Mateo 10:4 - Nuevo Testamento Toba Sombrero Negro

⁴ Simón jo'ne celote, nataq'aen Judas Iscariote, jo'ne ua'edi yanegue ñe'me Jesús.

Nuevo Testamento Toba Sur

⁴ Simón som chigaqaigui co'ollaxa ana l'enaxat cananista; qataq so Judas Iscariote som ÿaneuo co'ollaxa so Jesús.

La'aqtaqa Ñim Lo'onatac 'Enauacna 2013

⁴ Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Mateo 10:4 Iomraidhean Croise

Mateo 26:14

'Uo ñe'me onolec chiyaqauelo jogaa'me doce napaĝaguenataqa, nach'eñe lenaĝat Judas Iscariote, yec'atalo ca'li gaa'me lejaliaĝanaqa joga'me tamenaĝaiqui lo'olpi

Mateo 26:15

qama'le enaac: —¿Jach'e ga'me eeta ga'me jayem auañem qaedi ami janouelo ñe'me Jesús? Jogaa'me yejetetec treinta jaga'me laicaua.

Mateo 26:2

—Joote auayachiñe queda'me maliaĝa gaa'me dojolqa noloqo'ote nale qouenata nataq'aen qo'nonaĝachigui ga'me nolo' 'me Pascua, qama'le jayem jo'ne yataqachiñe Jiyaĝaua Lec'oĝot, jayem qoyanouelo qomle ga'me jiyaĝadipi qaedi jayem qoyep'enajeguem.

Mateo 26:47

Maliaĝa dojetac ñe'me Jesús ca'li yovidi't ñe'me Judas, jo'ne lapaĝaguenatac joñe'me, nataq'aen jalcote ga'me jiyaĝadipi 'me naequetedapegue', lajoqot'alo jogaa'me leloiquiaĝanaqa'te jo'ne daĝanaqa'te nataq'aen nepo'ñe jo'ne ep'a. Lamaĝa's jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi 'me judiopi.

Mateo 27:3

Judas, jo'ne yanegue ca'li ñe'me Jesús, nomeguet da'me yataqachiñe napacalegue da'me 'laloĝo, qama'le 'yiyelaĝatoto jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi jaga'me naicaua' jo'ne nalo'taguet treinta,

Marcos 14:10

Judas Iscariote, jo'ne chiyaqauelo jogaa'me doce 'me Jesús lapaĝaguenataqa, ec qaedi yec'atalo jogaa'me lejaliaĝanaqa ga'me tamenaĝaiqui lo'olpi, qaedi yanegue joñe'me Jesús.

Marcos 14:43

Maliaĝa dojetac ñe'me Jesús ca'li paja'a novi' ñe'me Judas, jo'ne lapaĝaguenatac joñe'me. Nataq'aen queda'me naequetedapegue' ñe'me Judas ga'me jiyaĝadipi jo'ne lamaĝa's jogaa'me lejaliaĝanaqa joga'me tamenaĝaiqui lo'olpi, joga'me judiopi napaĝaguenoqo'tpi nataq'aen joga'me 'yaĝaicachidipi jo'ne p'ajodaye; qama'le lajoqotayelo jogaa'me leloiquiaĝanaqa'te jo'ne daĝanaqa'te nataq'aen nepo'ñe.

Lucas 22:3

Qama'le Satanás taue ñe'me Judas jo'ne qoyiyanaĝatapec Iscariote, nach'eñe chiyaqauelo gaa'me doce lapaĝaguenataqa ñe'me Jesús.

Lucas 22:47

Qaale maliaĝa dojetac ñe'me Jesús, ca'li qoyovita ñe'me jalcote ga'me jiyaĝadipi. Ñe'me jo'ne lenaĝat da'me Judas, jo'ne nach'eñe chiyaqauelo ca'li gaa'me doce 'me namaĝa's, nach'eñe qodajotalegue. Yec'ata ñe'me Jesús qaedi nec'ouoq,

Juan 13:2

Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Juan 6:64

Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

Juan 6:71

Mane'e ca'li Jesús nenaĝategue da'me dojo', qama'le 'yaĝatetac ñe'me Judas, jo'ne lec'oĝot ñe'me Simón Iscariote, qa'a ñe'me Judas nach'eñe jo'ne dachinataĝalegue qaedi 'uo ga'me qo'yetec, mate mane'e te'me nach'e ena'am napotenaĝa'u jogaa'me jo'ne doce 'me lapaĝaguenataqa.

Hechos 1:13

Ca'li joote yovideta di'me noic qama'le yec'adidije'ma ga'me emec p'ajeguem jo'ne nach'ega uetedaue jogaa'me: 'uo ñe'me Pedro, Juan, Santiago, Andrés, Felipe, Tomás, Bartolomé, Mateo, Santiago c'oĝot ñe'me Alfeo, Simón jo'ne celote, nataq'aen Judas jo'ne c'oĝot ñe'me Santiago.

Hechos 1:25

qaedi yaconeguet dojo' 'lonata'j naa'me namaĝa's, nach'eda dojo' Judas yaĝan ca'li yejomac qaedi dajoyi ga'me jo'ne joote qoyeloĝonaĝa'tegue ne'uaĝanaqa'.”