Lucas 7:39 - Nuevo Testamento Toba Sombrero Negro

³⁹ Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Nuevo Testamento Toba Sur

³⁹ Qaq co'ollaq ÿauaachigui de'eda so fariseo mayi ÿayina'a da lqui'axaua so Jesús, nachi deuennataxaatac, 'eeta': “Ñi'iñi shiÿaxaua da ÿoqta 'eesa da l'aqtaxanaxanec ñi Dios, qaq ishíttaxa da ÿauatton añim 'alo mayi ipottau'alo naua lchil da añimayi quishiguetaxai.”

La'aqtaqa Ñim Lo'onatac 'Enauacna 2013

³⁹ Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 7:39 Iomraidhean Croise

Mateo 20:16

“Tade'to', gaa'me jo'ne nayi p'atedegue, nach'egaua 'uaediñe qomle; nataq'aen gaa'me jo'ne nayi 'uaediñe, nach'egaua p'atedegue qomle.”

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Marcos 7:21

Qa'a gaa'me p'adeuo jo'ne chiyoqodaue na'me lauel joga'me jiyaĝaua, nach'egaua jo'ne chiyoĝogueta naa'me lelnataĝaco jo'ne ja 'noe'n, da'me lequejeguetaĝa, da'me lecachaĝac, da'me lalataĝanaĝac,

Lucas 12:17

Joñe'me neuoyaq male ya'uo da'me lelnataĝac: «¿Jach'e ga'me 'noota ta'le ja'uo? Qa'a qaya'te 'lachaqa' ta'le jiyamaĝat da'me yaqataĝanaĝac.»

Lucas 15:2

Joga'me fariseopi nataq'aen joga'me judiopi napaĝaguenoqo'tpi en ja 'noe'n daa'me 'laqataqa jouaĝat da'me dojo', enapega't: —Dojo' yaconegueta joga'me loeco lo'olpi nataq'aen neuanaĝa'u jogaa'me.

Lucas 16:3

Ñe'me namaĝajec ya'uo da'me lelnataĝac: «¿Jach'e jogamaĝa ja'uo nayi, queda'me jayem yepoleguet da'me qaya'te 'yonatac ñe'me yadipa? Qaya'te 'yañaĝac ta'le jo'onataĝalegue jena'me aleua, nataq'aen jepocoĝolegue ta'le jiyaĝanaque jaga'me ñachetaqate.

Lucas 18:4

Qayoĝode' noloqo'ote ñe'me nec'atenoqo't ja jetaque yelo'oguet, qalaĝaja ua'edi 'uo ga'me lelnataĝac, enaac: «Mate mane'e ja jo'oiyapega ñe'me Dios nataq'aen ja ja'ayeyalo ga'me jiyaĝadipi,

Lucas 3:8

'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Lucas 7:37

qanach'e 'uo jaga'me yauo jo'ne ja no'en da'me 'loyaĝac, jo'ne nach'edi di'me noic na'ña; ca'li noma'a da'me ue'ta ñe'me Jesús di'me 'lachaqa' ñe'me fariseo qaedi deque'e, qama'le nach'e ena'am yec'ata, yachitac ga'me yoĝoqui lae't jo'ne qa' 'me alabastro, najaqachigui ga'me yoĝoqui jo'ne davioĝon.

Lucas 7:38

Ca'li yenoĝoneuo jañe'me yauo, noyetac, qama'le uo'oto gaa'me lapia'te ñe'me Jesús, paja'a yepapiaĝaneque jaga'me lachi'. Yem qama'le yiyoĝoneque ga'me layoĝot da'me en daqaqa'y, nec'ouo' nataq'aen yecodelo'te ga'me yoĝoqui jo'ne davioĝon jogaa'me.

Lucas 7:40

Chane'eja ñe'me Jesús dojapegue' ñe'me fariseo: —Simón, 'uo ga'me jetaque am ja'aĝatem. Joñe'me fariseo 'yateguet: —Jaja'a, paĝaguenataĝanaĝaic, jayem a'uaĝatem.

Juan 4:19

Da'me domachiya da'me dojo' jañe'me yauo, qama'le enaac: —Jaliaĝanec, male jayaten da'me am 'laqataĝanaĝanec joñe'me Dios.

Juan 7:12

Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

Juan 9:24

Jogaa'me judiopi lajoĝola'te yitaĝa yiyaĝata ñe'me jiyaĝaua jo'ne qanam qaedi yena't: —Nayi da'me jajoyaqa'aguet ñe'me Dios, qama'le qo'mi a'uaĝatema ga'me yataqatelegue. Qa'a da'me qo'mi jayatenaq jo'me jiyaĝaua da'me loeco lo'o. ¿Jach'e ga'me mach'e at'aqatac?