Lucas 7:24 - Nuevo Testamento Toba Sombrero Negro

²⁴ Ca'li gaa'me lamaĝa's ñe'me Juan male eque', Jesús paja'a yejetapega ñe'me Juan da'me dojapegue'to ga'me jiyaĝadipi, enaac: —¿Toqoch'e auajoyigui di'me aleua jo'ne totapega't ca'li? ¿Qo'li jetaque auañiya ga'me coqota jo'ne layat yamaqatapiñe?

Nuevo Testamento Toba Sur

²⁴ Qaq co'ollaq mashi je'c soua lamaxa'shi so Juan, nachi so Jesús i'axattac so Juan, da'aqtaxaatapeguem so shiÿaxauapi, 'eeta': –¿Négue't som qaumejnaxañiitapeuga qami' yim tojlec 'alhua? ¿Peta'a ÿataqta coqta ÿacholaxaatac na l'at?

La'aqtaqa Ñim Lo'onatac 'Enauacna 2013

²⁴ Qaq co'ollaq mashe je'c soua lapaxaguenataqa so Juan, nache So Jesús ỹachegoxottot da da'aqtaxaatapeguem so shiỹaxauapi, da 'eetec co'ollaxa so Juan, 'eeta': –«¿Negue't som qaumeenaxañiitapeuga co'ollaxa yem toolec 'alhua? ¿Peta'a ỹale da 'eeta'am aca coqta da ỹacholaxaatac na la'at?

Lucas 7:24 Iomraidhean Croise

Lucas 1:80

Ñe'me notolec natajeguem ca'li nataq'aen ue'tajop da'me 'lañaĝac queda'me ja choĝolaĝaic ñe'me lepaqal, qama'le quetalo'te gaa'me ale'u jo'ne totapega'ajalo chayovida'a ga'me nolo' ca'li natetonegueta ga'me Israel laje'pi.

Lucas 3:2

Anás choqoñe'me Caifás nach'egaua jo'ne lejaliaĝanaqa gaa'me tamenaĝaiqui lo'olpi. Jaajo' noloqo'ote Dios dojapegue' ñe'me Juan, mach'e Zacarías c'oĝot, ca'li ua'a ga'me aleua jo'ne totapega't.

Lucas 7:23

Qama'le ¡made'tapolqa gaa'me jo'ne nach'e eta't jayem p'iida'a!

Lucas 7:25

Qom ja naq'aeta, ¿jach'e ga'me jetaque auañiya da'me auajoyigui? ¿Qo'li jiyaĝaua jo'ne yatedañe gaa'me louo jo'ne 'yoĝodache? Ja naq'aeta, qa'a ga'me yatedañe gaa'me louo jo'ne 'yoĝodache nach'e ena'am uetaue daa'me mach'e lamaico, netauelo nale jogaa'me 'lachaqa'te jogaa'me jaliaĝanaqa jo'ne p'ajodaye.

Juan 1:23

Qama'le enaac ñe'me Juan: —Naqayem 'me Niyaĝanaĝac jo'ne chimaqatapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec!», nach'ena jena'me 'yaĝatetac di'me Dios 'laqataĝanaĝanec Isaías joca'li.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

2 Pedro 2:17

Naajo' paĝaguenataĝanaĝayaqa ena'am jaga'me nejede jo'ne qaya'te noĝop ta'le le'ec, nataq'aen da'me ena'am ga'me piyem lo'oc jo'ne layat layonatac. Chane'eja 'uo qomle da'me laviyaĝajet, da'me qoyen yec'adeta ga'me 'lalaĝa let'adaic jo'ne qaya'te loiquiaqa'.

2 Pedro 3:17

Chane'eja, ami yaqaya'olqa, da'me male joote auayachiñe da'me dojo' 'naqataĝanaĝac, 'noota qom yataqata anechilela't, qaedi ja ami 'te yauetegue da'me loqovinaĝanaĝa'j jogaa'me loeco lo'olpi, qama'le ja 'naĝat da'me chimaqachiñe jo'ne ami uetauelo.