Lucas 2:46 - Nuevo Testamento Toba Sombrero Negro

⁴⁶ Qama'le yovideta di'me Jerusalén; nete' laqaya qama'le yejomedalegue, uetaue ga'me tamenaĝaiqui, ñichiñe, uetañi laeñi gaa'me jiyaĝa'u jo'ne paĝaguenataĝanaĝayaqa daa'me Dios lamaĝajoĝonaĝaco, qama'le yenatetac jogaa'me nataq'aen naquiaĝanapega.

Nuevo Testamento Toba Sur

⁴⁶ Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

La'aqtaqa Ñim Lo'onatac 'Enauacna 2013

⁴⁶ Qaq so lỹa na'a'q, nache ỹanatra So Jesús huetaigui aso no'onaxanaxaqui late'erai ỹalectaigui nam dapaxaguenataxaateguec na namaxasoxonaxacpi. Somaye na'axaỹaxaatac qataq huo'o na lnataxanaxacpi.

Lucas 2:46 Iomraidhean Croise

Mateo 12:40

Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.

Mateo 16:21

Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Lucas 2:47

Nataq'aen ena'uaque gaa'me jo'ne domachita joñe'me jalcote da'me yoqochetem da'me layatenaĝanaĝac nataq'aen daa'me 'lataĝaco.

Lucas 5:17

'Uo jo'me nolo' da'me Jesús dapaĝaguenataĝatac qama'le uo'oe gaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco jo'ne yovidedauo, ñichidiñe, jo'ne chiyoqoda'aguelo gaa'me noyaqolqa di'me Galilea, nataq'aen Judea choqodi'me Jerusalén. Qama'le da'me 'lañaĝac joñe'me Jaliaĝanec ue'tajop ñe'me Jesús qaedi e'n yemedegue ga'me leuaĝaiquipi.

Juan 3:10

Jesús male 'yateguet: —Am jo'ne p'ajaye napaĝaguenoqo't di'me Israel, ¿toqoch'e ja auayate'n naa'me naajo' jo'ne uo'oe?

Hechos 5:34

Qalaĝaja 'uo ñe'me jiyaĝaua jo'ne uetauelo ga'me p'ajodaye jo'ne fariseo, lenaĝat Gamaliel, jo'ne nach'e ena'am uetauelo ga'me judiopi napaĝaguenoqo'tpi, jenjo' jo'ne yema ga'me noic yataqachiñe qouatec'a. Jenjo' jiyaĝaua ñechachiñe ca'li qama'le damaĝajoĝolegue da'me cha'li qoyen p'adegue gaa'me namaĝa's.

1 Timoteo 1:7

Nataq'aen maco nach'egaua jetaque dapaĝaguenataĝaneque daa'me Dios 'laqataqa, qalaĝaja nale doje'y qama'le yataqata ja yayate'n joga'me nenaĝatedegue, nataq'aen joga'me en yeloteguet nale dapaĝaguenataĝa'n, qalaĝaja yepetapegalo yataqata eja ga'me yauotedac.