Lucas 11:19 - Nuevo Testamento Toba Sombrero Negro

¹⁹ Qalaĝaja, qom naq'aeta da'me dojo', qama'le ¿jach'e jogamaĝa chiyoĝogue da'me lañoqotaĝanaĝa'j jogaa'me jo'ne ami quetapegue'to jo'ne yamaĝadegue gaa'me payagodipi? Qo'che' nach'egaua ami yayatenaĝanaĝaneque queda'me adejomiyac.

Nuevo Testamento Toba Sur

¹⁹ Qaq da nachi 'eetec de'eda, qaq ¿négue'to' ca ÿanem nam qami' ca'attagueto ca n'añaxac da yaqto' i'odauec na n'ecpi? Qaq ÿoqo'oyi namayipi nachina na yi'oq da qami' ÿoqta qauesomiÿapec.

La'aqtaqa Ñim Lo'onatac 'Enauacna 2013

¹⁹ Qaq da 'eesa de'era, nache ¿negue't ca ỹami' da la'añaxac na qarapaxaguenataqui da yaqto' ỹo'orauec na saqcha'a na'añaxac leguemaxaic? Da qami' da qoñiỹapec da chegoqo'ot Ñim Lo'onatac 'Enauacna de'era na'añaxac, nache damaye ỹachaxan da ỹoqta 'eesa da qausomiỹapec.

Lucas 11:19 Iomraidhean Croise

Mateo 10:25

Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Mateo 4:24

Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Lucas 19:22

Chane'eja enapega ñe'me najoĝola': «Am yalemaĝajet jo'ne ja am 'te no'en, queda'me mach'e at'aqataqa am jepoleguelo'te. Ta'le eja auayaten da'me jayem jiyaĝaua jo'ne ja damitelegue, jo'ne jacona ga'me ja jepotan nataq'aen ñaqat jaga'me jala ga'me ja yanec,

Lucas 9:49

Ñe'me Juan enaac: —Jaliaĝanec, 'uo jo'me jauanaĝa quelqaya jo'ne t'onataĝana da'me adenaĝat queda'me yamaĝadegue gaa'me payagodipi, qalaĝaja jetaque ja jajenaĝam qa'a ja qo'mi 'te chiyaqauelo.

Hechos 19:13

Qalaĝaja uo'oe gaa'me judiopi jo'ne quetapegue'to gaa'me naq'aeco yamaĝadegue gaa'me yachiyoĝotauelo ga'me jiyaĝadipi nepaqa'li ja 'noe'n, da'me jetaque t'onataĝata qaedi mach'e yiyamaĝatem da'me lenaĝat ñe'me Jaliaĝanec Jesús; chane'eja eet'oi nale enapegalo gaa'me nepaqa'li: “¡Queda'me lenaĝat ñe'me Jesús, jo'ne nach'eñe Pablo 'yaĝatetac, ami jamaĝalo'te qaedi auenoĝoñeguigui!”

Romanos 3:19

Qa'a da'me qo'mi yataqachiñe jayatenaq yema ga'me uaye jaga'me nede jo'ne uedaye da'me namaĝajoĝonaĝacpi, yeloĝonaĝachiguilo da'me tachiguilo da'me enapegalo ga'me uetedo'ot gaa'me naqataĝaco, qaedi qaya gamachaqaega eetapela't qaya'te lajouaĝajet, qaedi qom 'uo da'me lec'atenaĝanaĝac ñe'me Dios qama'le nach'e ena'am uetedaue yema ga'me jiyaĝadipi.