Lucas 1:68 - Nuevo Testamento Toba Sombrero Negro

⁶⁸ “¡'Noota qom qo'nonaĝachigui joñe'me Jaliaĝanec, jo'ne Qanedios, mach'e qo'mi jo'ne qo'mi Israel laje'pi, Qa'a naequena qaedi qo'mi nec'alaĝatedegue, mach'e qo'mi lec'oqo'tepi!

Nuevo Testamento Toba Sur

⁶⁸ Ÿataqta qaÿi'oxoden qome ñi qadataxala' mayi nDios na Israel l'ecpi, cha'ayi ñimayi qomi' naÿalo da qomi' nca'alaxatreec, cha'ayi maichi qomi' lalamqa'te.

La'aqtaqa Ñim Lo'onatac 'Enauacna 2013

⁶⁸ «¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Lucas 1:68 Iomraidhean Croise

Lucas 1:71

Qo'mi yachiyoĝotauelo gaa'me qadaute'upi choqogaa'me ena'uaque gaa'me qo'mi niquiyatapegalo.

Lucas 19:44

Nataq'aen yataqachiñe yapalaĝat; nimichidiñe qoye'n ga'me jo'ne netedaue di'me noic, nataq'aen ja yachetedai'ñdi ga'me qa' jo'ne uetalegue ga'me laqaya, qa'a ja auatetoñiyeguet ga'me laloqo' da'me Dios ami dejapichiyalo.”

Lucas 2:38

Qama'le ua'a da'me Ana yepiteuo, qama'le yanem da'me lamaic ñe'me Dios nataq'aen 'yaĝatetac ñe'me notolec Jesús, t'aqataĝanema ena'uaque jogaa'me jo'ne 'uo da'me leuataqataĝanaĝa'j da'me qode'uolegue di'me Jerusalén nataq'aen yema ga'me Israel laje'pi.

Lucas 24:21

“Qo'mi 'uo da'me qadajoĝonataĝanaĝac queda'me nach'eñe de'uolegue qomle jena'me 'naleua di'me Israel. Qalaĝaja nayi joote yenoĝodegue gaa'me tres noloqo'ote da'me 'uo da'me dojo'.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Efesios 1:3

Yataqata 'noota ta'le qo'nonaĝachigui joñe'me Dios, jo'ne Let'a joñe'me Qadejaliaĝanec Jesucristo, qa'a qo'mi yichoĝode'n jouaĝat da'me joqo'taqataguet ñe'me Cristo. Chane'eja qo'mi yanema naa'me yodapecache lichoĝodenataĝanaĝaco 'me ja di'yo't, jo'ne chiyoqodaje'ma di'me piyem.

Efesios 1:7

Da'me leleuaĝa joñe'me Jesucristo ca'li uetalegue jaga'me sodoso, male Dios en qo'mi uojotedañi, da'me yapalaĝa't yemeda jogaa'me qadoeco. Nach'ena jena'me jenjo' ya'uo ca'li qa'a jouaĝat da'me yataqata eja qo'mi noqopitalo.

Hebreos 9:12

Ñe'me Cristo joote yenoĝoneuo'o ga'me p'auo jo'ne lenaĝat da'me 'Lachaqa' da'me Yataqata Ja 'Nalegue, qama'le ja yedouo jaga'me letauo' ga'me quetaq uotaĝa ga'me uaca c'oĝot, dite da'me ena'am ta'le yedouo jaga'me mach'e letauo', qama'le ch'e onolec da'me yenoĝoneuo, qa'a joote ya'uo da'me qadec'alaĝa jo'ne qaya'te loiquiaqa'.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.