Lucas 10:9 - Nuevo Testamento Toba Sombrero Negro

⁹ anec'alaĝachidegue ga'me leuaĝaiquipi jo'ne uetedaue ga'me, nataq'aen aueñiyaac jo': «Joda'me lejaliaĝa ñe'me Dios joote ami nadi'talo.»

Nuevo Testamento Toba Sur

⁹ Nachi qanatayiñi 'enauac nam sa no'onpi mayi hueta'a camayi, qataq qau'aqtaxañiim, qoñiita': “Da l'onataxanaxac ñi Dios da ilo'ogue 'enauacna, damayi mashi qami' nayiita'alo.”

La'aqtaqa Ñim Lo'onatac 'Enauacna 2013

⁹ qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Lucas 10:9 Iomraidhean Croise

Mateo 3:2

Da'me liyaĝanaĝac 'me lepodaĝanaĝac enaac: “¡A'ñemaĝañiyi, a'niyelaqaeyot joñe'me Dios, qa'a male qoyoqo'ta da'me lejaliaĝa 'me chiyaqaje'ma di'me piyem!”

Mateo 4:17

Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

Marcos 4:30

Nataq'aen enaac ñe'me Jesús: “¡Cha'li anaquiaĝañiya da'me dojo', jo'ne ñaloqotenaĝaneguet da'me lejaliaĝa ñe'me Dios!

Marcos 6:13

Nataq'aen yamaĝadegue jogaa'me jalcote gaa'me payagodipi, nataq'aen yecodelo'te ga'me qoneyoĝonapiye jo'ne li'i jaga'me olivo jala gaa'me laqai'go joga'me jalcote leuaĝaiquipi, qama'le e'n yemedegue jogaa'me.

Lucas 10:10

Qalaĝaja qom auovidiya'a ga'me noic jo'ne ja ami 'te yaconegueta, oquiya'ae naa'me ladico, aueñiyaac jo':

Lucas 10:11

«¡Chayovida'a ga'me enaĝayaĝa jo'ne chiyoqoda'ña jenjo' at'achaqachidi', jo'ne qapaleque naa'me qadapia'te, nayi qanechiyoĝodiñe naa'me qadapia'te ena'am da'me ami ñautenaĝalo! Qalaĝaja 'noota qom auayachiñe da'me dojo' queda'me lejaliaĝa ñe'me Dios joote ami nadi'talo.»

Lucas 9:2

Yamaĝalo'te jogaa'me qaedi 'yaĝatetedac joda'me lejaliaĝa joñe'me Dios nataq'aen qaedi e'n yemedegue joga'me leuaĝaiquipi.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Hechos 28:28

Chane'eja 'noota qom auayachiñe queda'me chiyoqotelegue nayi dojo' lec'alaqataĝanaĝac ñe'me Dios male qoyanema joga'me jo'ne ja judiopi, qama'le jogaa'me qamqa'me yataqata naquiaĝata qomle.

Hechos 28:31

'Yaĝatetac da'me lejaliaĝa ñe'me Dios nataq'aen dapaĝaguenataĝatapec ñe'me Jaliaĝanec Jesús; yataqachiñe 'uo da'me 'lañaĝac nataq'aen qaya'te gamachaqaega ta'le nauatapeguet.