Lucas 3:14 - Nuevo Testamento Toba Sombrero Negro

¹⁴ Nataq'aen uo'oe gaa'me coico laje' jo'ne yena't joñe'me: —Qama'le da'me qo'mi, ¿jach'e ga'me jauoqo? 'Yategueta: —Ena'te 'uo gamachaqaega ta'le aneuodi, uotaĝa ta'le auauoyi lachoĝodec da'me auauoyi ga'me laviyaĝajet qama'le auepoliquilegue ga'me jo'ne ja ya'uo; dite da'me aueñi mach'eñe da'me 'uo da'me anejetenaguequi.

Nuevo Testamento Toba Sur

¹⁴ Nataq'en anac so nallippi so nta'a, nachi qainattac somayi, qoÿiita': –Qaq qomi', ¿huá'ague ca shinaqtec? Nachi so Juan 'enapeco': –Sa ishit qome da huo'o ca qanhuoyi, qataq sa ishit da huo'o ca qauayiñiitalec, nataq'en sa ishit da huo'o ca chochi qauasaqaitapeguelec ca lasouaxashit. Añim qadashivii, nachañita qauaÿamaxayiñiita.

La'aqtaqa Ñim Lo'onatac 'Enauacna 2013

¹⁴ Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Lucas 3:14 Iomraidhean Croise

Mateo 8:5

Mane'e ca'li Jesús taue di'me Capernaúm, 'uo ñe'me Roma le'ec jo'ne coicopi lajoĝola' yec'ata ñe'me qaedi nachoĝodenot,

Lucas 19:8

Chane'eja Zaqueo ñijeguem qama'le t'aqataĝanem ñe'me Jaliaĝanec: —Jaliaĝanec, nayi janema gaa'me choĝodayaqolqa ga'me laeñi yema ga'me jo'ne jauana; nataq'aen qom 'uo gamachaqaega jecachiyot qama'le cuatro ji'iyelaĝateguet da'me yitaĝa janem.

Lucas 3:10

Chane'eja yena't gaa'me jiyaĝadipi joñe'me: —¿Jach'e ga'me 'noota ta'le jauoqo?

Lucas 3:13

Juan 'yategueta: —Ena'te aueñi yaguegue ga'me anejetenaguequi nale 'uo ga'me auajelaĝañilegue.

Hechos 10:7

Ca'li ec jo'me piyem le'ec jo'ne dojetapegue', Cornelio yiyaĝanalo dojolqa lamaĝa's choqoga'me coico le'ec jo'ne yataqachiñe p'etaqadaic nataq'aen nach'eñe jo'ne p'iya'a.

Filipenses 2:15

qaedi yataqata ami ja 'nalo'te qama'le qaya'te 'uo ga'me ami yepoleguelo'te. Da'me ami mach'e Dios lec'oqo'tepi jo'ne qaya'te qoyen adaviyaĝajet, qalaĝaja queda'me oviyauelo ga'me aleua laje'pi jo'ne p'aguenataĝanaĝayaqa nataq'aen jiyaĝa'u jo'ne loeco lo'olpi, 'noota qom nach'e eta't aueñi di'yoq joga'me onaĝaic, aueñiya'ama gaa'me uaqachiñil da'me yecoyadelegue na'me 'lalaĝa.

Filipenses 4:11

Ena'te aueñetapega ta'le ñenaĝategue jena'me jenjo' qa'a 'uo joga'me jouetaque; ja naq'aeta, qa'a joote jayaten da'me ñetonec joga'me jauana.

Tito 2:3

Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't

Apocalipsis 12:10

Qama'le jomachiya ga'me 'naqatac jo'ne yejam 'me chimaqapegue di'me piyem jo'ne eetac: “¡Nayi joote novitequena da'me lec'alaqataĝanaĝac ñe'me Qanedios; Male di'yoq da'me lañoqotaĝanaĝac qaedi nejaliaĝatelo'te yema ga'me aleua laje'pi, Nach'e ena'am male di'yoq da'me mach'e lejaliaĝa ñe'me Liquiyac! Qa'a joote qoyamaĝaye ñe'me lauteua' gaa'me mach'e qadaqaya'olqa, Ñe'me jo'ne yemeda naa'me noloqo'ote choqogaa'me pi'yaĝadi da'me ya'uo da'me latenataĝanaĝac jo'ne yaloĝona ñe'me mach'e Qanedios.