me Belén choqogaa'me dajoedauo, qoyachiyoĝotetelegue gaa'me dojolqa ne'uoidi chayovida'a ga'me 'najode', naq'aeta da'me naloqotenaĝa'tegueta gaa'me noloqo'ote jo'ne 'laqataĝanaĝa'j jogaa'me yatenaĝanaĝayaqa.

Mateo 2:19

Qalaĝaja ca'li Herodes joote yeleu, 'uo ga'me piyem le'ec yitaĝa taue q'aen ga'me 'lochaĝa ñe'me José da'me naloĝoneguet, ca'li maliaĝa ue'ta di'me Egipto, qama'le dojapegue':

Mateo 2:3

Ñe'me jaliaĝanec Herodes yataqachiñe ja mayiñe q'aen ca'li domachiya da'me dojo', nach'e ena'ama jogaa'me jo'ne neteda'ña di'me Jerusalén.

Mateo 2:5

Jogaa'me enapega't: —Nach'edi Belén mach'e aleua jo'ne Judea; qa'a naq'aeta da'me yediñe di'me Dios 'laqataĝanaĝanec, enaac:

Mateo 2:7

Chane'eja Herodes yiyaĝanalo jogaa'me yatenaĝanaĝayaqa qaedi yataqachiñe yayatenaĝatec da'me dojo', qama'le jogaa'me 'yaĝadetem jo'me nolo' ca'li di'yoĝoma jaga'me uaqachiñi.

Lucas 1:5

Mane'e ca'li gaa'me noloqo'ote ñe'me Herodes jo'ne P'ajaye cha'li nejaliaĝatelegue di'me aleua jo'ne judiopi 'lachaqa', 'uo ñe'me jiyaĝaua jo'ne tamenaĝaiqui lo'o 'me lenaĝat Zacarías, jo'ne napetenoue ga'me tamenaĝaiqui lo'olpi jo'ne lec'oqo'tepi di'me Abías. Jañe'me loua lenaĝat da'me Elisabet, mach'e chiyaqauelo ga'me c'oqotelpi di'me Aarón.

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

Lucas 2:15

Mane'e ca'li 'viyelaĝadijeguem gaa'me piyem laje', qama'le gaa'me 'naĝanaĝate neuatoqo'tpi paja'a onolqa'tape enapega't: —¡Qolaq jo'! Jec'otaĝa di'me Belén qaedi jauanaĝa dojo' jo'ne 'uo, jo'ne qo'mi 'yaĝatema ñe'me Jaliaĝanec.

Juan 7:42

Qa'a naa'me nedii's 'yaĝatetac da'me joga'me Dios Liquiyac nach'ega jo'ne chiyoĝoguet di'me nejaliaĝanec David, nach'e ena'am da'me chiyoĝogue di'me noic 'me Belén jo'ne lañoqo' di'me David.