Lucas 4:22 - Nuevo Testamento Toba Sombrero Negro

²² Qama'le ena'uaque yiyamaĝade'n ñe'me Jesús nataq'aen qoyoqoche'ema queda'me yataqachiñe onaĝayaqa daa'me 'laqataqa. Enapega't jogaa'me: —Qalaĝaja, ¡dojo' mach'e José c'oĝot!

Nuevo Testamento Toba Sur

²² Nachi 'enauac qaÿi'oxodeetac so Jesús qataq ÿataqta qai'aalatapeguec souaxat naua l'aqtaqa ÿataqta 'onaxaiqa. Nachi nnattega't somayipi, 'eeta': –De'eda, ¿peta'a sa nachido' da llalec so José?

La'aqtaqa Ñim Lo'onatac 'Enauacna 2013

²² Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Lucas 4:22 Iomraidhean Croise

Lucas 2:47

Nataq'aen ena'uaque gaa'me jo'ne domachita joñe'me jalcote da'me yoqochetem da'me layatenaĝanaĝac nataq'aen daa'me 'lataĝaco.

Lucas 2:48

Mane'e ca'li gaa'me let'al yauata, yataqachiñe jalcote da'me yoqochetem, qama'le jañe'me lat'e enaac: —Jesús, ¿toqoch'e qo'mi a'ueteque da'me dojo'? Na'me adet'a nataq'aen jayem 'uo da'me qadachitataic da'me am jeloqotaque.

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

Lucas 4:21

Qama'le joñe'me male yalemaĝalegue da'me lojaĝac, enaac: —Nayi jenjo' nolo' yataqachiñe yepaquichiguilo naajo' nedii's jo'ne yemta auomachiiyalo.

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.

Juan 6:42

Qama'le ua'a ca'li enapega'ajalo: —¿Qo'li ja naqaeda da'me dojo' Jesús jo'ne lec'oĝot ñe'me José? Da'me qo'mi joote jatetonaq ñe'me let'a nataq'aen jañe'me lat'e, qama'te ¿teua'atoqo' enapela't chiyoĝogue di'me piyem?

Juan 7:46

Jogaa'me tamenaĝaiqui neteloqo't 'yadeteguet da'me nenatague'j: —Qaya'te ta'le jiyaĝaua jo'ne ena'am da'me 'laqataĝanaĝac.

Hechos 6:10

qalaĝaja ja yaqanate't ta'le nichateda'aguet, qa'a daa'me 'laqataqa 'uo da'me layatenaĝanaĝa'j jo'ne yanema ñe'me Dios Lepaqal jo'ne ja 'nalegue.

Tito 2:8

nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.