Lucas 9:51 - Nuevo Testamento Toba Sombrero Negro

⁵¹ Ca'li male yauaqa'a ga'me laloqo' ñe'me Jesús da'me male yec'adije'ma di'me piyem, qama'le ue'tajop da'me 'lañaĝac da'me dajoyi di'me Jerusalén.

Nuevo Testamento Toba Sur

⁵¹ Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

La'aqtaqa Ñim Lo'onatac 'Enauacna 2013

⁵¹ Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

Lucas 9:51 Iomraidhean Croise

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Lucas 12:50

Jaue qomle da'me ñapiyenaguec jo'ne 'uo da'me lichic, nataq'aen ¡degueja da'me yachoĝodec chayovida'a qom yepacalegue da'me dojo'!

Lucas 13:22

Ga'me ladic jo'ne yelo'tegue di'me Jerusalén, Jesús yapaĝague'tape ga'me noyaqapi nataq'aen ga'me nomachaqa'te yema ga'me jo'ne ta'ya.

Lucas 17:11

Ga'me leuoĝoc ñe'me Jesús ca'li dajoyi di'me Jerusalén, qama'le talo'te gaa'me ale'u jo'ne Samaria nataq'aen Galilea.

Lucas 18:31

Jesús yiyota'alo da'me yiyaĝanalo gaa'me lapaĝaguenataqa jo'ne doce, qama'le enaac: “Nayi jajoĝogue di'me Jerusalén, ua'a da'me male yepaque'teguelo yema gaa'me yedidiñe joca'li dia'me Dios 'laqataĝanaĝanaqa jo'ne jayem 'yaĝatetedac, mach'e jayem Jiyaĝaua Lec'oĝot.

Lucas 19:11

Joga'me jiyaĝadipi naquiaĝatapega ñe'me Jesús da'me 'yaĝat da'me dojo', qama'le ñe'me 'yaĝatema jogaa'me da'me laloqotenaĝanaĝaiqui, qa'a male yauaqa'a di'me Jerusalén, qama'le jogaa'me yepetedapega da'me lejaliaĝa ñe'me Dios male laloqo' da'me di'yoĝoma.

Lucas 19:28

Mane'e ca'li da'me nenaĝategue da'me dojo', Jesús yitaĝa yalemaĝaye da'me dajoyi di'me Jerusalén.

Lucas 24:51

Qama'le mane'e ca'li cha'li netametapelo'te, qanach'e ca'ae jogaa'me nataq'aen male qoyauegue di'me piyem.

Lucas 9:57

Mane'e ca'li cha'li queteda'ague ga'me naq'aec, 'uo ñe'me jiyaĝaua jo'ne dojapegue' ñe'me Jesús: —Jaliaĝanec, jetaque am jequetapegue' ga'me auauoyi.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 16:28

Eja da'me joote jeca'e di'me lejaliaĝa ñe'me Taĝadena' qaedi ñec'ata jenjo' aleua, qama'le nayi jeca'e jenjo' aleua qaedi ji'iyelaĝa joñe'me.”

Juan 16:5

Qalaĝaja nayi male jec qaedi jona'ajop joñe'me jo'ne jayem namaĝaquena, qama'le da'me ami qaya'te gamachaqaega jayem yenatec ga'me jo'ne jajoyi.

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 6:62

¿Jach'e jogamaĝa eete' gaa'me at'aqataqadi' da'me ta'le jayem auañiya da'me jec'adije'ma di'me jo'ne jalchi'ena 'yachaqa', naqayem 'me Jiyaĝaua Lec'oĝot?

Hechos 1:2

chayovida'a jo'me nolo' ca'li male qoyauegue di'me piyem. Ca'li maliaĝa 'uo qama'le yanema daa'me lamaĝajoĝonaĝaco jo'ne chiyaqayi q'aen ñe'me Dios Lepaqal gaa'me lamaĝa's jo'ne joote 'yatetelo'te.

Hechos 1:9

Nenaĝategue da'me dojo', ca'li cha'li yelotedo'ot, qanach'e Jesús ec, qoyauegue di'me piyem, qama'le 'uo ga'me piyem lo'oc jo'ne yapadelegue qama'le ja yitaĝa yauata.

Efesios 1:20

Qama'le naqaeñe joñe'me Dios t'onataĝana ca'li en 'niyelaĝajeguem joñe'me Cristo, qama'le ya'uo di'me 'lachaqa' jodi'me piyem, male en na'ña jena'me yayaten joñe'me.

Filipenses 3:14

Qama'le yataqachiñe 'ñañaĝat da'me yataqata ja jaĝañi jenjo' jelo'tegue jo'ne 'yonatac ladic, qaedi joñe'me Dios male jayem yanem joga'me ñomataĝanaqate, nach'ega jo'ne jayem yiyaĝana qaedi jona'ague di'me piyem, jouaĝat da'me yataqata jeme'teguet joñe'me Jesucristo.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 6:20

Nach'edi di'me jo'ne yenoĝoje'ma joca'li joñe'me Jesús, qaedi qo'mi yichoĝode'n da'me en qadadiiuo, qa'a nach'eñe ñe'me Jesús jo'ne joote qoyen Qadetaĝayaĝanaĝanec 'me p'ajaye, da'me ena'am da'me 'loyaĝac ñe'me Melquisedec joca'li.

1 Pedro 3:22

Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.