Lucas 11:9 - Nuevo Testamento Toba Sombrero Negro

⁹ “Chane'eja ami ja'aĝatema: auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Nuevo Testamento Toba Sur

⁹ Qaq ÿoqo'oyi qami' shinapegalo nagui: Qauÿaxañi, qaq yi ñi Dios qami' ÿanema cam qauÿaxañiitaique; qaumitaxañi, yaqto' qauanachiÿa cam qanmichiitaique; qautoqñiu'a ca lasom, yaqto' qami' qanauategueta.

La'aqtaqa Ñim Lo'onatac 'Enauacna 2013

⁹ Ỹoqo'oye qami' shenapegalo nagui: Qauỹaxañiỹot Ñim Lo'onatac 'Enauacna, qaq Ñimaye qami' ỹanema cam qauỹaxañiitaique, qautaqỹapegue' Ñimaye, nache qauanachiỹa cam qanmichiitaique, qautoqñiiua'a ca lasom, yaqto' qami' qanauategueta.

Lucas 11:9 Iomraidhean Croise

Mateo 21:22

Nataq'aen yema ga'me jo'ne aviyaĝañiyaque da'me anetamenaĝaqui, qom auep'iiya'a, ami qoyanema.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 6:29

Taqaeue'ta, ami ja'aĝatema queda'me naq'aeta taĝa di'me jaliaĝanec Salomón, yema da'me li'yoĝodic, ena'am taĝa gaa'me leuo jogaa'me lolelaĝail.

Marcos 11:24

Qo'che' ami ja'aĝatema da'me yema ga'me jo'ne aviyaĝañiyaque nale auauoyi da'me anetamenaĝaqui, auep'iiya'a queda'me joote ami qoyanema nataq'aen joote auacoñiyeguet.

Marcos 13:37

Da'me 'yaqatac jo'ne ami janema, nach'e ena'am janema yema ga'me jiyaĝadipi: ¡A'nañaĝachela't: aneloyitaye!”

Lucas 11:10

Qa'a ena'uaque gaa'me jo'ne dajelaĝatot ñe'me Dios qama'le qoyanema; nataq'aen gaa'me jo'ne nemitedaque ga'me qoyouetaque, yejomedalegue; nataq'aen gaa'me dajoyeda'uet ga'me jom qaedi yiyaĝata'uo, qama'le qo'youategueta.

Juan 14:13

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 15:7

“Qom nach'e eta't adaloi'ta't da'me jayem auoqochiyeguet, queda'me nach'e eta't ami uetauelo naa'me 'yaqataqa, qama'le gamachaqaega aviyaĝañiyaque ami qoyanema.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

2 Corintios 6:2

Gaa'me nedii's jo'ne Dios 'laqataqa eet'oi: “Ga'me nolo' jo'ne laloqo' q'aen qama'le am ñaquiaĝana; Ga'me nolo' jo'ne 'uo da'me nec'alaqataĝanaĝac qama'le am yecochiya.” Chane'eja ¡anaquiaĝañiya! Ga'me nolo' 'me laloqo' q'aen joote novida'aquena. ¡Nayi mach'e laloqo' da'me ami qonec'alaĝatedegue!

Hebreos 11:6

Qalaĝaja gaa'me jo'ne qaya'te lepe'e' ja yaqanate't ta'le yiyamaĝade'n ñe'me Dios, qa'a gamachaqaega ga'me jo'ne jetaque yec'ata joñe'me, cha'li 'uaeñe youetaque da'me 'yamaqaten joñe'me da'me eja da'me 'uo, qama'le nataq'aen 'yamaqaten da'me ya'uo ga'me lomataĝanaĝa't gaa'me jo'ne yelotedaque.

Hebreos 4:16

Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

Santiago 1:5

Da'me ami, gamachaqaega ga'me jo'ne qaya'te layatenaĝanaĝac, 'noota qom yajela joñe'me Dios, qama'le yataqata qoyanem qomle, qa'a joñe'me ja jemataqaic, qaya'te en lochiya'a q'aen da'me lichoĝodenataĝanaĝac, uotaĝa ta'le 'uo ga'me nauchiyaĝac nale.

Santiago 5:15

Nataq'aen qom yataqachiñe 'uo da'me adepi'i da'me anetameñi qama'le joga'me jo'ne yeleuac paja'a da'me yemegue, qama'le joñe'me Jaliaĝanec yañijeguem. Qama'le qom uo'oe jogaa'me loeco nach'e ena'am qoyapalaĝa't.

1 Juan 3:22

Nataq'aen joñe'me qo'mi yanema ena'uaque gaa'me jo'ne jajelaĝanaqaque, qa'a jouaĝat queda'me jiyamaĝata' daa'me lamaĝajoĝonaĝaco, nataq'aen jauoqo'oe jodaa'me jo'ne yepaquetapegalo.

Apocalipsis 2:24

Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi,