Lucas 3:8 - Nuevo Testamento Toba Sombrero Negro

⁸ 'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Nuevo Testamento Toba Sur

⁸ Ÿataqta qanachaxañiita qome, yaqto' ishit da qaila'a da ÿoqta 'eesa da mashi qaualachi' naua qan'onataxacolli', qaq sa ishit da tatapigui qadvilli da qoñiita': “Qomi', maichi qomi' llalqa so Abraham,” cha'ayi aÿim qami' shinapegalo da ñi Dios ishit da ÿachigoxotaigui ne'ena coma' ca llalaqpi so Abraham.

La'aqtaqa Ñim Lo'onatac 'Enauacna 2013

⁸ Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Lucas 3:8 Iomraidhean Croise

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Mateo 3:8

'Noota qom qoyauana da'me at'oyaĝaqui queda'me yataqachiñe eja da'me a'viyelaqaiyot joñe'me Jaliaĝanec.

Mateo 3:9

Qama'le ena'te aueñetapela't: «Qo'mi qonec'alaĝatelegue qomle qa'a yataqachiñe qo'mi lec'oqo'tepi di'me Abraham»; qa'a ami ja'aĝatema queda'me chayovida'alo naa'me naajo' qadipi Dios yaqanatet ta'le neleguemaĝatalo q'ae'n daa'me Abraham c'oqo'tepi.

Lucas 13:25

Qom ñijeguem ñe'me loĝot ga'me emec qama'le yapadiñgui ga'me jom, ami jo'ne maliaĝa ovi'ta ga'me p'aye aviyaĝañetapeuo nataq'aen aueñiyaac jo': «¡Jaliaĝanec, qo'mi a'uouategueta qaedi jenoĝonaĝauo!» Qalaĝaja joñe'me ami 'yategueta: «Negue't, ja jayaten ga'me auachiyoqoya'ague.»

Lucas 13:26

Chane'eja male aueñeetojo' qomle: «Joote am ñeuanaqa'ta'y ca'li mañaĝa jeque'yaq nataq'aen ñiyomaq, nataq'aen am auapaĝaguenataĝatapi'ñalo naa'me qat'achaqa'te.»

Lucas 14:9

qama'le ñe'me jo'ne ami nepoda'y yaqanatet da'me am nec'ata qama'le enaac: «Auanem jana'me onetañgui jena'me jenjo' jiyaĝaua.» Chane'eja degueja da'me adepocoĝoc da'me oñijeguem qama'le auec'ata jaga'me je'onaĝaiqui jo'ne p'ategue.

Lucas 19:40

Qalaĝaja Jesús 'yategueta: —Ami ja'aĝatema, qom 'nemaĝadiñe naa'me naajo' qama'le ¡niyaĝadijeguem jaĝa'te ga'me qadipi!

Lucas 19:9

Jesús 'yateguet joñe'me: —Nayi jenjo' nolo' novita da'me Dios lec'alaqataĝanaĝac jenjo' at'achaqa', qa'a nach'e ena'am am c'oĝot di'me Abraham.

Lucas 5:21

Chane'eja joga'me judiopi napaĝaguenoqo'tpi nataq'aen jogaa'me fariseopi paja'a da'me nenatetapega't: “¿Jach'e da'me dojo' jo'ne lichiquetelegue da'me nenaĝatedegue gaa'me 'laqataqa jo'ne ye'uetedac joñe'me Dios? Onolec ñe'me Dios yaqanatet ta'le yapalaĝa't jogaa'me loeco ga'me jiyaĝadipi.”

Juan 8:33

Jogaa'me male 'yadeteguet: —Da'me qo'mi, di'me jo'ne mach'e jachiyojoĝoguet Abraham, nataq'aen da'me ja ch'e qo'mi lotaĝanaqa'te gamachaqaega qaedi e'n qo'mi lelataqa. Qama'le da'me am, ¿toqoch'e anenaĝategue da'me qo'mi qoyejodegue qomle?

Juan 8:39

Jogaa'me male enapega't: —¡Di'me mach'e qadet'a Abraham! Qama'le Jesús 'yategueta jogaa'me: —Ta'le naqa'ami jo'ne yataqatelo'te lec'oqo'tepi di'me Abraham, qama'le auoqochiiyalo naa'me lapaĝaguenataĝanaĝaco.

Hechos 26:20

dite da'me 'uaeñe janema dojo' 'naqataĝanaĝac jogaa'me ueteda'a di'me Damasco, yem qama'le Jerusalén nataq'aen yema di'me aleua jo'ne Judea, nach'e ena'ama joga'me jo'ne ja judiopi, ñepota'tape jogaa'me qaedi nejouoĝodiñe qama'le 'niyelaĝadetot joñe'me Dios, nataq'aen qaedi yauo'oe gaa'me 'lonataqa jo'ne yaloĝo'n chiyaqayi da'me yataqachiñe 'ñemaĝadiñe.

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Romanos 9:7

Ja yemeda gaa'me lolelaĝaiquipi di'me Abraham ta'le yataqachiñe c'oqo'tepi, dite da'me enaac ñe'me Dios ca'li dojapegue': “Gaa'me adolelaĝaiquipi chiyoĝoguet ñe'me Isaac qomle.”

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.