Lucas 3:1 - Nuevo Testamento Toba Sombrero Negro

¹ Nach'ega uo'e jo'ne quince da'me lejaliaĝa ñe'me Roma le'ec Tiberio, jo'ne nec'atenoqo't di'me aleua, nataq'aen Poncio Pilato nejaliaĝatelegue ca'li di'me Judea, Herodes nejaliaĝatelegue di'me Galilea, ñe'me lachoqolec Filipo nejaliaĝatelegue di'me Iturea nataq'aen Traconítide, nataq'aen Lisanias nejaliaĝatelegue di'me Abilene.

Nuevo Testamento Toba Sur

¹ Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

La'aqtaqa Ñim Lo'onatac 'Enauacna 2013

^1-2 So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Lucas 3:1 Iomraidhean Croise

Mateo 14:1

Jaa'me jaajo' noloqo'ote, Herodes jo'ne nejaliaĝatelegue di'me Galilea domachilegue da'me qo'yaĝatetac ñe'me Jesús,

Mateo 14:3

Qa'a Herodes damaĝajoĝolegue ca'li qaedi qoyecoñe' ñe'me Juan qama'le qoyanetaue jaga'me coñetaĝanaĝaiqui. Ya'uo da'me dojo' qa'a yajouaĝatem jañe'me Herodías, loua ñe'me lanoqolec Filipo,

Mateo 14:6

Qalaĝaja yovita jo'me nolo' lañoĝoqui ñe'me Herodes, jaga'me c'oqote jañe'me Herodías naloĝonegueta jogaa'me nepodae's da'me deualaĝai qama'le yataqachiñe 'yamaqaten ñe'me Herodes.

Mateo 22:17

Qo'mi a'uaĝatema nayi ga'me adelnataĝac, je'te eeta da'me dojo': ¿qo'li chimaqachiñe jodamaĝa jejetenaq joñe'me lejaliaĝane'j ga'me Roma laje'pi, uotaĝa ja naq'aeta; jejetenaq, uotaĝa ja jejetenaq?

Mateo 27:2

Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Marcos 6:17

Qa'a ñe'me Herodes ya'uo da'me dojo' joca'li, yajouaĝat jañe'me Herodías jo'ne loua ñe'me Felipe, nach'eñe mach'e lanoqolec ñe'me Herodes. Qalaĝaja Herodes deuodaĝanec ca'li jañe'me qama'le en loua, qama'le ñe'me Juan enapega joca'li ñe'me Herodes: “Ja qoyajeta da'me auen adoua jaga'me jo'ne adanoqolec loua.” Chane'eja nach'eñe ñe'me Herodes da'me damaĝajoĝolegue joca'li qaedi qoyanetaue jaga'me coñetaĝanaĝaiqui ñe'me Juan.

Marcos 6:21

Qalaĝaja Herodías yauana queda'me yovita q'aen ga'me laloqo' ca'li ñe'me Herodes ga'me lañoĝoqui qama'le ya'uo ga'me neualaĝayaĝac, nataq'aen ga'me niqui'yaĝac jo'ne yiyaĝa't jogaa'me lamaĝa's jo'ne p'ajodaye ga'me lejaliaĝaiqui, nataq'aen jogaa'me coico lejaliaĝanaqapi, nataq'aen gaa'me jiyaĝa'u jo'ne neuoyaĝadipi 'me Galilea laje'.

Lucas 13:31

Nach'e ena'am ua'a da'me uo'oe gaa'me yovi't jo'ne fariseopi, qama'le t'aqataĝatem ñe'me Jesús: —Oca'e jena'me jenjo' qa'a Herodes jetaque am yalat.

Lucas 2:1

Jaajo' noloqo'ote joca'li, ñe'me Roma le'ec Augusto, jo'ne nec'atenoqo't di'me aleua, damaĝajoĝolegue ca'li da'me qaedi yema nedela't ga'me jiyaĝadipi jo'ne yelolegue.

Lucas 23:24

Chane'eja Pilato naqanateta da'me yoqo'cha ga'me jo'ne qoyiyaĝataque;

Lucas 3:19

Uoja'eda da'me enapega ñe'me Herodes, jo'ne jaliaĝanec p'ajaye, qa'a en loua jañe'me Herodías, jo'ne loua ñe'me lachoqolec, nataq'aen yema ga'me yauo'oe 'lonataqa jo'ne ja 'noe'n.

Lucas 9:7

Ñe'me jaliaĝanec Herodes Antipas domachilegue yema ga'me jo'ne 'uo joca'li, qama'le ja yayaten da'me lelnataĝac, qa'a uo'oe gaa'me jo'ne enapega't: “Juan jo'ne chilaĝanataĝanaĝaic 'niyelaĝajeguem.”

Hechos 23:26

“Jayem Claudio Lisias: yep'iyenataĝanaĝac am jamaĝa am jaliaĝanec Félix jo'ne 'uo da'me adi'yoĝodic.

Hechos 24:27

Yenoĝodegue dos 'uoidi da'me naq'aetec; ua'edi Félix yaĝanegue da'me lejaliaĝa, na'ña ga'me 'lachaqa' da'me tayi ñe'me Porcio Festo. Qama'le queda'me Félix jetaque nach'e eta't niyamaĝadenegueta joga'me judiopi, ñe'me Pablo nach'e yanetaue jaga'me coñetaĝanaĝaiqui.

Hechos 26:30

Chane'eja ñijeguem ñe'me jaliaĝanec, choqogaa'me lejaliaĝa'u nach'e ena'am jañe'me Berenice nataq'aen ena'uaque gaa'me jo'ne ñichidiñe,

Hechos 4:27

“Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.