Lucas 10:42 - Nuevo Testamento Toba Sombrero Negro

⁴² qalaĝaja jalgata ga'me 'uo jo'ne yataqachiñe qoyouen. María yelotelegue da'me lae jo'ne yataqata p'ajaye, qama'le qaya'te gamachaqaega ta'le deuodaĝanec.

Nuevo Testamento Toba Sur

⁴² Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Lucas 10:42 Iomraidhean Croise

Marcos 8:36

Qa'a ¿jach'e ga'me nauela't ga'me jiyaĝaua da'me yema noma't gaa'me uedalegue jena'me aleua, qom yajouaĝatoue ñe'me lepaqal?

Lucas 10:39

Marta 'uo jañe'me la'nole jo'ne lenaĝat María, nach'aga cha'li na'ña ga'me peta'ña ñe'me Jesús qaedi naquiaĝana yema ga'me 'laqatac ñe'me.

Lucas 11:1

'Uo ga'me ua'a ca'li, ñe'me Jesús 'uo ga'me ue'ta da'me netametac. Ca'li yem 'uo ñe'me lapaĝaguenatac jo'ne dojapegue', enaac: —Jaliaĝanec, qo'mi auapaĝagueneque da'me tamenaĝac, nach'e naq'aeta di'me Juan jo'ne yapaĝagueneque gaa'me lapaĝaguenataqa ca'li.

Lucas 12:20

Qalaĝaja ñe'me Dios enapega: «¡Am chiyoĝojecolec, qa'a jenjo' pi'yaq qama'le adeleu! Qama'le ga'me jo'ne aviyamaĝat, ¿jach'e jogamaĝa ua'ajop?»

Lucas 12:33

Auemeñi ga'me jo'ne auañiya, nataq'aen auañema gaa'me 'uo da'me louenaĝanaĝa'j; 'noota qom auauoyi da'me dojo' qa'a ena'am ta'le a'vichiyeque gaa'me adoĝoiqui'idi' ta'le ja yedalo'te da'me toye's, qama'le naq'aeta da'me 'uo da'me adeuoyaĝaqui 'me ua'ague di'me piyem, 'me qaya'te loiquiaqa'. Nach'edi di'me qaya'te yaqanatet ta'le decachi, nataq'aen qaya'te 'uo ga'me potoĝolo ta'le 'naĝat da'me en dec'oyi.

Lucas 16:2

Chane'eja joñe'me neuoyaq 'me ladipa yiyaĝana ca'li ñe'me lamaĝajec qama'le enapega: «¿Jach'e da'me dojo' aua'uo 'me jayem qo'yaĝatem? Nayi jayem aualoĝona ga'me at'onatac, qa'a ja auaqanatet ta'le oquetalegue da'me auelolegue ga'me yeuoyaĝac.»

Lucas 16:25

Qalaĝaja Abraham 'yateguet: «Am yalec, anetouetac queda'me ca'li cha'li ouetaue da'me anejiyaĝauayaĝac qama'le 'uo da'me adiyamaĝac 'me adamaic, qalaĝaja Lázaro 'uo da'me lachoĝodec da'me 'loyaĝac. Qama'te nayi ñe'me yaconeguet da'me nichoĝodenataguec jena'me jenjo', am qamqa'me auaconeguet da'me adachoĝodec.

Lucas 18:22

Ca'li domachiya dojo', Jesús 'yateguet: —Maliaĝa 'uo da'me ja aua'uo: auemen yema ga'me jo'ne adeuoyaĝac qama'le auanouelo jogaa'me choĝodayaqolqa. Nach'eda naq'aeta da'me male 'uo da'me adeuoyaĝac di'me piyem. Yem qama'le auanaequena, nataq'aen jayem oquegue.

Lucas 8:18

“Chane'eja 'noota qom yataqachiñe aueloi'tegue, qa'a ga'me ue'tajop ga'me jiyaĝaua Dios 'nouadijelegue; qalaĝaja ga'me qaya'te ue'tajop, qamqa'me chayovida'a ga'me yepetapega da'me yauana Dios doĝotaĝanec.”

Juan 11:1

'Uo di'me jiyaĝaua jo'ne leuaĝaic 'me lenaĝat da'me Lázaro, yataqachiñe Betania le'ec, di'me noic jo'ne 'lachaqa' jañe'me María nataq'aen jañe'me Marta, nach'eñaua jo'ne mach'e laqaya' di'me Lázaro.

Juan 11:19

qama'le jalcote joga'me judiopi da'me dejapichiyalo gaa'me Marta chaqañe'me María, qaedi qoloyaĝanate't queda'me 'uo da'me lajouaĝac yeleu di'me mach'e laqaya'.

Juan 12:3

María 'uo ga'me jo'ne nachetac 'me trescientos gramos ga'me yoĝoqui jo'ne jalcote da'me lajo'viyaĝac, qama'le yiyoĝolo'te naa'me lapia'te ñe'me Jesús. Da'me yoma't qama'le en daqaqa'y q'ae'n naa'me lapia'te jo'me layoĝot. Qama'le yema ga'me emec da'me yemiye ga'me laetayaĝac ga'me yoĝoqui.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

1 Corintios 13:3

Nataq'aen qom yema janegue ga'me jauana, nataq'aen qom ñemenouelo joga'me qadaute'upi qaedi qoyigoue da'me 'yoyaĝac, qalaĝaja qom qaya'te yoqopich'i qama'le qaya'te jayem chiyaqayi.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.