Lucas 8:44 - Nuevo Testamento Toba Sombrero Negro

⁴⁴ Qama'le jañe'me davi'uo ñe'me Jesús ga'me chiyoĝogue qama'le yepoteuo'o ga'me lapoto lae, qanach'ega ua'a da'me paja'a emeguet jaga'me letauo'.

Nuevo Testamento Toba Sur

⁴⁴ Qaq asomayi nachi nquigueu'a so Jesús na l-laq, nachi ipoteu'a na laÿi so lapo'. Huaña, nachi vi'iteguet na ltago'q mayi anactac.

La'aqtaqa Ñim Lo'onatac 'Enauacna 2013

⁴⁴ Qaq asomaye queteuo'oguet na l-laq So Jesús, nache ipoteua'a na laỹe so lapo'. Huaña, nache asomaye no'oita.

Lucas 8:44 Iomraidhean Croise

Mateo 20:34

Jesús jalcote yichoĝode'n jogaa'me, qama'le yepo't naa'me 'lae'te. Qanach'e ua'a ca'li paja'a yitaĝa nauachidiñe jogaa'me qana'mi, qama'le quetegue ñe'me Jesús.

Mateo 8:3

Jesús en ga'me louaq da'me yepot, qama'le enaac: —Eja, ja'amaqaten. Qama'le nayi, ¡Am yoqovita! Qama'le paja'a ca'e ga'me daloĝo, male qaya ga'me lapite'na.

Mateo 9:20

Qama'le 'uo ca'li jañe'me yauo jo'ne doce ga'me 'uoidi da'me 'uo ga'me lapite'na queda'me ja emeguet jaga'me tauo', qama'le nichii'uo ca'li qama'le queto'uet ga'me chiyoĝogue ga'me jiyaĝadipi, qama'le yepoteuo'o ga'me lapoto lae ñe'me Jesús.

Marcos 6:56

Nataq'aen gamachaqaega noic jo'ne taue nale, uotaĝa ga'me noic jo'ne ch'e dajoedauo, uotaĝa gaa'me noyaqa let'al, uotaĝa gaa'me nedalegue ga'me 'nonaĝa, qama'le qonedode'ga ga'me leuaĝaiquipi ga'me ta'ya ñe'me Jesús nale, nataq'aen nachoĝodetedapecot joñe'me qaedi yajeta da'me ch'e qoyepoteuo'o ga'me lapoto lae, qama'le ena'uaque jogaa'me yepotedeuo'o joñe'me male yemedegue.

Lucas 13:13

Nataq'aen yachalo'te naa'me loua' jañe'me, qanach'e paja'a qaale nolaĝajeguem qama'le paja'a 'nonaĝachigui joñe'me Dios.

Lucas 7:38

Ca'li yenoĝoneuo jañe'me yauo, noyetac, qama'le uo'oto gaa'me lapia'te ñe'me Jesús, paja'a yepapiaĝaneque jaga'me lachi'. Yem qama'le yiyoĝoneque ga'me layoĝot da'me en daqaqa'y, nec'ouo' nataq'aen yecodelo'te ga'me yoĝoqui jo'ne davioĝon jogaa'me.

Lucas 8:43

Qama'le 'uo jañe'me yauo jo'ne yalegoue ga'me jiyaĝadipi jo'ne ja paja'a emeguet jaga'me tauo' nale yovita da'me laloqo' da'me 'nayac, jo'ne nalo'taguet doce gaa'me 'uoidi da'me 'uo da'me lachoĝodec. Joote yejeteneque gaa'me nata' lo'olpi yema ga'me jo'ne yauana, temaqaedi da'me ja qoyen 'te yemegue q'aen.

Lucas 8:45

Qo'che' Jesús denataĝan: —¿Jach'e ga'me jayem yepoteuo'o? Qama'le queda'me ena'uaque nematapega't da'me qoyepoteuo'o, Pedro enaac: —Jaliaĝanec, ¡ga'me jiyaĝadipi namaqa'ta't nataq'aen am qoyepataqata't!

Juan 5:13

Qalaĝaja ga'me jiyaĝaua ja yayaten ga'me jo'ne yemegue q'aen, qa'a Jesús joote ec, ja ue'ta di'me ueteda'a gaa'me qayoĝode' jiyaĝa'u.

Hechos 19:12

qama'le chayovida'a ga'me lapoto lae uotaĝa ga'me louo jo'ne yeyeda'aguet da'me 'loyaĝac nach'egaua qoyaue'ualo ga'me leuaĝaiquipi, qama'le jogaa'me yemedegue, qaya ga'me lapite'nadi, nataq'aen ga'me nepaqa'li ca'ae nale jogaa'me.

Hechos 5:15

Qoyedode'ga ga'me leuaĝaiquipi da'me loqoeyaĝac, qoyachetalo'te ga'me lela'te nataq'aen 'lochaĝala'te qaedi da'me Pedro tae'di qama'le uotaĝa ch'e lepaqal ga'me tatelo'te jogaa'me.