Lucas 10:2 - Nuevo Testamento Toba Sombrero Negro

² 'Yaĝatema jogaa'me: “Eja 'uo da'me jalcote da'me naqataĝanaĝac, qalaĝaja ja lama'y gaa'me onataĝanaĝayaqa. Qo'che' ami 'noota qom auejelai joñe'me loĝot da'me dojo' naqataĝanaĝac qaedi yauoja'aegaua onataĝanaĝayaqa qaedi datoĝo'n.

Nuevo Testamento Toba Sur

² Nachi 'enapego', 'eeta': –'Eesa da ÿataqta qalota na n'onatac da qanqat na ala na nanguishic. Qalaxayi nam 'onataxanaxaicpi saq 'amaqtaq. Qaq ÿoqo'oyi no'on da qauÿaxañiÿot ñim lalamaxat ne'ena n'onatac, da yaqto' namaq ca 'onataxanaxaicpi, da yaqto' nqat namayi.

La'aqtaqa Ñim Lo'onatac 'Enauacna 2013

² Nache 'enapego', 'eeta': –Qalota nam iuen da huenoxoneua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹa'axatec da no'on na'axaỹaxac. Qaq ỹoqo'oye, no'on da qauỹaxañiỹot Ñim Lo'onatac 'Enauacna da ỹamaq nam laỹepi maye Aỹem ca'attague' da yaqto' ỹa'axatem da no'on na'axaỹaxac ne'ena shiỹaxauapi.

Lucas 10:2 Iomraidhean Croise

Mateo 20:1

Jesús yitaĝa enaac: —Qa'a joga'me lejaliaĝa ñe'me Dios jo'ne na'ague di'me piyem ena'am da'me dojo': 'uo ca'li ga'me jiyaĝaua jo'ne loĝot ga'me nanaĝanaqa'. Qama'le ec da'me ne'teta netetapiye gaa'me onataĝanaĝayaqa qaedi e'n yelodelegue ga'me lanaĝanaqa' jo'ne uva lichidijat.

Marcos 13:34

'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

Marcos 16:15

Chane'eja dojapegue'to: “Jamoyi, a'uaĝachetac da'me 'naqataĝanaĝac jo'ne onaĝaic ena'uaque joga'me jiyaĝadipi 'me nedalegue jena'me aleua.

Marcos 16:20

Jogaa'me lapaĝaguenataqa male eque' ca'li qaedi 'yaĝatetedac da'me 'naqataĝanaĝac jo'ne onaĝaic yema joga'me jiyaĝadipi; nataq'aen joñe'me Jaliaĝanec lecochiyalo jogaa'me, nataq'aen yauo'oe jodaa'me nañoqotaĝanaĝaco jo'ne p'ajodaye, jo'ne yotaua'n da'me 'naqataĝanaĝac.

Lucas 9:1

Jesús yemata'a't jogaa'me lapaĝaguenataqa qama'le yanema da'me 'lañaĝa'j nataq'aen da'me lañoqotaĝanaĝa'j qaedi yamaĝadegue ena'uaque jogaa'me yodapecache 'me payagodipi nataq'aen qaedi e'n yemedegue jogaa'me uo'oe da'me lapite'nadi.

Hechos 11:19

Ca'li yoĝo'yi da'me leleuaĝa di'me Esteban qama'le yataqata qoyecaa'tape joga'me p'etaqadaiquipi, chiyaqayi da'me dojo' uo'oe gaa'me yapiyetegue di'me Fenicia, Chipre nataq'aen Antioquía. Nach'edi ueda'a da'me t'aqataĝatapema joga'me judiopi da'me 'naqataĝanaĝac jo'ne onaĝaic, qalaĝaja ja naq'aeta ga'me 'yeteque jogaa'me jiyaĝa'u laqaya'.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 13:4

Yem da'me dojo' qama'le ñe'me Dios Lepaqal yama' ñe'me Bernabé nataq'aen Saulo, qama'le dajotegue di'me Seleucia, qama'le nach'edi ua'a da'me nedañgui jaga'me licota jo'ne dajoyi di'me Chipre.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Hechos 22:21

Qalaĝaja ñe'me Jaliaĝanec enaac: «Jamo, oc, qa'a am jamaĝayelo gaa'me ale'u jo'ne qaya'aguelo.»”

Hechos 8:4

Qalaĝaja gaa'me jo'ne chiyoqodaue di'me Jerusalén da'me eque', ena'uaque naa'me tayapegue'galo 'yaĝatetedac da'me onaĝaic 'naqataĝanaĝac.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Filipenses 2:21

Qama'le jogaa'me jiyaĝa'u laqaya' ch'e nenateta'ajalo nale e'n p'ajodaye ga'me jetaque yauata, qama'le ja yauote joga'me yiyamaĝaden joñe'me Jesucristo.

Filipenses 2:25

Qalaĝaja nayi 'uo da'me yelnataĝac laqaya, da'me yitaĝa ami jamaĝalo joñe'me qadaqaya Epafrodito, nach'eñe ñe'me adamaĝajequi jo'ne anamaĝayiquena ca'li qaedi jayem lecochiya nale 'uo joga'me jouetac, naqaeñe jo'ne yecochaĝaua nayi, yataqata 'uañaĝaicolec joñe'me. Qama'le jeetapega 'noota qom ami 'viyelaĝalo nayi,

Filipenses 2:30

qa'a ñejo' yamta'le yeleu da'me t'onataĝatape'uo joñe'me Cristo, yataqata yanegue joda'me nejiyaĝauayaĝac qaedi jayem lecochaĝaneguet, da'me jo'ne ja auaqanachichi ta'le auauoyi da'me ami, yajouaĝat da'me ami qaya'alo.

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

1 Ts 5:12

Ami yaqaya'olqa, ami ñachoĝodenoqoto qaedi yataqata avichoĝodeñi' jogaa'me ami ue'tajopa jo'ne 'lonataĝanaĝanaqa ñe'me Qadejaliaĝanec, naqaegaua jo'ne ami yelotalo'te nataq'aen ami uaqatetapegalo.

2 Ts 3:1

Da'me p'ategue 'yaqatac, ami yaqaya'olqa, 'noota qom nach'e eta't qo'mi auajelaĝañilo'te, qaedi yema qodomachiya da'me 'laqataĝanaĝac joñe'me Qadejaliaĝanec jo'ne ja'aĝataqatac, qaedi nataq'aen jena'me jiyaĝadipi qom domachiya male yataqata yacoteguet, ena'am ca'li yemta auomachiiya da'me ami.

1 Timoteo 4:10

Qama'le nayi nach'eda 'uo da'me qat'onatac nataq'aen qadeloiquiaĝac, qa'a jouaĝat da'me janemaĝam da'me qadeuataqataĝanaĝac joñe'me Dios jo'ne ja pal, jo'ne nach'eñe mach'e Lec'alaĝaiqui yema jena'me jiyaĝadipi, qama'le yataqata nec'alaĝatedegue jogaa'me jo'ne p'iida'a joñe'me.

2 Timoteo 4:5

Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

Filemón 1:1

Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,

Hebreos 3:6

Qalaĝaja ñe'me Cristo qamqa'me mach'e Dios Lec'oĝot jo'ne yataqachiñe yelolegue jena'me noic jo'ne Dios lec'oqo'tepi, qama'le nayi mach'e qo'mi jo'ne jouaqatoue jena'me noic, qom eja da'me 'ñañaĝataĝac da'me qadepe'e choqoda'me qadeuataqataĝanaĝac, nach'eda jo'ne chiyaqayi da'me yataqachiñe qo'mi made'tape.

Apocalipsis 2:1

“Auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Éfeso: «Da'me ami jo'ne oñiya'ña di'me Éfeso, ami janema nayi jenjo' 'yaqatac, mach'e jayem jo'ne uo'oe gaa'me siete uaqachiñil uetedañgui na'me youaq jo'ne yayaten, nataq'aen da'me jouetañelo jogaa'me siete coyadaĝanaqatel jo'ne oro.