Lucas 2:34 - Nuevo Testamento Toba Sombrero Negro

³⁴ Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

Nuevo Testamento Toba Sur

³⁴ Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

La'aqtaqa Ñim Lo'onatac 'Enauacna 2013

³⁴ Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

Lucas 2:34 Iomraidhean Croise

Mateo 11:19

Ua'edi ñovi' da'me jayem jo'ne yataqachiñe jayem Jiyaĝaua Lec'oĝot, jo'ne jeque'e nataq'aen ñiyom, qama'te jayem aueñiyapega qui'yaĝaic nataq'aen niyomaĝaic, jayem naigaĝaua jogaa'me jiyaĝa'u jo'ne ja 'noe'n gaa'me 'lonataqa choqogaa'me lo'ol da'me nejetenaguec di'me Roma. Qalaĝaja joda'me layatenaĝanaĝac joñe'me Dios qoyayataĝade'tegue qom qoyauanalo gaa'me 'nonataqa 'me chiyoqodayi, nach'egaua jo'ne chimaqachidiñe.

Mateo 12:46

Ca'li Jesús maliaĝa t'aqataĝatapema joga'me jiyaĝadipi, jañe'me lat'e nataq'aen lanoqolqa ueteda'a ga'me p'aye jetaque dojedapegue' joñe'me,

Mateo 21:44

Qama'le ga'me netouoĝo'ye' ga'me qa' yataqachiñe yolaĝachigui.

Mateo 27:63

qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

Lucas 2:35

Nach'eñe en di'yo't gaa'me ja 'noe'n lelnataĝaco jena'me jiyaĝadipi. Qalaĝaja yema da'me dojo' ena'am ta'le anedo'oguet qomle, ena'am ta'le ga'me daĝanaĝat jo'ne en cojayi na'me mach'e adepaqal.

Juan 3:20

Chane'eja ena'uaque jogaa'me jo'ne yauote da'me ja no'en 'uo da'me louelaqataĝanaĝac ñe'me necoyadaĝanaĝat, nataq'aen da'me ja nec'adeta joñe'me qaedi ja qoyecoyadelegue da'me 'yetedac jo'ne ja no'en.

Juan 5:18

Chane'eja nach'eda da'me dojo' yajouaĝat jogaa'me judiopi lajoĝola'te ua'ajopa da'me ma'ejama'le yediaĝadelegue da'me jetaque yala't joñe'me Jesús, qa'a ja nach'edata da'me t'onataĝañgui ga'me nolo' jo'ne niyamaqatac, dite da'me eetapela't ena'am ñe'me Dios ca'li eetapega ñe'me Dios nach'eñe jo'ne yataqachiñe Let'a.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

Hechos 17:6

qalaĝaja queda'me ja qoyauanalo ta'le uetede'edi, qama'le yauequetedac ñe'me Jasón nataq'aen gaa'me jiyaĝa'u laqaya' da'me qoyajoĝona'agueta gaa'me jaliaĝanaqa di'me noic, niyaĝatedapejeguem: —¡Naajo' jiyaĝa'u jo'ne yema jena'me aleua da'me 'ñemaĝachidiñe, nach'e ena'am nec'adeta jena'me jenjo',

Hechos 24:5

Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

Hechos 4:26

Jogaa'me yodapecache 'me nejaliaĝatelo'te naa'me ale'u nejoĝona't Qaedi deloiquitedapegue' ñe'me Dios Nataq'aen ñe'me c'oĝot jo'ne Liquiyac.»

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

Romanos 9:32

¿Te'ena't? Qa'a ja yachiyoĝotedalegue da'me lepe'e', dite gaa'me mach'e 'lonataqa. Qo'che' poguelaĝatot ga'me “qa' jo'ne napoguelaĝanaĝat,”

1 Corintios 1:23

qalaĝaja qo'mi ja'aĝataqatac queda'me Cristo yeleu ca'li qoyep'elegue jaga'me sodoso, chane'eja ena'am ta'le nepocoĝoc ga'me judiopi, nataq'aen ga'me jo'ne ja judiopi eetedapega qo'mi chiyoĝo's.

Hebreos 7:1

Qa'a nach'eñe ñe'me Melquisedec jo'ne nejaliaĝanec di'me noic 'me lenaĝat da'me Salem joca'li, nataq'aen da'me mach'e netaĝayaĝanaĝanec jo'ne dajo'tot joñe'me Dios jo'ne napacalegue ena'uac. Mane'e joca'li ñe'me Abraham 'viyelaq da'me chiyoqo'ta ga'me nalada't, di'me jo'ne ua'a joca'li noma't jogaa'me nejaliaĝanaqa, qama'le nenoĝonegue ñe'me Melquisedec da'me uaqate'taguet ñe'me Abraham, qama'le yanem da'me Dios lichoĝodenataĝanaĝac ca'li.

Hebreos 7:7

Qaya'te ta'le yoqoleguet da'me dojo': ga'me jo'ne dichoĝodenataĝan, nach'ega jo'ne p'ajaye, qama'le napacalegue ga'me jo'ne qoyichoĝoden.

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.