Lucas 6:23 - Nuevo Testamento Toba Sombrero Negro

²³ Qom yovita ga'me nolo' qom ami 'yeteque da'me dojo', qama'le 'noota qom ami made'tape, anaviquila't da'me adamaiqui, qa'a t'adaic ga'me anejetenaguequi jo'ne auacoñiyeguet qomle di'me piyem. Anetoviñetac queda'me dia'me chiyoĝogueta 'me let'alpi jena'me jenjo' jiyaĝadipi 'yeteque da'me ja no'en joca'li dia'me Dios 'laqataĝanaĝanaqa.

Nuevo Testamento Toba Sur

²³ Qaq ÿataqta qauamaichiguiñi qataq ÿataqta qantoñiitapigui' qome que'eca na'a'q, cha'ayi ÿataqta lta'adaic qome da qanshiitenaguiiqui da piguem. Cha'ayi nachida da 'eetec co'ollaxa so hua'au lta'alpi ne'ena shiÿaxauapi da sa ishit da iyacnapec som hua'au ltaxaÿaxanaxanecpi ñi Dios.

La'aqtaqa Ñim Lo'onatac 'Enauacna 2013

²³ Qaq ỹataqta qauamaichiguiñi qome, qataq qauasocheetai' da qantonaxaqui, cha'aye Ñim Lo'onatac 'Enauacna mashe iqataxaatai' da lta'araic qansheetenaguiiqui. Cha'aye nataqa'en, nache 'eetec co'ollaxa so chegoxoguet namayepi da sa iyacnapec so hua'au la'aqtaxanaxanecpi Ñim Lo'onatac 'Enauacna.»

Lucas 6:23 Iomraidhean Croise

Mateo 5:12

Auacoñiyeguet da'me adamaiqui, 'noota qom ami made'tapolqa, qa'a auacoñiyeguet qomle ga'me anejetenaguequi jo'ne ua'ague di'me piyem; qa'a ca'li maliaĝa ami qayaua, qanach'e naq'aeta da'me qoyecaa'tape jodia'me Dios 'laqataĝanaĝanaqa.

Lucas 1:41

Mane'e ca'li Elisabet domachiya da'me lep'iyenataĝanaĝac jañe'me María, ga'tae'me notolec nedajeguem da'me uetaue ga'me lat'e lauel, qama'le jañe'me Elisabet najaqachigui joñe'me Dios Lepaqal.

Lucas 1:44

Qa'a mane'e da'me jomachiya da'me adep'iyenataĝanaĝac qama'le jena'me yalec 'me jayem uetaye yataqachiñe en nachatapiñi q'aen da'me lamaic.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

Hechos 14:10

Chane'eja netenec ga'me 'laqatac, enaac: —¡Oñijeguem qama'le auachimaĝachidiñe naa'me adapia'te! Joñe'me jiyaĝaua nenodijeguem ca'li nechachiñe, qama'le paja'a yeuotac.

Hechos 3:8

Joñe'me choĝolaĝaic nenodijeguem ca'li ñijeguem qama'le paja'a yeuotac; yem qama'le nach'e ena'am yenoĝoneuo ñe'me ja t'añegue da'me tadoue ga'me tamenaĝaiqui, yeuotapiye't, uenotetac nataq'aen 'nonaĝachigui ñe'me Dios.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Romanos 5:3

Nataq'aen ja jaldata da'me dojo', dite da'me nach'e ena'am ñi'yoĝodetapela't da'me uo'oe gaa'me qadachoĝodeco; qa'a jayatenaq queda'me qadachoĝodec qo'mi yanema da'me qadalo'oguet da'me qanapogaĝadenaĝac.

2 Corintios 12:10

Nach'e ena'am jayem matac q'aen gaa'me yachoĝolaĝaco, da'me jayem qoyojouetac nataq'aen jayem qoyecaatac nataq'aen da'me uo'oe gaa'me youenaĝanaĝaco laqalaico 'me jayem nauateguet nale queda'me yataqachiñe jequegue ñe'me Cristo. Qa'a da'me chiyaqayi da'me jayem 'uañaĝaic q'aen nach'eda jatetoneguet da'me yachoĝolaĝac.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

2 Timoteo 2:12

Qom ñapogaĝadenaq nayi qama'le nataq'aen qo'mi lejaliaĝa'u qomle. Qom qanemanec joñe'me nayi, qama'le ñe'me nach'e ena'am qo'mi nemaneque qomle.

Hebreos 11:26

Qama'le en lelnataĝac da'me jetaque yaconeguet da'me lachoĝodec jo'ne ena'am da'me jo'ne yachalegue ñe'me Dios liquiyac, da'me jo'ne eetapega yaguegue joda'me lajo'viyaĝac, ja ena'am da'me namaic jo'ne leuoyaĝac di'me Egipto, qa'a joote yelotapega da'me mach'e nejetenaguec jo'ne chiyoqo'ot qomle ñe'me Dios.

Hebreos 11:6

Qalaĝaja gaa'me jo'ne qaya'te lepe'e' ja yaqanate't ta'le yiyamaĝade'n ñe'me Dios, qa'a gamachaqaega ga'me jo'ne jetaque yec'ata joñe'me, cha'li 'uaeñe youetaque da'me 'yamaqaten joñe'me da'me eja da'me 'uo, qama'le nataq'aen 'yamaqaten da'me ya'uo ga'me lomataĝanaĝa't gaa'me jo'ne yelotedaque.

Santiago 1:2

Ami yaqaya'olqa, 'noota qom ami made'tapolqa qom ami yovitalo jogaa'me yodapecache jo'ne napiyenataĝanaĝaco,

1 Pedro 4:13

Nach'edata da'me ami made'tape, yajouaĝat da'me nach'e ena'am ami ua'ajopa daa'me lachoĝodeco joñe'me Cristo, qaedi nach'e ena'am najaĝaye da'me adamaiqui qom yataqachiñe di'yoq da'me 'lonaĝa joñe'me da'me yitaĝa novitequena jo' qomle.

Apocalipsis 2:17

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»

Apocalipsis 2:26

Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa.

Apocalipsis 2:7

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Apocalipsis 21:7

Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.

Apocalipsis 3:12

Jogaa'me jo'ne yovidedeta da'me noma't joga'me ja no'en, nach'egaua jo'ne je'n p'ajodaye da'me ena'am ta'le najotenaĝal ga'me tamenaĝaiqui jo'ne loĝot ñe'me Taĝadena' mach'e Dios, qama'le ja yitaĝa ta'le qoye'n queda'ae ga'me jo'ne neda'ña, nataq'aen da'me jediñe da'me lenaĝat ñe'me Taĝadena' mach'e Dios jachalo'te jogaa'me, qama'le nach'e ena'am da'me lenaĝat ga'me noic jo'ne loĝot joñe'me, di'me noic jo'ne dalaĝaic 'me Jerusalén jo'ne chiyaqaje'ma di'me piyem, mach'e 'lachaqa' joñe'me Taĝadena' mach'e Dios, qama'le nach'e ena'am jediñe da'me mach'e yenaĝat jo'ne dalaĝaic jachalo'te jogaa'me.

Apocalipsis 3:5

Jogaa'me jo'ne yovidedeta da'me noma't joga'me ja no'en, nach'egaua jo'ne naq'aete' da'me pagaĝayaqa na'me louo, qama'le ja japalaĝa't naa'me lenaqa'te jo'ne yededelegue ca'li jaga'me nede jo'ne uetaye da'me nec'alaĝa, dite da'me ja'aĝatot ñe'me Taĝadena' choqoñaa'me lamaĝa's jo'ne piyem laje' queda'me nach'egaua jo'ne jayem yemetede'eguet.