Lucas 13:4 - Nuevo Testamento Toba Sombrero Negro

⁴ Nataq'aen uo'oe ca'li jogaa'me dieciocho jo'ne yele'u ca'li 'uaĝalo'te joga'me 'noĝona jo'ne lenaĝat Siloé qama'le yep'aĝadiñe: ¿qo'li auepíchitapega queda'me yataqachiñe 'uo da'me laviyaĝajet jo'ne ja ena'ama gaa'me 'lachaqa't di'me Jerusalén?

Nuevo Testamento Toba Sur

⁴ Qalqo' se'eso dieciocho mayi ipataxañi co'ollaq hualolaguiñi aso naue mayi naña yi Siloé, ¿peta'a da qaupi'itaxañiitega da huo'otaq somayipi ÿapacteec da lta'adaic da lasouaxashit, qaq saq 'en'am nam laÿipi mayi netaña yi Jerusalén?

La'aqtaqa Ñim Lo'onatac 'Enauacna 2013

⁴ ¿Qaupi'itaxañiitega peta'a da se'eso dieciocho, maye ileu co'ollaq hua'axañi aso naue maye naña ye Siloé, da somayepi talec de'era, cha'aye ỹoqta ỹapactec da lasouaxashet qaq saq 'ena'am na laỹepi maye netaña ye Jerusalén?

Lucas 13:4 Iomraidhean Croise

Mateo 18:24

Ca'li yachimaĝachiñe da'me male ye'et qanach'e 'uo ñe'me qoyaue'uo jo'ne 'uo jaga'me nep'ia 'me nalo'taguet diez mil ga'me nemenapi jo'ne talentos.

Mateo 6:12

Auapalaĝa't gaa'me ja 'noe'n jo'ne jauoqo'oe, Nach'e naq'aeta nale japalaĝata' gaa'me ja 'noe'n jo'ne qo'mi qo'yeteque.

Lucas 11:4

Auapalaĝa't daa'me qadaviyaĝaco, qa'a nach'e ena'am qo'mi japalaĝata' gamachaqaegaua ja 'noe'n jo'ne qo'mi qo'yeteque. Ena'te qo'mi auaueguedoue da'me qanapiyenaguec.»

Lucas 13:3

Qalaĝaja ami ja'aĝatema queda'me ja naq'aeta; nataq'aen da'me ami qom ja a'niyelaqaeyot joñe'me Dios, qama'le nach'e ena'am adelevi qom'te.

Lucas 13:5

Qalaĝaja ami ja'aĝatema queda'me ja naq'aeta; nataq'aen qom mach'e ami da'me ja a'niyelaqaeyot joñe'me Dios, qama'le nach'e ena'am adelevi qom'te.”

Juan 9:11

Joñe'me male 'yategueta: —'Uo jo'me jiyaĝaua jo'ne lenaĝat Jesús, ya'uo jo'tae'me jenal 'me yiyoĝolo'te naa'me 'yae'te, qama'le jayem yamaq, enaac: «Auec'ataĝajo'ma jañe'me noĝop lae't 'me lenaĝat da'me Siloé qama'le aviyo'y naa'me at'ae'te», qama'le jajoyi da'me jiyo'y. Chane'eja da'me yem da'me jiyo'y naa'me 'yae'te, male ua'a da'me ñeloye.

Juan 9:7

Qama'le yamaq, enaac: —Oc, auec'ataĝajo'ma jañe'me noĝop lae't jo'ne lenaĝat da'me Siloé (jo'ne yeloteguet “da'me namaĝajec”) qama'le aviyo'y naa'me at'ae'te. Qama'le ga'me qanam male yec'ataĝajo'ma qaedi napi'l, qama'le mane'e ca'li 'niyelaq male yaqanatet da'me neloye.

Hechos 28:4

Ca'li yauata gaa'me 'lachaqa'tedi queda'me 'uo ga'me nanaic netaye ga'me louaq ñe'me Pablo, qama'le enapega't jogaa'me: “Jenjo' jiyaĝaua di'yoq da'me lataĝanaĝaic, qa'a mate mane'e yaĝan jena'me noĝop, qalaĝaja ñe'me ja di'yoq 'me ya'uo ga'me ne'uaĝanague'j ga'me loeco lo'olpi ja yajeta ta'le nec'aletaye.”