Lucas 16:15 - Nuevo Testamento Toba Sombrero Negro

¹⁵ Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

Nuevo Testamento Toba Sur

¹⁵ Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

La'aqtaqa Ñim Lo'onatac 'Enauacna 2013

¹⁵ Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Lucas 16:15 Iomraidhean Croise

Mateo 23:5

Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

Mateo 6:16

“Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Mateo 6:2

“Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Mateo 6:5

“Qom anetameñi, ena'te aueñiya'ama gaa'me jo'ne ja yataĝalo'te, jogaa'me jo'ne noqopideta da'me nechatetedañe nale netame'n da'me uetauelo gaa'me nemaĝaiqui' nataq'aen nale ue'talo gaa'me netaetedeuo ga'me laeñi ga'me noic, qaedi ga'me jiyaĝadipi yauanalo. Ami jayatenaĝaneque queda'me joote qoya'uo ga'me lajo'vi'y.

Lucas 10:29

Qalaĝaja ñe'me paĝaguenataĝanaĝaic daa'me Dios lamaĝajoĝonaĝaco jetaque yayatetelegue da'me lenataĝanaĝac, qama'le yachimaĝata ñe'me Jesús: —Qama'le, ¿jach'e jogamaĝa yataqachiñe yaqaya?

Lucas 11:39

Qalaĝaja ñe'me Jaliaĝanec enaac: —Ami jo'ne fariseopi nale aviyoyi'y gaa'me yomaĝaiqui' nataq'aen gaa'me coqui' qama'le auojamaĝachi' ga'me p'aye, qalaĝaja ga'me p'auo jo'ne mach'e adai'lidi' qamqa'me najaqachiguilo gaa'me jo'ne chiyaqayi da'me adecachaĝaqui nataq'aen da'me ja no'en.

Lucas 18:11

Joñe'me fariseo nechachiñe, eetojo' da'me netamenaĝac: «Am janem da'me yamaic, am Ñedios, queda'me ja jena'ama gaa'me jiyaĝa'u laqaya' jo'ne cachaĝayaqa, ja chimadichidiñe gaa'me 'lonataqa, nataq'aen quejeguetaĝayaqa, uotaĝa ta'le jena'am dojo' lo'o da'me qoyejeten ga'me Roma.

Lucas 18:14

Ami ja'aĝatema queda'me dojo' lo'o da'me qoyejeten di'me Roma joote Dios yachimaĝachiñe da'me 'loyaĝac da'me 'viyelaĝa ga'me 'lachaqa', qalaĝaja ja naq'aeta ñe'me fariseo. Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.”

Lucas 18:21

Joñe'me jiyaĝaua 'yateguet: —Ena'uaque naa'me naajo' joote jiyamaĝate'tape chiyoqo'teguet ca'li jayem nejoq.

Lucas 18:9

Jesús nach'e ena'am 'yaĝatetac dojo' laloqotenaĝanaĝaiqui qa'a uo'oe gaa'me tachiguilo q'ae'n jo'ne mach'egaua nepetapela'ajalo queda'me chimadichidiñe qama'le 'yota'tape gaa'me laqaya':

Lucas 20:20

Uo'oe gaa'me qoyama' c'atenaĝanaĝayaqa jo'ne eetapela'ajalo jiyaĝa'u jo'ne yataqatelo'te, qaedi e'n nenaĝatedegue ñe'me Jesús gamachaqaegaua uo'oe jo'ne chiyaqayi da'me uajoilo'te ga'me 'laqataqa, qama'le naq'aeta da'me male qoyanot ñe'me jaliaĝanec 'me Roma le'ec jo'ne nejaliaĝatelo'te gaa'me judiopi.

Lucas 20:47

Nataq'aen doĝotaĝaneque ga'me jo'ne yiyamaqa'tama jogaa'me p'ail, nataq'aen nale nequepaĝatedelegue da'me dojo' qama'le yauo'oe gaa'me netamenaĝaco jo'ne jalo'li. Jogaa'me yataqachiñe let'adaic ga'me ne'uaĝanague'j jo'ne qoyanema qom'te.”

Juan 2:25

Nataq'aen da'me ja youetaque ta'le 'uo ga'me noqotetena ga'me jiyaĝadipi, qa'a mach'e yateto'n gaa'me lai'li jogaa'me jiyaĝa'u.

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Hechos 1:18

(Judas yaconeguet ca'li jaga'me laicaua jo'ne qoyejetenec da'me nechiyoĝojoĝoc, qama'le ecot ga'me 'naleua; ua'edi yejoquichiñe ga'me laqaic da'me 'naqañe, choqoda'me nelagaĝa gaa'me piyoĝo's da'me depoqoye.

Hechos 1:24

Qama'le eetojo' da'me netamenaĝa'j: “Am Jaliaĝanec, am jo'ne auateto'n ena'uaque naa'me qadai'li, qo'mi aualoĝonalo naa'me naajo' dojolqa, jach'e jogamaĝa auacotelegue,

Hechos 15:8

Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.

Romanos 3:20

Qa'a qaya'te gamachaqaega eetapela't yedalegue da'me Dios yiyamaĝaden qa'a jouaĝat da'me que'teguelo daa'me namaĝajoĝonaĝaco, qa'a daa'me namaĝajoĝonaĝaco nach'edata da'me qo'mi yayatenaĝaneque da'me nach'e ena'am 'uo ga'me qadajouaĝajet.

Romanos 8:27

Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

1 Pedro 3:4

dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.

1 Pedro 5:5

Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.