Lucas 2:9 - Nuevo Testamento Toba Sombrero Negro

⁹ Qampaja'a qaale yauata ga'me piyem le'ec jo'ne chiyaqaje'ma ñe'me Jaliaĝanec, nataq'aen da'me lauaqayaĝac 'me 'lonaĝac joñe'me yataqata napacalo'te jogaa'me, qama'le jalcote da'me t'oi'y.

Nuevo Testamento Toba Sur

⁹ Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

La'aqtaqa Ñim Lo'onatac 'Enauacna 2013

⁹ Nache nque'elaxatta da so 'oonolec lamaxashec Ñim Lo'onatac 'Enauacna nachaxana somayepi, qaq da llo'oxoyec Ñim Lo'onatac 'Enauacna icoỹarelec cam hueta'a somayepi. Qaq som qagueta lo'opi ỹataqta lta'araic da lcolanaxa,

Lucas 2:9 Iomraidhean Croise

Mateo 1:20

Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

Lucas 1:28

Joñe'me piyem le'ec yenoĝoneuo'o ga'me ue'ta jañe'me qama'le enaac: —¡Am jep'iyen, María! Am jo'ne am yotauan joñe'me Jaliaĝanec: ¡nach'eñe am ue'tajop!

Lucas 2:8

Yauaqa'a di'me Belén uo'oe joca'li gaa'me 'naĝanaĝate neuatoqo'tpi jo'ne ueteda'a ga'me 'nonaĝa ga'me pi'yaq yivitetapegalo gaa'me 'naĝanaĝatepi.

Lucas 24:4

Ja yayate'n ga'me yauote jouaĝat da'me dojo', ca'li paja'a yauanalo gaa'me jiyaĝa'u dojolqa jo'ne nechate'tajopa gaa'me, yatedañe ga'me leuo jo'ne 'uo da'me laqaselegaĝa'j.

Juan 12:41

Isaías yediñe da'me dojo' qa'a yauana da'me 'lonaĝac ñe'me Jesús, qama'le nach'eñe joñe'me Jesús jo'ne 'yaĝatetac ca'li.

Hechos 12:7

Qanach'e di'yoĝoma ñe'me lamaĝajec ñe'me Jaliaĝanec jo'ne piyem le'ec, qama'le jaga'me coñetaĝanaĝaiqui yema yoqochiñe. Ñe'me piyem le'ec yepotauo'o ga'me lae ñe'me Pedro, noqotoĝon ca'li ñe'me, qama'le enaac: “¡Paja'a oñijeguem!” Paja'a ga'me netayelo naa'me loua' ñe'me Pedro 'naqadañe,

Hechos 27:23

Qa'a jepi'yaq jayem naloĝoneguet ñe'me piyem le'ec, namaĝaquena ñe'me Dios jo'ne nach'eñe joue'tot nataq'aen jo'onataĝaneuo'o,

Hechos 5:19

Qalaĝaja 'uo ñe'me piyem le'ec jo'ne chiyaqaje'ma ñe'me Jaliaĝanec, ca'li pi'yaq 'youatedegue gaa'me najo'mi jaga'me coñetaĝanaĝaiqui, qama'le yauedegue, enaac:

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Hebreos 12:21

Yataqachiñe 'uo da'me lichic da'me jo'ne qoyauana joca'li, qama'le 'yaĝatetac ñe'me Moisés, enaac: “Jayem yiviloĝolaqatet da'me yoqolanaĝa.”

Apocalipsis 18:1

Mane'e ca'li yem da'me dojo', qama'le jauana jo'me piyem le'ec laqaya jo'ne nenochiñe, chiyaqaje'ma di'me piyem, jo'me jo'ne 'uo da'me lañoqotaĝanaĝac let'adaic, qama'le jena'me mach'e lauaq yecoyadelegue ca'li jena'me aleua.

Apocalipsis 20:11

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.