Lucas 6:42 - Nuevo Testamento Toba Sombrero Negro

⁴² Qom ja auetadenac na'me adetauoĝojet jo'ne t'adaic 'me netaye jana'me at'aete, ¿teua'atoqo' auojapegue' ga'me adaqaya: «Am yaqaya, cha'li jayem auaje'tem ta'le ñaqat na'me adetauoĝojet 'me netaye jana'me at'aete»? ¡Ja am 'te eja! Cha'li 'uaeñe anaqat na'me epaq 'me netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

Nuevo Testamento Toba Sur

⁴² Qaq da huo'otaq sa ishit da 'auanoma ca qo'ipaq lta'adaic mayi huetangui ana 'ad'aite, qaq ¿tá'ainco' yi sa 'auadenalec da qonapega ca 'adqaÿa da qoneta': “'Am ÿaqaÿa, ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?” ¡'Am mayi qonetega da 'am 'eesa! 'Au'auaxaañi da 'anqat yi qo'ipaq lta'adaic mayi huetangui ana 'ad'aite, yaqto' ishit da ÿataqta 'anauaachiguiñi da 'anqat acam 'auaqpi lsochi mayi huetangui ana l'aite ca 'adqaÿa.

La'aqtaqa Ñim Lo'onatac 'Enauacna 2013

⁴² ¿Ta'ainco' da qonapega ca 'arqaỹa da qoneta': «Ỹaqaỹa, ña 'aua'aqta'a da ñeqat ye 'artagoxoshet 'auaqpi lte añi 'ara'aite», da 'am sa 'ananoma ye maiche 'artagoxoshet 'epaq laỹe? ¡'Am tenataxanaxaic! 'Aua'auaxaañi da 'anqat ye maiche 'artagoxoshet 'epaq laỹe maye huetaigui añi 'ara'aite, yaqto' ỹoqta 'anauaachiguiñi da 'anqat ca ltagoxoshet 'auaqpi lte ca 'arqaỹa.

Lucas 6:42 Iomraidhean Croise

Mateo 26:75

qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.

Mateo 7:3

¿Toqoch'e adema'a da'me auec'aten ga'me letauoĝojec ga'me adaqaya jo'ne netaye jaga'me 'laete, qama'te ja auetaden da'me nach'e ena'am 'uo na'me mach'e adetauoĝojet jo'ne t'adaic 'me am netaye?

Mateo 7:4

Qama'le qom 'uo jaga'me epaq netaye jana'me mach'e at'aete, ¿teua'atoqo' auaqanatet ta'le auenapega ga'me adaqaya: «Am yaqaya, cha'li jayem auaje'tem ta'le ñaqat na'me adetauoĝojet 'me netaye jana'me at'aete»?

Lucas 13:15

Qalaĝaja ñe'me Jaliaĝanec 'yategueta: —¡Ami jo'ne aueñetapela't da'me ami ejoda yataqachiñe adejomiyac! ¿Ja auejoyiye joona jaga'me aloyi uaca uotaĝa ajena ga'me nolo' niyamaqatac, qaedi aniyomaĝañi'?

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Lucas 6:41

“¿Toqoch'e adema'a da'me auec'aten ga'me letauoĝojet ga'me adaqaya jo'ne netaye jaga'me 'laete, qama'te ja auetaden da'me nach'e ena'am 'uo na'me mach'e adetauoĝojet jo'ne t'adaic 'me am netaye?

Lucas 6:43

“Qa'a jaga'me epaq jo'ne onaĝai ja chiyaqayi jaga'me jala jo'ne ja no'en, nataq'aen jaga'me epaq jo'ne ja no'en ja chiyaqayi jaga'me jala jo'ne onaĝai.

Hechos 13:10

qama'le enapega, enaac: —¡Am qovinaĝanaĝaic, am ja no'en jo'ne payac c'oĝot nataq'aen anautenalo ena'uaque gaa'me jo'ne 'noota! ¿Toqoch'e ja aĝañi da'me auajáĝañi' gaa'me chimadetedegue ladico ñe'me Jaliaĝanec?

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Hechos 8:21

Am qa'a ja am 'te tachigui ta'le adiyamaqa'teguet ta'le auaconeguet, qa'a na'me adauel jo'ne yauan ñe'me Dios ja chimaqachiñe.

Romanos 2:1

Qo'che' ja naqaeda ta'le qaya'te adajouaĝajet, da'me am jo'ne auatapiñgue ga'me lajouaĝajet ga'me adaqaya. Ja yaqalan qom p'ajaye ga'me am netaye, qama'le nach'e ena'am oueta'ñe' ga'me qom qoya'uo ne'uaĝanaguec, qa'a auadenaĝa't gaa'me 'lonataqa jogaa'me.

2 Corintios 5:18

Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me.

2 Timoteo 2:21

Chane'eja qom 'uo joga'me jiyaĝaua niyamaĝatela't, t'oiya'agueta daa'me daajo' 'nonataqa laqaya' jo'ne ja 'noe'n, qama'le nach'ega ena'am ta'le le'ec jo'ne 'uo ga'me lajo'viyaĝac, jo'ne nemenot joñe'me Jaliaĝanec nataq'aen yataqata youen, qama'le male tayet joga'me en 'lonatac jo'ne onaĝaic.

2 Pedro 1:9

Qalaĝaja ga'me jo'ne ja yaconeguet da'me dojo', nach'ega jo'ne ena'am ga'me qanam uotaĝa ga'me jo'ne jaqaloq da'me lec'atenaĝanaĝac, queda'me ja netouenec da'me joote qoyiyo'y jogaa'me loeco toye's.