Lucas 24:6 - Nuevo Testamento Toba Sombrero Negro

⁶ Ja ue'ta jena'me jenjo', dite da'me joote 'niyelaĝajeguem. Anetoviñetac ga'me ami 'yaĝatema ca'li maliaĝa ue'ta di'me Galilea,

Nuevo Testamento Toba Sur

⁶ Sa ishit da hueta'a ne'ena somayi, cha'ayi mashi qaltaq nca'aleec qanqoÿin. Qauennachi dam l'aqtac co'ollaq hueta'a yi Galilea, 'eeta';

La'aqtaqa Ñim Lo'onatac 'Enauacna 2013

⁶ Saishet da hueta'a ne'ena Somaye, cha'aye mashe qaltaq nca'alec qanqa'en. Qauennache dam la'aqtac co'ollaq hueta'a ye 'alhua Galilea, 'eeta':

Lucas 24:6 Iomraidhean Croise

Mateo 12:40

Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Mateo 28:6

Ja ue'ta jena'me jenjo'; joote 'niyelaĝajeguem, naq'aeta da'me 'yaĝatetac ca'li. Anec'achiya qaedi auec'achiñe di'me qoyacha'ña quelqaya.

Marcos 16:6

qalaĝaja joñe'me dojapegue'to: —Ena'te at'oiyi. Jayaten queda'me aueloyitaque ñe'me Jesús jo'ne Nazaret le'ec, joñe'me jo'ne qoyep'elegue jaga'me sodoso. Qalaĝaja ¡joote 'niyelaĝajeguem! Ja ue'ta jena'me jenjo': auec'achiñe di'me ua'ña jo'ne qoyacha'ña.

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Lucas 24:34

jo'ne t'aqataĝanema jogaa'me: —Yataqachiñe eja joote 'niyelaĝajeguem ñe'me Jaliaĝanec, nataq'aen joote naloĝoneguet ñe'me Simón.

Lucas 24:5

Najaqachiguilo da'me loqolanaqa't, male naĝadiñi yeda'aguet jena'me aleua; qalaĝaja jogaa'me jiyaĝa'u eet'oi ga'me 'laqataqa yanema: —¿Toqoch'e auapichiñitapegueta dia'me yele'u da'me aueloyitaque ñe'me jo'ne nec'aletaye?

Lucas 9:22

Qama'le t'aqataĝanema: —Jayem jo'ne yataqachiñe Jiyaĝaua Lec'oĝot jalcote da'me yachoĝodec qomle, nataq'aen ja jayem 'te yacoteguet ga'me 'yaĝaicachidipi, jogaa'me lejaliaĝanaqa gaa'me tamenaĝaiqui lo'olpi choqoga'me judiopi napaĝaguenoqo'tpi. Jayem qoyalat qomle, qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Lucas 9:44

—Cha'li yataqachiñe anaquiaĝañiya da'me dojo' nataq'aen ena'te auapalaĝache'ta: jayem jo'ne yataqachiñe Jiyaĝaua Lec'oĝot qoyanouelo qomle ga'me jiyaĝadipi.

Hechos 2:24

Qalaĝaja Dios 'niyelaĝachijeguem, yachiyoĝotaue da'me leco'yaĝac da'me leleuaĝa, qa'a da'me neleuaĝa ja yaqanatet ta'le nale'en nomat.

2 Ts 2:5

Anetoviñetac jena'me jenjo' joote ami ja'aĝatapema ca'li maliaĝa ami jouetauelo.