Lucas 8:21 - Nuevo Testamento Toba Sombrero Negro

²¹ Qalaĝaja joñe'me 'yategueta: —Jogaa'me jo'ne naquiaĝata da'me 'naqataĝanaĝac jo'ne chiyoĝogue ñe'me Dios nataq'aen yauote, nach'egaua jo'ne yat'e nataq'aen mach'e yaqaya'olqa.

Nuevo Testamento Toba Sur

²¹ Qalaxayi somayi 'enapeco': –Cam n'axaÿaxanalo naua l'aqtaqa ñi Dios qataq ÿataqta i'o't, qaq nachaca aca ÿate'e, qataq ca ÿaqaÿañicpi.

La'aqtaqa Ñim Lo'onatac 'Enauacna 2013

²¹ Qalaxaye So Jesús 'enapeco': –Aca ỹate'e qataq ca ỹaqaỹañicpi, nachena nam na'axaỹaxaatega qataq ỹalaxaguet da la'aqtaxanaxac Ñim Lo'onatac 'Enauacna.

Lucas 8:21 Iomraidhean Croise

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Mateo 25:45

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne ja a'vichiyeque naa'me naajo' yaqaya'olqa 'me 'najode' qama'le nach'ayem jo'ne ja jayem 'te a'vichiyec da'me dojo'.

Mateo 28:10

Qama'le joñe'me enaac: —Ena'te at'oiyi. Oquiyi qama'le a'uaqataĝañema gaa'me yaqaya'olqa qaedi yec'adeta di'me Galilea, qama'le ñauanaĝa't da'me daja'.

Lucas 8:15

Qalaĝaja jaga'me petapi lae jo'ne tachi'ña ga'me aleua jo'ne 'noota, nach'egaua jiyaĝa'u jo'ne 'noote' ga'me lai'li nataq'aen niyamaĝateta'ajalo da'me domachita da'me Dios 'laqataĝanaĝac, qama'le yoqochideta nataq'aen 'nañaĝatela'ajalo qaedi chimadichidiñe, nach'e ena'am 'nañaĝatela'ajalo gaa'me chiyaqayilo jo'ne jalayaĝa'j.”

Lucas 8:20

Qama'le qot'aqataĝanem joñe'me: —Jañe'me adat'e nataq'aen daa'me adaqaya'olqa ueteda'a di'me p'aye nataq'aen jetaque am yauata.

Juan 13:17

Qom auayachiñe' naa'me naajo' uo'oe nataq'aen qom male a'vichi, qama'le yataqata ami made'tape qomle.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

2 Corintios 5:16

Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

2 Corintios 6:18

Jayem Adet'ai qomle qama'le ami yalaqapi qomle nataq'aen yalelpi. Dojo' jayem ja'aeñi, jayem Anedios 'me ñapacalegue ena'uac.”

Santiago 1:22

Qalaĝaja 'noota qom ja nach'edata da'me auomachiiya da'me dojo' napaĝaguenataĝanaĝac, dite da'me anapaĝagueñiya, qaedi yataqachiñe auoqochiiya, qa'a qom ja naq'aeta da'me auauoyi qama'le mach'e ami da'me male anoqoviñetapela't.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.