Lucas 21:8 - Nuevo Testamento Toba Sombrero Negro

⁸ Jesús 'yategueta: —Achiya'aguet qomle da'me dojo' qaedi ja ami 'te qoyoqovi'n. Qa'a qayoĝode' gaa'me novi't qomle jo'ne ch'e jayem 'naĝachidiye. Eet'oi qomle: «Mach'e jayem Dios Liquiyac», nataq'aen «Mach'e laloqo'ena.» Qalaĝaja ami, ena'te oquiyegue.

Nuevo Testamento Toba Sur

⁸ Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

La'aqtaqa Ñim Lo'onatac 'Enauacna 2013

⁸ Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Lucas 21:8 Iomraidhean Croise

Mateo 24:11

Ñedijeguem qomle gaa'me eetapela'ajalo Dios 'laqataĝanaĝanaqa jo'ne ja ejoda, qama'le qayoĝode' ga'me yoqovi'n qomle.

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

Mateo 4:17

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

Lucas 17:23

Qama'le qom uo'oe gaa'me enapega't: «¡Jenjo' jena'me ue'ta!» uotaĝa «¡Di'cha'a di'me ue'ta!», qama'le ena'te auajoyigui uotaĝa ta'le oquiyegue.

Lucas 21:7

Chane'eja yauote da'me lachimaqataĝanaĝa'j: —Paĝaguenataĝanaĝaic, ¿jach'e jogamaĝa laloqo' da'me 'uo da'me dojo'? ¿Jach'e jogamaĝa 'nanec qomle da'me yauaqa'a da'me male di'yo't naa'me naajo' uo'oe?

Lucas 21:9

Nataq'aen qom auep'iquitapega queda'me 'uo ga'me nalatetapega't nataq'aen deloiquitapega't, qama'le ena'te at'oiyi, qa'a nach'eda dojo' 'uaeñe 'uo qomle; qalaĝaja, maliaĝa ja yovita ga'me loiquiaqa'.

Juan 5:43

Naqayem jo'ne jachiyoqo'ot ñe'me Qadet'a, qama'te ja jayem 'te auacoñiyeguet; qalaĝaja ta'le 'uo ga'me jiyaĝaua laqaya jo'ne novi' mach'e 'naĝatapela't, qama'le nach'ega jo'ne auacoñiyeguet.

Juan 8:24

Qo'che' ami ja'aĝatema da'me en adelevi q'ae'n qomle jonaa'me mach'e adoecodi', qa'a qom ja jayem 'te auep'iiya'a queda'me eja naqayem, qama'le en adelevi q'ae'n naa'me mach'e adoecodi'.

Juan 8:28

Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

2 Ts 2:3

Ena'te auajeñetem ta'le 'uo ga'me ami yoqovi'n. Ga'me nolo' cha'li ja novi', qa'a male 'uaeñe 'uo ga'me nalada't jo'ne p'ategue, qom yataqata qonautena joñe'me Dios, qama'le di'yo'quena ñe'me jiyaĝaua jo'ne etaĝaloĝoic, jo'ne qoyamaĝa'ña qomle ga'me napa'lpi 'lachaqa'.

2 Timoteo 3:13

qalaĝaja jogaa'me qaleuaĝayaqa jo'ne pecayaqa, lama'aja da'me qoyachedaue; doqovinaĝa'tape nale, qalaĝaja ena'ama ch'e qoyoqovi'tape.

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

2 Juan 1:7

Qa'a uo'oe qayoĝode' gaa'me qovinaĝanaĝaiquipi jo'ne quetedalegue jena'me aleua, jo'ne ja dechoqotaĝatec joñe'me Jesucristo naequena nach'e naq'aeta jiyaĝaua jo'ne yataqatelegue. Ga'me jo'ne naq'aeta, nach'ega qovinaĝanaĝaic nataq'aen nautena joñe'me Cristo.

Apocalipsis 1:3

Matac ga'me jo'ne dojelegue jenjo' yediijec jo'ne 'yaĝate'tape gaa'me uo'oe nayi nataq'aen gaa'me jo'ne uo'oe jo' qomle, nataq'aen made'tape yema gaa'me jo'ne domachita qama'le yoqochideta na'me jo'ne qoyediñe, qa'a male qoyoqo'ta ga'me laloqo' qom yema qoyen di'yoq.

Apocalipsis 12:9

qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.