Lucas 10:25 - Nuevo Testamento Toba Sombrero Negro

²⁵ 'Uo ñe'me jiyaĝaua jo'ne paĝaguenataĝanaĝaic daa'me Dios lamaĝajoĝonaĝaco, yec'ata ñe'me Jesús qaedi yapiyenec ga'me lenataĝanaĝac, qama'le enaac: —Paĝaguenataĝanaĝaic, ¿jach'e ga'me ja'uo qaedi jaqanateta da'me 'noyaĝac jo'ne ja 'naidena'a?

Nuevo Testamento Toba Sur

²⁵ Nachi nachajñi som dapaxaguenataxaatapeguec na nqataxacpi da nqo'oneu'a so Jesús da detaxaÿapegue' da chochi ÿi'iguen. Nachi inat, 'eeta': –'Am mayi 'auapaxaguenataxaatac, ¿chaq huá'ague ca shiitec da yaqto' ishit da senoxoneu'a cam nca'alaxa mayi chochi tateec?

La'aqtaqa Ñim Lo'onatac 'Enauacna 2013

²⁵ Huo'o so dapaxaguenataxaatapeguec na namaxasoxonaxacpi nquigueua'a So Jesús da yaqto' inat da ishet da ỹasateguet so lnataxanaxac maye ỹataqta alaqaic, nache 'eeta': –'Am Napaxaguenataxanaq, ¿chaq negue't ca iuen da so'ot da yaqto' saconeguet ca nca'alaxa maye chochaq tatec?

Lucas 10:25 Iomraidhean Croise

Marcos 10:17

Mane'e ca'li Jesús yenoĝonegue da'me jetaque yitaĝa ec, qama'le 'uo ñe'me jiyaĝaua jo'ne naqalegoqo'ta, qama'le yejoidiñe naa'me leliquetel da'me dajoya'aguet joñe'me, qama'le enaac, da'me yenat: —Paĝaguenataĝanaĝaic jo'ne am 'noota, ¿jach'e ga'me 'noota ta'le ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Marcos 10:3

Joñe'me 'yategueta, enaac: —¿Jach'e ga'me damaĝajoĝolegue di'me Moisés?

Marcos 12:28

Qama'le 'uo ñe'me jiyaĝaua jo'ne judiopi napaĝaguenoqo't jo'ne domachitapegalo da'me necotetapega't. Mane'e da'me yayaten queda'me onaĝaic da'me 'lataĝac ñe'me Jesús, qama'le yec'ata joñe'me da'me yenat: —¿Jach'e ga'me p'ajaye daa'me Dios lamaĝajoĝonaĝaco?

Lucas 10:24

qa'a ami ja'aĝatema queda'me qayoĝode' joca'li gaa'me Dios 'laqataĝanaĝanaqa nataq'aen jaliaĝanaqa jo'ne jetaque yauata da'me dojo' jo'ne ami auec'achiñetac, qalaĝaja ja yauata; jetaque domachita ga'me jo'ne nayi auomachiiya, qalaĝaja ja domachita.”

Lucas 10:26

Jesús 'yateguet: —¿Jach'e ga'me qoyedidiñe joca'li daa'me Dios lamaĝajoĝonaĝaco? ¿Jach'e ga'me auayaten nale auec'ate'n jogaa'me?

Lucas 18:18

'Uo ñe'me neuoyaq, yenatetac ñe'me Jesús: —Paĝaguenataĝanaĝaic jo'ne am 'noota, ¿jach'e ga'me ja'uo qaedi jaqanatet ta'le jaue da'me 'yoyaĝac jo'ne ja 'naidena'a?

Lucas 7:30

Qalaĝaja jogaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco qamqa'me ja yacoteguet da'me lachilaĝanataĝanaĝac ñe'me Juan, naq'aeta da'me dojo' 'lotanaĝanaĝa'j da'me jo'ne jetaque Dios 'yeteque jo'ne mach'e liyamaĝa'j jogaa'me.

Juan 8:6

Jenjo' jo'ne yenadetec jogaa'me qa'a yauote da'me lapinaĝanataĝanaĝa'j qaedi yoqocha'alo da'me yauote laviyaĝajet joñe'me Jesús. Qalaĝaja ñe'me Jesús male naĝañi da'me yedelegue jena'me aleua dedaĝana jajo'me liaĝata.

Gálatas 3:18

Qa'a ñe'me Dios ta'le nach'edata yichoĝoden ga'me jo'ne que'teguelo daa'me namaĝajoĝonaĝaco, qama'le male ja ya'uo qaedi yepaquichigui ga'me yaqataĝañi jo'ne jetaque ye'et. Qalaĝaja eja queda'me ca'li Dios yayatenaĝanec ñe'me Abraham da'me yanem qomle ga'me joote yaqataĝañi 'me jetaque 'yetem, nataq'aen qaya'te gamachaqaega qoyiyaĝanaque qaedi ena'am ta'le lajo'vi.