Lucas 20:16 - Nuevo Testamento Toba Sombrero Negro

¹⁶ Ami ja'aĝatema queda'me naequena qomle qama'le yala't jogaa'me onataĝanaĝayaqa, nataq'aen ga'me uva lichidijat yanema gaa'me jiyaĝa'u laqaya'.” Mane'e ca'li domachita da'me dojo' jogaa'me, enapega't: —¡'Noota qom ja naq'aeta da'me dojo'!

Nuevo Testamento Toba Sur

¹⁶ Qomyi anac somayi, nachi ÿalauat se'eso 'onataxanaxaicpi. Ime, nachi ÿami' so laÿipi 'onataxanaxaicpi som 'alhua. Qaq co'ollaq qai'aqchigui de'eda, nachi qoÿiita': –¡Me ishito' da 'eetec de'eda ñi Dios!

La'aqtaqa Ñim Lo'onatac 'Enauacna 2013

¹⁶ Qomye anac somaye, nache ỹalauat se'eso 'onataxanaxaicpi. Ime, nache ỹami' so laỹepi 'onataxanaxaicpi som nanaxanaqa'. Qaq co'ollaq qaỹa'aqchigui de'era, nache qoỹeeta': –¡De'era saishet da nache 'eetec!

Lucas 20:16 Iomraidhean Croise

Mateo 21:34

“Ca'li yovita jo'me nolo' laloqo' da'me male qonaqat ga'me jala, qama'le yamaĝalo jogaa'me onataĝanaĝayaqa gaa'me lalemaĝaje'te qaedi qoyanema ga'me loĝot ñe'me ladipa ga'me nanaĝanaqa'.

Mateo 21:41

Jogaa'me 'yadeteguet: —Yataqachiñe ja yichoĝode'n da'me yala't qomle gaa'me onataĝanaĝayaqa, qama'le yanema gaa'me onataĝanaĝayaqa laqaya' ga'me uva lichidijat, nach'egaua jo'ne yadeuo ga'me jalayaĝac nale yovita ga'me laloqo' nale qonaqat.

Mateo 22:7

Ñe'me jaliaĝanec yataqachiñe jalcote da'me dalemata, qama'le yama' jogaa'me necoico laje' qaedi yala't gaa'me lataĝanaĝayaqa nataq'aen yidoue ga'me noic jo'ne 'lachaqa't.

Marcos 12:9

“Chane'eja, ¿jach'e ga'me auepíchitapega da'me ya'uo qomle ñe'me ladipa ga'me nanaĝanaqa'? Ami ja'aĝatema queda'me naequena qama'le yala't gaa'me e'n yelodelegue ga'me lanaĝanaqa', nataq'aen ga'me uva lichidijat yanema gaa'me jiyaĝa'u laqaya'.

Lucas 19:27

Qalaĝaja, ena'uaque ga'me jo'ne yauteuapi jo'ne ja 'yamaqate'n da'me ñejaliaĝatelo'te joga'me, anaviquiyaquena qaedi jauatelo'te da'me aualachi'.»”

Lucas 20:15

Qama'le qoyachiyoĝotalegue ga'me uva lichidijat da'me qoyalat. “Chane'eja, ¿jach'e ga'me auepíchitapega da'me ya'uo qomle ñe'me loĝot ga'me uva lichidijat?

Hechos 13:46

Qama'le Pablo nataq'aen Bernabé 'uo da'me 'lañaĝa'j da'me doje'tape, 'yategueta: —Qo'mi qoyanema da'me qa'nelopaguec qaedi ja'aĝataqatac da'me Dios lep'iquenataĝanaĝac a'uaviñe ami jo'ne judiopi. Qalaĝaja queda'me a'uoitapeguet, nataq'aen ja auacoñiyeguet da'me at'oyaĝaqui 'me ja 'naidena'a qomle, male jec'ataĝalo nayi gaa'me jo'ne ja judiopi.

Romanos 11:1

Nayi 'uo ga'me yenataĝanaĝac: ¿Jeele ñe'me Dios yegue'm joga'me lec'oqo'tepi? ¡Qa'ejo' ja naq'aeta! Jayem mach'e jachiyaqaue gaa'me israelpi, lolelaĝaiquipi di'me Abraham nataq'aen ga'me niyaqa'ya lec'oqo'tepi di'me Benjamín.

Romanos 11:11

Nayi jachimaqataĝan: ¿Jeele joga'me judiopi da'me poguelaĝa'n, nedo'ta't da'me ja yitaĝa ñidijeguem? ¡Aja'y, ja naq'aeta! Dite da'me ja yoqochi'y joga'me judiopi, laqaya' yaqanate't da'me yovidalegue da'me nec'alaqataĝanaĝac, qaedi ga'me Israel c'oqo'te male netotapiye'ajalo.

Romanos 3:31

Chane'eja da'me 'uo da'me qadepe'e, ¿qo'li ja jenaĝa 'te lajo'vi da'me namaĝajoĝonaĝaco? ¡Qa'ejo' ja naq'aeta! Dite da'me jachimaĝataĝañi da'me lajo'viyaĝa'j naa'me namaĝajoĝonaĝaco.

Romanos 3:4

¡Qa'ejo' ja naq'aeta! Dite da'me nach'eda yataqatelegue ñe'me Dios da'me 'tonataĝan, mate mane'e qovinaĝanaĝaic ga'me ch'e jiyaĝaua; qa'a naa'me nedii's eet'oi: “Am qo'ene'tem yataqatelegue ga'me anenaĝategue. Qama'le 'uo da'me adomataĝanaĝac qom am qonemitaque ga'me adajouaĝajet.”

Romanos 3:6

¡Qa'ejo' ja naq'aeta! Qa'a ta'le Dios ja yataqatelegue, ¿qo'li nalo'oguet da'me naloqoten jena'me aleua?

Romanos 6:15

Chane'eja, ¿jach'e ga'me eeta? ¿Qo'li jauoqo qadoec qa'a ja jouaqa'tot ga'me namaĝajoĝonaĝac dite da'me lichoĝodenataĝanaĝac ñe'me Dios? ¡Qa'ejo' ja naq'aeta!

Romanos 6:2

¡Qa'ejo' ja naq'aeta! Qo'mi joote qadeleu da'me jachiyajaqauelo naa'me qadoeco; qama'le ¿toqoch'e maliaĝa qolaqatalo'te gaa'me qadoeco?

Romanos 7:13

Qalaĝaja, da'me dojo' jo'ne 'noota, ¿qo'li nach'eda jo'ne jayem yaueque'ta da'me yeleuaĝa? ¡Aja'y! ¡Ja naq'aeta! Da'me nach'eda eeta queda'me jouaĝat ga'me yoec qaedi jayem yaloĝona queda'me yataqachiñe yoec, qama'le chiyaqayi ga'me yeleuaĝa taue ga'me 'noota. Qama'le naq'aeta chiyaqayi ga'me namaĝajoĝonaĝac male yataqachiñe qoyaloĝon da'me etaĝaloĝoc jo'ne yataqachiñe ja no'en.

Romanos 7:7

Qama'le da'me jouaĝat da'me dojo': ¿qo'li jenaqaac queda'me yataqachiñe ja no'en da'me namaĝajoĝonaĝac? ¡Qa'ejo' ja naq'aeta! Temaqaedita ta'le ja naqaedaua daa'me namaĝajoĝonaĝaco jayem ja jayaten ga'me ja no'en. Yataqachiñe ja jayatenaq da'me nepitaqataĝanaĝac, ta'le da'me namaĝajoĝonaĝac ja enaac: “Ena'te auepita'a joga'me loĝot joga'me adaqaya.”

Romanos 9:14

¿Qo'li chiyaqayi da'me dojo' jenaqapega ta'le ja chimaqachiñe ñe'me Dios? ¡Qa'ejo' ja naq'aeta!

1 Corintios 6:15

¿Qo'li ja auayachiñe queda'me lapachidiaĝac onolqa'tape da'me ami ena'am ta'le yoqoteta'uo da'me lapachidiaĝac ñe'me Cristo? Chane'eja ja 'noota ta'le jacona ga'me lapat lae ñe'me Cristo qaedi japeteneguet da'me lapachidiaĝac jaga'me quejeguetaĝai. ¡Ja jaqanatetaq ta'le je'etaĝam da'me dojo'!

Gálatas 2:17

Chane'eja qo'mi jepagaqatapega ta'le qo'mi yaconegueta ñe'me Dios yajouaĝat da'me qademe'teguet ñe'me Cristo. Qalaĝaja da'me jauoqo da'me dojo' male jayatenaq queda'me nach'e ena'am qo'mi loeco lo'olpi jenaqa'ama gaa'me jiyaĝadipi jo'ne neda'ña gaa'me ale'u lael. Chane'eja, ¿qo'li jenaĝa qadelnataĝac joona queda'me chiyaqayi da'me dojo' Cristo qo'mi yauegouelo da'me qadoec? ¡Naq'aeta taĝa! ¡Yataqachiñe ja naq'aeta!

Gálatas 3:21

Chane'eja dojo' ja yelo'teguet ta'le ena'am da'me yotauan ga'me yaqataĝañi 'laqatac ñe'me Dios. ¡Yataqachiñe ja naq'aeta! Qa'a ta'che da'me namaĝajoĝonaĝac yaqanatet da'me qo'mi yanema ga'me qadec'alaĝa jo'ne qaya'te loiquiaqa', qama'le Dios qo'mi yataqatelo'te q'ae'n qa'a qolaqa'teguelo jogaa'me.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.