Juan 9:39 - Nuevo Testamento Toba Sombrero Negro

³⁹ Qama'le yitaĝa enaac ñe'me Jesús: —Da'me jayem ñec'ata jenjo' aleua qaedi ja'uo da'me yec'atenaĝanaĝac qaedi jogaa'me qana'mi male nelodegue, nach'e ena'ama jogaa'me jo'ne te'me nelotedaye qaedi 'uo da'me laqanamaĝa'j.

Nuevo Testamento Toba Sur

³⁹ Ime, nachi so Jesús 'enapeco': –Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.

La'aqtaqa Ñim Lo'onatac 'Enauacna 2013

³⁹ Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Juan 9:39 Iomraidhean Croise

Mateo 11:5

A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Mateo 15:14

Auomachi'talo, qa'a naqaegaua jo'ne qana'mi 'me yaco'tagueta gaa'me qana'mi laqaya'. Qalaĝaja qom 'uo ga'me qanam yaco'taguet ga'me laqaya, qama'le nalo'ta'ajalo da'me tadi'ñgui jaga'me limaĝañi.

Mateo 6:23

qalaĝaja qom ja 'noe'n naa'me at'ae'te, qama'le yema da'me at'oyaĝac uetaue da'me 'lalaĝa. Chane'eja, qom ga'me 'yoqochiñe 'me te'me am netaye taya da'me 'lalaĝa, qama'le ¡yataqachiñe napidiyi ga'me 'lalaĝa 'me am netaye!

Lucas 1:79

Qaedi yecoyadelo'te gaa'me jo'ne uetedaue da'me 'lalaĝa, gaa'me jo'ne t'oitedapega da'me leleuaqa', Qama'le qo'mi yauequeteda'ague di'me naq'aec jo'ne yelo'ta da'me qat'emaĝac.”

Lucas 13:30

Chane'eja uo'oe gaa'me jo'ne te'me p'atedegue nayi nach'egaua 'uaediñe qomle, nataq'aen uo'oe ga'me jo'ne te'me 'uaediñe nayi nach'egaua p'atedegue qomle.

Lucas 2:34

Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

Lucas 4:18

“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Lucas 7:21

Jojo' nolo' ñe'me Jesús jalcote gaa'me e'n yemedegue, gaa'me yodapecache lapite'nadi gaa'me jiyaĝadipi nataq'aen lachoĝodeco, choqogaa'me nepaqa'li jo'ne ja 'noe'n, nataq'aen e'n yauana'ape jogaa'me qayoĝode' qana'mi.

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 3:17

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 3:19

Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 8:15

Ami jo'ne analoqochiñe joga'me jo'ne ch'e jiyaĝaua lelnataĝac, jayem qamqa'me ja ñaloqote'n gamachaqaegaua lelnataĝaco jogaa'me jiyaĝa'u.

Juan 9:25

Joñe'me male 'yategueta: —Uotaĝa eja naq'aeta da'me loeco lo'o, qalaĝaja uotaĝa ja naq'aeta, qa'a onolec da'me jo'ne jayaten: da'me naqayem jo'ne jayem qanam joca'li qalaĝaja nayi male 'uo da'me yec'atenaĝanaĝac.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

2 Corintios 2:16

Qalaĝaja gaa'me ja p'iida'a ñe'me Cristo, jenaqa'am ga'me laeta jo'ne dalataĝanac; gaa'me qonec'alaĝatedegue qamqa'me, jenaqa'am ga'me laeta jo'ne chiyaqayi da'me 'noyaĝac. Qama'le ¿jach'e ga'me yaqanatet ta'le yepaque'teguelo yauo'oe da'me dojo' 'nonatac jo'ne qo'mi yamaĝalo'te ñe'me Dios?

Efesios 5:14

Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”

2 Ts 2:10

T'onataĝana yema gaa'me letaĝaloĝoco qaedi yoqovi'n jena'me jiyaĝadipi jo'ne uetedaue da'me lejomaĝa'j, nach'egaua jo'ne yataqata ja 'yamaqate'n da'me eja, ja yacoteguet ca'li jena'me jenjo' 'naqataĝanaĝac jo'ne chiyoqo'ot joñe'me Jesucristo 'me nec'alaĝa.

1 Pedro 2:9

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

1 Juan 2:11

Qalaĝaja ga'me jo'ne ja noqopita ga'me laqaya, nach'ega uetaue da'me 'lalaĝa, nataq'aen quetalegue da'me 'lalaĝa, qama'le ja yayaten ga'me dajoyi, qa'a da'me 'lalaĝa yaqanamaqatet joga'me.