Lucas 24:25 - Nuevo Testamento Toba Sombrero Negro

²⁵ Chane'eja Jesús yanema da'me 'laqatac: —¡Yataqachiñe qaya'te adayatenaĝanaĝaqui nataq'aen ja ami 'te yelo'tegueta da'me a'uamaqachiñe ena'uaque da'me jo'ne 'yaĝatetedac dia'me Dios 'laqataĝanaĝanaqa!

Nuevo Testamento Toba Sur

²⁵ Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

La'aqtaqa Ñim Lo'onatac 'Enauacna 2013

²⁵ Nache So Jesús 'enapeco': –¡Ỹataqta qaico' ca qauaỹaañiỹapec qami', qataq qaỹaloqta da qaua'amaqchiñi 'enauac nam la'aqtaxanaxacpi co'ollaxa som la'aqtaxanaxanecpi Ñim Lo'onatac 'Enauacna!

Lucas 24:25 Iomraidhean Croise

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

Marcos 16:14

'Uo jo'me nolo' laqaya ca'li Jesús yitaĝa naloĝonegueta jogaa'me once 'me lapaĝaguenataqa, mane'e ca'li cha'li ñichidiñe dajotedalegue ga'me niqui'yaĝala'. Qama'le enapegalo jogaa'me queda'me qaya'te lepe'e' nataq'aen queda'me ja en 'te damichiguilo q'ae'n naa'me lai'li, da'me qaya'te 'lamaqatenataĝanaĝa'j jogaa'me jo'ne 'uaediñe yauata queda'me 'niyelaĝajeguem.

Marcos 7:18

Joñe'me t'aqataĝanema jogaa'me: —Chane'eja, ¡nach'e ena'ama da'me ami ja auayachiñe da'me dojo'! 'Noota qom auayachiñe queda'me gamachaqaega jo'ne taue ga'me jiyaĝaua jo'ne yalic, qama'le ja yaqanatet ta'le 'naĝat qama'le en paĝachigui joga'me.

Marcos 9:19

Jesús 'yategueta jogaa'me: —¡Yataqachiñe ami jiyaĝadipi jo'ne qoleguetaĝanaĝaiquipi! ¿Jach'e jogamaĝa ua'a da'me cha'li ami jouetauelo? ¿Jach'e jogamaĝa ua'a da'me cha'li ami ñeualaĝae'to? ¡Yaĝa, anedoyiquena ga'me notolec!

Lucas 24:24

Uo'oe gaa'me jo'ne mach'e qadaqaya' dajotegue ca'li ga'me napa'l lae't qama'le yauata yema ga'me nach'e naq'aeta da'me 'laqataĝanaĝa'j gaa'me yauo', qalaĝaja ñe'me Jesús ja yauata.”

Juan 5:39

Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

1 Corintios 15:3

Qa'a ca'li 'uaechiñe ami janema da'me napaĝaguenataĝanaĝac jo'ne joote jayem qoyanem, nach'eda 'yaĝatetac ñe'me Cristo queda'me yeleu qaedi yapalaĝa't joda'me qadoeco, naq'aeta da'me 'yaĝatetedac gaa'me nedii's jo'ne 'laqatac ñe'me Dios.