Lucas 4:15 - Nuevo Testamento Toba Sombrero Negro

¹⁵ nataq'aen dapaĝaguenataĝatapegouelo gaa'me nemaĝaiqui' nale ga'me noic jo'ne yec'ata, qama'le ena'uaque 'nonaĝachidegue joñe'me.

Nuevo Testamento Toba Sur

¹⁵ Nachi dapaxaguenataxaatapoigui 'enauac anam laponaxaquipi na judiopi. Nachi 'enauac na shiÿaxauapi ÿataqta ÿi'oxodeetac somayi.

Lucas 4:15 Iomraidhean Croise

Mateo 13:54

qama'le yovita di'me 'uaechiñe 'naleua, ua'a da'me yachiyoĝochichi'ña da'me lapaĝaguenataĝanaĝac nale yec'atalo joga'me judiopi lemaĝaiqui' 'me neda'ña ga'me. Ga'me jiyaĝadipi yoqochetapeguem, enapega't: —¿Jach'e ga'me chiyoqota'ague yema ga'me yayaten? ¿Toqoch'e yaqanatet da'me yauo'oe naajo' lanoqotaĝanaĝaco 'me joqochaqatapeguema?

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Mateo 9:35

Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Marcos 1:27

Ena'uaque ga'me jiyaĝadipi jalcote da'me t'oitedapega, nataq'aen nenatetapega't: —¿Jach'e ga'me eeta da'me dojo'? ¡Yataqachiñe dalaĝaic da'me dojo' lapaĝaguenataĝanaĝac! ¡Yataqachiñe 'uo da'me lañoqotaĝanaĝac qaedi yamaĝadegue jogaa'me payac lepaqa'li, qama'le yoqochideta joñe'me!

Marcos 1:39

Chane'eja ñe'me Jesús quetalegue di'me Galilea qaedi dapaĝaguenataĝanouelo ena'uaque jogaa'me nemaĝaiqui' 'me napi'ñalo gaa'me noyaqolqa, nataq'aen queda'me yamaĝadegue joga'me payagodipi.

Marcos 1:45

Qalaĝaja mane'e ca'li ec ñe'me jiyaĝaua, qama'le paja'a 'yaĝatetac ga'me 'uo joca'li. Qo'che' ñe'me Jesús male ja yaqanatet da'me tauelo jogaa'me noyaqa, dite da'me p'aye nale ue'ta gaa'me ale'u jo'ne totapega'ajalo. Qalaĝaja ena'uaque gaa'me chiyaqapeguelo, yec'adeta joñe'me qaedi yauata nataq'aen naquiaĝata.

Lucas 13:10

'Uo jo'me nolo' jo'ne niyamaqatac Jesús dapaĝaguenataĝan ca'li ua'a ga'me nemaĝaiqui.

Lucas 4:16

Jesús yec'ata di'me Nazaret nach'edi noic jo'ne ua'a da'me 'yaĝaic. Nolo' jo'ne niyamaqatac qama'le yec'ata ga'me nemaĝaiqui, naq'aeta da'me mach'e naya'ac, qama'le nechachiñe qaedi dojelegue da'me Dios 'laqatac.