Lucas 18:13 - Nuevo Testamento Toba Sombrero Negro

¹³ Qalaĝaja ñe'me lo'o da'me qoyejeten di'me Roma nach'e ua'a ga'me qaya'ta, ja nepetapela't ta'le nalo'taguet da'me yeloje'mec di'me piyem, dite da'me ye'uaĝalegue jaga'me letogue, qama'le enaac: «¡Degueja da'me yachoĝodec am Dios, 'noota qom jayem avichoĝoden, jo'ne jayem loeco lo'o!»

Nuevo Testamento Toba Sur

¹³ Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

La'aqtaqa Ñim Lo'onatac 'Enauacna 2013

¹³ Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 18:13 Iomraidhean Croise

Mateo 10:3

Felipe, Bartolomé; Tomás nataq'aen Mateo (nach'eñe lo'o da'me nejetenaguec ga'me Roma), Santiago mach'e c'oĝot ñe'me Alfeo, nataq'aen Tadeo,

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Mateo 9:13

Jamoyi qama'le anapaĝagueñiya jo' da'me yelo'teguet jenjo' 'naqatac: «Nach'eda jepaquetapega ta'le ami choĝodenataĝanaĝayaqa, qama'le ja naqaeda ta'le auauoyi adajaqajequi 'me aviquiyoue nale.» Qa'a nach'eda da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi.

Marcos 11:25

Nataq'aen qom anetameñetac, qom 'uo ga'me ami nautenalo, 'noota qom auapalaĝachi daa'me laviyaqataĝanaĝaco, qaedi nach'e ena'am yapalaĝa't daa'me adoecodi' ñe'me Adet'ai jo'ne na'ague di'me p'ajeguem 'me piyem.

Lucas 17:12

Qama'le yovida'a di'me noicolec, ua'a da'me nenoĝodegue da'me queda'aguet gaa'me diez gaa'me jiyaĝa'u jo'ne daloĝo lalataqa; qanach'e uede'edi

Lucas 22:41

En qaya'talo jogaa'me ua'a ga'me nalo'taguet da'me ta'ña ga'me qa' nale qodajaĝajoĝona, qama'le yejoidiñe naa'me leliquetel qaedi netamen.

Lucas 23:48

Ena'uaque ga'me jiyaĝadipi jo'ne ueteda'ajop, nataq'aen da'me yauachidigui ga'me 'uo joca'li, quedeuo ca'li da'me ye'uaĝatapelo'te naa'me letoguel.

Lucas 5:8

Mane'e ca'li Simón Pedro yauana da'me dojo', qama'le paja'a da'me yejoidiñe naa'me leliquetel dajoya'aguet ñe'me Jesús qama'le enaac: —¡Jayem oca'e, Jaliaĝanec, qa'a jayem loeco lo'o!

Hechos 2:37

Mane'e ca'li domachita da'me dojo' ga'me jiyaĝadipi, qama'le yoqoche' naa'me lai'li, nataq'aen yachimaĝadeta ñe'me Pedro nataq'aen gaa'me namaĝa's laqaya': —Ami qadaqaya', ¿jach'e ga'me jauoqo nayi?

Romanos 5:8

Qalaĝaja Dios di'yoq q'aen da'me qo'mi noqopitalo, chaqaeda da'me maliaĝa qolaqatauelo gaa'me qadoeco ca'li, yajouaĝa't qo'mi ca'li yeleu ñe'me Cristo.

2 Corintios 7:11

¡Yataqachiñe 'noota da'me Dios e'n ami totelo'te q'ae'n! Cha'li auec'achiñe ga'me chiyaqayi, naq'aeta da'me auaqanachichi da'me auayachiñe queda'me qaya'te yejamaĝataĝac, chayovida'a jayem aue'uoyilegue. Nach'e ena'am aualemataitac, nataq'aen at'oyiyapega ga'me jo'ne ami ualo'te ta'le 'uo da'me lamaic ta'le jayem auañiya, nataq'aen auauoyi ne'uaĝanaguec ga'me jo'ne ya'uo da'me ja no'en, yema da'me dojo' ami aualoĝoñi queda'me ja aualiquichiñe ga'me 'uo.

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Hebreos 4:16

Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

Hebreos 8:12

Qa'a male japalaĝat da'me naviyaqatague'j jogaa'me, Nataq'aen da'me ja yitaĝa ta'le jenate'talo naa'me ja 'noe'n jo'ne mach'e loeco.” Naq'aeta da'me dojo' jo'ne 'laqatac joñe'me Jaliaĝanec.”