Lucas 8:8 - Nuevo Testamento Toba Sombrero Negro

⁸ Qalaĝaja laqaya jaga'me petapi tachi'ña ga'me aleua jo'ne onaĝaic: qama'le nolelidijeguem, nataq'aen onaĝaic jalayaĝac jo'ne ya'uo, onole peta chiyaqayi cien jaga'me jalapi.” Dojo' nenaĝategue ñe'me Jesús, nataq'aen netenec ga'me 'laqatac da'me noqotetenegue: “Gaa'me jo'ne domachita dojo', ¡'noota qom naquiaĝata!”

Nuevo Testamento Toba Sur

⁸ Qaq aso lÿa nanguishi tajlec so ÿataqta no'on 'alhua. Qaq co'ollaq ñaxat, nachi ÿataqta qalota ana ala. Huo'o ana ivi' ana cien ana ala co'ollaq qanqat. Qaq co'ollaq ime da l'aqtac, nachi ÿataqta nlamaxaden, 'eeta': –Qami' qom qauaÿajñi da qan'axaÿaxanaxaqui, qaq no'on da qan'axaÿaxañiichiguiñi.

La'aqtaqa Ñim Lo'onatac 'Enauacna 2013

⁸ Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»

Lucas 8:8 Iomraidhean Croise

Mateo 11:15

Ami jo'ne jayem anaquiaĝañiya nayi, 'noota qom yataqata auayachiñi'tegue da'me dojo'.

Mateo 13:23

Qalaĝaja jaga'me nepeta jo'ne onaĝaic ga'me aleua da'me danaĝalegue yelo'tegueta gaa'me jo'ne domachita da'me 'naqataĝanaĝac qama'le yayate'n nataq'aen onaĝaic ga'me jalayaĝac 'me chiyaqayi, ena'am jaga'me laqata qom chiyaqayi cien jaga'me jala, sesenta uotaĝa treinta jaga'me jala 'me chiyaqayi onole nepeta.”

Marcos 4:20

“Qalaĝaja uo'oe gaa'me laqaya' jo'ne ena'ama gaa'me petal jo'ne tadi'ña ga'me aleua jo'ne onaĝaic: domachita da'me dojo' 'naqataĝanaĝac qama'le yataqachiñe yacoteguet, qama'le jalcote yauote jalayaĝa'j, onolqa'tape chiyaqayilo treinta, ga'me laqaya yauana sesenta, ga'me laqaya yauana cien.”

Marcos 4:23

Ami jo'ne anaquiaĝañiya, ¡'noota qom auomachiiya da'me dojo'!”

Marcos 4:8

Qalaĝaja uo'oe gaa'me petal maqachaĝa tachidi'ña ga'me aleua jo'ne onaĝaic: qama'le nach'egaua jo'ne nadijeguem, nataq'aen nolelidijeguem, qama'le jalcote ga'me jalayaĝa'j. Jaga'me laqata jo'ne lepee yaqanatet treinta jaga'me jala jo'ne onole; gaa'me peta laqaya' chiyaqayilo sesenta jaga'me jala; gaa'me laqaya' yaqanate't cien jaga'me jala.”

Lucas 14:35

Ja yitaĝa 'uo ga'me yelo'teguet, uotaĝa ta'le ch'e qoyen lale'gue jena'me aleua, uotaĝa ta'le ch'e qoyen lale'gue ga'me lajoyiñe jo'ne qoyalequeteneguet ga'me nanaĝanaqa', dite da'me ch'e qoyeguem. Gaa'me jo'ne domachita dojo', ¡'noota qom naquiaĝata!”

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Lucas 8:7

Laqaya jaga'me petapi tachi'ñalo gaa'me lolelaĝail jo'ne yaĝat: qama'le da'me nepoĝodijeguem nach'e ena'am naje'moto, gaa'me yaĝat yep'aĝadiñe gaa'me nanaqa.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Apocalipsis 13:9

Gamachaqaega jo'ne yaqanatet ta'le domachi, 'noota qom naquiaĝan nayi:

Apocalipsis 2:11

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Apocalipsis 3:13

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»

Apocalipsis 3:6

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi!»