Lucas 24:44 - Nuevo Testamento Toba Sombrero Negro

⁴⁴ Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Nuevo Testamento Toba Sur

⁴⁴ Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

La'aqtaqa Ñim Lo'onatac 'Enauacna 2013

⁴⁴ Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Lucas 24:44 Iomraidhean Croise

Mateo 1:22

Yema da'me dojo' 'uo ca'li qaedi yepaque'teguelo gaa'me 'laqataqa ñe'me Jaliaĝanec ca'li yojaĝanaĝan ga'me 'laqataĝanaĝanec:

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Mateo 26:54

Qalaĝaja ta'le naq'aeta da'me dojo', qama'le ja yepaquetelo'te gaa'me jo'ne joote qoyedidiñe, queda'me naq'aeta nayi da'me yepaquichigui.

Mateo 26:56

Qalaĝaja yema da'me dojo' ami di'yoĝoma qaedi yepaque'teguelo daa'me jo'ne joote 'yaĝatetedac dia'me Dios 'laqataĝanaĝanaqa ca'li qoyedidiñe gaa'me ledii's. Qama'le ena'uaque jogaa'me lapaĝaguenataqa queda'ae nataq'aen yegue'm ñe'me Jesús qama'le dajodegue.

Marcos 9:31

qa'a uetauelo gaa'me lapaĝaguenataqa qaedi cha'li yapaĝague'n. Nale enaac: —Jayem jo'ne yataqachiñe Jiyaĝaua Lec'oĝot male ja'ta da'me jayem qoyanouelo joga'me jiyaĝadipi qaedi jayem qoyalat. Qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Lucas 21:22

Qa'a mach'e noloqo'ote jo'ne qoyen tachiguilo da'me male 'uo da'me Dios le'uaĝanaĝanaĝac qomle, nach'eda male yepaquichiguilo ena'uaque ga'me jo'ne 'yaĝatetac daa'me nedii's joca'li.

Lucas 22:37

Qa'a ami ja'aĝatema queda'me yepaque'tegue yema ga'me jo'ne mach'e jayem 'yaĝatetedac daajo' nedii's jo'ne enaac: «Qama'le qoyapetenegueta joga'me qaleuaĝaiquipi.» Qa'a yauaqa'a nayi da'me yoiquiaqa'yaĝac 'me yeleuaĝa.

Lucas 24:46

qama'le yanema da'me 'laqatac: —Joote qoyediñe ca'li ñe'me Dios Liquiyac qoyen ladiquiyaĝac da'me qoyalat nataq'aen yenoĝodegue tres noloqo'ote qama'le 'niyelaĝajeguem.

Lucas 9:22

Qama'le t'aqataĝanema: —Jayem jo'ne yataqachiñe Jiyaĝaua Lec'oĝot jalcote da'me yachoĝodec qomle, nataq'aen ja jayem 'te yacoteguet ga'me 'yaĝaicachidipi, jogaa'me lejaliaĝanaqa gaa'me tamenaĝaiqui lo'olpi choqoga'me judiopi napaĝaguenoqo'tpi. Jayem qoyalat qomle, qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Lucas 9:44

—Cha'li yataqachiñe anaquiaĝañiya da'me dojo' nataq'aen ena'te auapalaĝache'ta: jayem jo'ne yataqachiñe Jiyaĝaua Lec'oĝot qoyanouelo qomle ga'me jiyaĝadipi.

Juan 3:14

Qama'le ena'am ñe'me Moisés ca'li yanajeguem ga'me nanaic di'me aleua jo'ne totapega't qaedi qonec'alaĝatedegue ga'me jiyaĝadipi, qama'le nach'e ena'am joñe'me Jiyaĝaua Lec'oĝot da'me qoyanajeguem qomle,

Juan 5:39

Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Juan 5:46

Qa'a ta'le ami auep'iiya'a da'me enaac ñe'me Moisés, nach'e ena'am jayem auep'iiya'a, qa'a Moisés yediñe da'me dojo' da'me jayem 'yaĝatetac.

Hechos 13:33

qama'le nayi joote yepaquichigui, qaedi qo'mi jo'ne qo'mi nec'oqo'tepi male jauanaĝa. Dojo' nach'eda ya'uo ca'li 'niyelaĝachijeguem ñe'me Jesús, nach'e naq'aeta ga'me jo'ne qoyediñe ca'li 'me uedaye jaga'me nede jo'ne lenaĝat Nalacpi, ga'me nalac dos, eet'oi: «Mach'e am jo'ne am yalec, qama'le nayi am janem da'me yalequiyaĝac.»

Hechos 13:40

Chane'eja 'noota qom auec'achiñe, qaedi ja ami 'te tachiguilo ga'me jo'ne 'yaĝatetedac ca'li dia'me Dios 'laqataĝanaĝanaqa, eet'oi:

Hechos 2:27

Qa'a ja auaje'tem ta'le nale'en jouetaue jaga'me napa'l lae't, Uotaĝa ta'le auaje'tem da'me chayovida'a ja no'en da'me yapat, Jayem jo'ne adalemaĝajet 'me ja 'nalegue.

Hechos 3:18

Qalaĝaja naq'aeta ga'me qo'yetec qa'a Dios en yepaquichigui ga'me jo'ne joote 'yaĝatetac jo'ne en na'yalo gaa'me 'laqataĝanaĝanaqa: jo'ne 'noota da'me yeleu ñe'me Liquiyac.

Hechos 7:37

Jenjo' nach'ena Moisés jo'ne 'yaĝatema ga'me israelpi: «Dios ya'uo qomle da'me 'uo ga'me ami chiyaqauelo jo'ne 'laqataĝanaĝanec, ena'am da'me jayem.»

Hebreos 10:1

Qa'a daa'me namaĝajoĝonaĝaco jo'ne qoyanema ñe'me Moisés joca'li, nach'edata da'me ena'am ta'le ch'e lequi'il gaa'me niyamaqataĝanaĝaco jo'ne onaĝayaqa 'me nateda'aquena. Chane'eja da'me jo'ne joote novitequena ja naqaeda da'me jo'ne yataqatelegue, qa'a daa'me namaĝajoĝonaĝaco jo'ne 'uaechidiñe, qaya'te ua'a ta'le yaqanate't da'me e'n yataqatelo'te jogaa'me jiyaĝa'u, jo'ne onolqa'tape naa'me 'uoidi da'me yec'adeta joñe'me Dios, qaedi yitaĝa yauo'oe gaa'me lajaqajel.

Hebreos 3:5

Qa'a ñe'me Moisés ch'e Dios nejoĝonec jo'ne yoqo'cha ca'li yema da'me jo'ne qoyamaĝalo, qaedi lecochiya yema ga'me noic jo'ne Dios lec'oqo'tepi, qama'le dechoqotaĝanec da'me jo'ne Dios jetaque 'yaĝatetac jo'ne dalaĝaic.

Hebreos 7:1

Qa'a nach'eñe ñe'me Melquisedec jo'ne nejaliaĝanec di'me noic 'me lenaĝat da'me Salem joca'li, nataq'aen da'me mach'e netaĝayaĝanaĝanec jo'ne dajo'tot joñe'me Dios jo'ne napacalegue ena'uac. Mane'e joca'li ñe'me Abraham 'viyelaq da'me chiyoqo'ta ga'me nalada't, di'me jo'ne ua'a joca'li noma't jogaa'me nejaliaĝanaqa, qama'le nenoĝonegue ñe'me Melquisedec da'me uaqate'taguet ñe'me Abraham, qama'le yanem da'me Dios lichoĝodenataĝanaĝac ca'li.

Hebreos 9:8

Chane'eja joñe'me Dios Lepaqal qo'mi yayatenaĝanaĝaneque queda'me yatemaliaĝa queta da'me 'uaechiñe tamenaĝaiqui, qama'le cha'li ja qoyaloĝon da'me qadadic ta'le jaĝaue di'me p'auo jo'ne yataqata ja 'nalegue.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.