Juan 8:47 - Nuevo Testamento Toba Sombrero Negro

⁴⁷ Gaa'me Dios lec'oqo'te naquiaĝanalo naa'me 'laqataqa. Qalaĝaja queda'me ja ami 'te Dios lec'oqo'te, ja jetaque anaquiaĝañiya joñe'me.

Nuevo Testamento Toba Sur

⁴⁷ Ca chigoqtot ñi Dios, camayi n'axaÿaxanalo naua l'aqtaqa ñimayi. Qalaxayi qami' yi sa ishit da qauachigoqoitot ñimayi, ÿoqo'oyi sa ishit da qan'axaÿaxañi.

La'aqtaqa Ñim Lo'onatac 'Enauacna 2013

⁴⁷ Nam llalaqpi Ñim Lo'onatac 'Enauacna, ỹataqta na'axaỹaxaachigui 'enauac nam la'aqtacpi Ñimaye. Qalaxaye qami' saishet da qana'axaỹaxañiỹa, cha'aye saishet da qami' llalqa.

Juan 8:47 Iomraidhean Croise

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

Juan 18:37

Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Juan 5:25

Eja da'me ami ja'aĝatema: da'me male qoyoqo'ta ga'me nolo', nataq'aen da'me joote novi', qom jodia'me yele'u domachita da'me yajamaĝa, jayem mach'e Lec'oĝot joñe'me Dios, qama'le jogaa'me jo'ne domachita male nec'aletedaye.

Juan 6:65

Qama'le ua'a ca'li male ya'uo da'me loqotetenaĝanaĝac: —Qo'che' naq'aeta da'me dojo' ñenaĝategue da'me qaya'te yaqanatet ta'le jayem nec'ata, qom ñe'me Taĝadena' ja jayem 'te novidaĝa'ta joga'me.

Juan 8:37

Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Juan 8:45

Qalaĝaja da'me jayem ami ja'aĝatema da'me eja, qama'te ja jayem 'te auep'iiya'a.

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.