Lucas 12:21 - Nuevo Testamento Toba Sombrero Negro

²¹ Naq'aeta ga'me nauaneguet nale ga'me jiyaĝaua jo'ne ya'uo laponaqa' da'me leuoyaĝaco jo'ne jetaque mach'e yiyamaĝam, qalaĝaja ñe'me Dios en choĝodaq ga'me.”

Nuevo Testamento Toba Sur

²¹ Qaq 'eda qome da 'eetec cam shiÿaxaua da maichi loguishiguem naq'en da maichi lsallaxa, qalaxayi ñi Dios ÿaÿaten camayi da ÿataqta choxodaq.

La'aqtaqa Ñim Lo'onatac 'Enauacna 2013

²¹ Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Lucas 12:21 Iomraidhean Croise

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Lucas 16:11

Chane'eja, qom ja a'nonaĝachita da'me aueloyilegue da'me dojo' ja 'noe'n neuoyaĝaco jena'me aleua, qama'le ¿jach'e jogamaĝa ami yepataĝaeta gaa'me chimadichidiñe neuoyaĝaco?

Lucas 6:24

“Qalaĝaja, ¡degueja qomle da'me lachoĝode'j gaa'me neuoyaĝadi, qa'a joote yauata da'me lamai'j jo'ne yem qomle!

Romanos 2:5

Qalaĝaja qom yataqachiñe ja damichigui na'me adauel, ja jetaque a'viyeloqot ñe'me Dios, dite da'me alapotapega't da'me ane'uaĝanaguec 'me am qoyachalegue qomle, ga'me nolo' qom 'uo da'me nec'atenaĝanaĝac, qom ñe'me Dios yechoĝot da'me lajouaĝajet ga'me onolec qama'le qoya'uo ne'uaĝanaguec.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

1 Timoteo 6:9

Qalaĝaja jogaa'me jetaque neuoyaĝadi, yataqata ja naloteguet joda'me napiyenague'j, qama'le tadoue joga'me 'lonaĝanaĝaiqui joñe'me ja yataĝalegue, male ja onolec ga'me yepiteda'a, chayovida'a qom yataqata ja no'en. Qama'le nach'eda da'me dojo' yajouaĝa't gaa'me jiyaĝadipi da'me tadoue ga'me lachoĝode'j let'adaic nataq'aen jena'me neleuaĝa.

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Apocalipsis 2:9

Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.