Juan 8:39 - Nuevo Testamento Toba Sombrero Negro

³⁹ Jogaa'me male enapega't: —¡Di'me mach'e qadet'a Abraham! Qama'le Jesús 'yategueta jogaa'me: —Ta'le naqa'ami jo'ne yataqatelo'te lec'oqo'tepi di'me Abraham, qama'le auoqochiiyalo naa'me lapaĝaguenataĝanaĝaco.

Nuevo Testamento Toba Sur

³⁹ Nachi somayipi 'enapeco': –Qomi' qadta'a so Abraham. Nachi so Jesús 'enapega somayipi, 'eeta': –Qami' da ÿoqta 'eesáctaxa da qadta'ai so Abraham, nachi ishíttaxa da qau'ochi nam i'otpi somayi.

La'aqtaqa Ñim Lo'onatac 'Enauacna 2013

³⁹ Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Juan 8:39 Iomraidhean Croise

Mateo 3:9

Qama'le ena'te aueñetapela't: «Qo'mi qonec'alaĝatelegue qomle qa'a yataqachiñe qo'mi lec'oqo'tepi di'me Abraham»; qa'a ami ja'aĝatema queda'me chayovida'alo naa'me naajo' qadipi Dios yaqanatet ta'le neleguemaĝatalo q'ae'n daa'me Abraham c'oqo'tepi.

Mateo 5:45

Qama'le naq'aeta da'me ami e'n di'yo't da'me ami lec'oqo'tolqa ñe'me Adet'ai 'me na'ague di'me piyem; qa'a jañe'me 'najeua ñe'me yecoyadelo'te gaa'me ja p'iida'a nataq'aen gaa'me p'iida'a; nataq'aen namaĝalo ga'me uotep gaa'me chimadichidiñe nataq'aen gaa'me ja chimadichidiñe.

Juan 8:33

Jogaa'me male 'yadeteguet: —Da'me qo'mi, di'me jo'ne mach'e jachiyojoĝoguet Abraham, nataq'aen da'me ja ch'e qo'mi lotaĝanaqa'te gamachaqaega qaedi e'n qo'mi lelataqa. Qama'le da'me am, ¿toqoch'e anenaĝategue da'me qo'mi qoyejodegue qomle?

Juan 8:37

Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Juan 8:56

Di'me adet'ai Abraham matac joca'li queda'me yayaten da'me 'uo qomle ga'me nolo' da'me male jayem yauana. Chane'eja jalcote da'me lamaic ca'li male jayem yauana.

Romanos 4:12

Qama'le Abraham nach'e ena'am let'a't jogaa'me, ja nach'edata da'me yacoteguet ga'me 'nanaĝajet dite da'me qa'a quetede'egue ga'me nepe'e jo'ne ua'ajop di'me jachiyojoĝoguet ca'li maliaĝa ja qoyanem da'me nichaĝajoĝonaĝac.

Romanos 4:16

Qo'che' da'me 'naqatac 'me qoyanem di'me Abraham ja qaya da'me lajo'viyaĝac 'me qoyanema qomle gaa'me c'oqo'tepi, nach'eda ch'e qoyanem 'me qaya'te lajo'vi, chiyaqalegue da'me lepe'e'. Dojo' 'naqatac yelo'teguet da'me nach'edata yiyamaĝatem ena'uaque jogaa'me jo'ne yoqotelo'te daa'me namaĝajoĝonaĝaco, dite da'me nach'e ena'am ena'uaque gaa'me jo'ne yoqotedelegue da'me nepe'e, ena'am di'me Abraham. Qama'le nach'eda naq'aeta da'me ena'uaque qo'mi mach'e qadet'a jodi'me.

Romanos 9:7

Ja yemeda gaa'me lolelaĝaiquipi di'me Abraham ta'le yataqachiñe c'oqo'tepi, dite da'me enaac ñe'me Dios ca'li dojapegue': “Gaa'me adolelaĝaiquipi chiyoĝoguet ñe'me Isaac qomle.”

Gálatas 3:29

Chane'eja ta'le ademii'teguet ñe'me Cristo, qama'le ami qoyapetenegueta gaa'me Abraham lec'oqo'tepi, qama'le nach'e ena'am chimaqachiñe ta'le auacoñiyeguet ga'me joote yaqataĝañi 'laqatac ñe'me Dios jo'ne yanem ca'li ñe'me Abraham.

Gálatas 3:7

Chane'eja, 'noota qom yataqachiñe auayachiñe queda'me jogaa'me jo'ne yataqatelo'te lec'oqo'tepi ñe'me Abraham nach'egaua jo'ne yataqachiñe p'iida'a ñe'me Dios.