Juan 8:29 - Nuevo Testamento Toba Sombrero Negro

²⁹ Qa'a ñe'me Taĝadena' jo'ne jayem namaĝaquena nach'e eta't da'me jayem ue'tajop; nataq'aen da'me ja jayem 'te yejamaĝat, qa'a da'me jayem nach'e eta't ja'uo da'me jo'ne 'yamaqaten joñe'me.

Nuevo Testamento Toba Sur

²⁹ Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.

La'aqtaqa Ñim Lo'onatac 'Enauacna 2013

²⁹ Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Juan 8:29 Iomraidhean Croise

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 3:15

Jesús 'yateguet: —Cha'li auomachi'ta da'me dojo' nayi, qa'a chimaqachiñe da'me qolaqa'tegue ga'me Dios damaĝajoĝolegue. Chane'eja Juan male domachi'ta.

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Juan 14:31

qalaĝaja 'noota ta'le naq'aeta da'me ja'uo, qaedi jenjo' aleua laje'pi yataqata yayate'n da'me joqopita ñe'me Taĝadena', qama'le ja'uo yema ga'me jo'ne jayem yamaĝalegue. “Nayi oñiijeguem, qolaqa'e jenjo'.”

Juan 15:10

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

Juan 16:32

Qa'a male jayem novita da'me yaloqo', nataq'aen da'me nach'ena jenjo' nolo' da'me adelagaqai ami onolqa'tape naa'me ayiyapegue'galo, qama'le jayem aueñi onolec. Qalaĝaja ja jayem 'te onolec qa'a ñe'me Taĝadena' jayem ue'tajop.

Juan 17:4

“Jayem joote am 'ñonaĝachichigui da'me cha'li joue'ta jena'me jenjo' aleua, nataq'aen joote jomat da'me jo'ne jayem auamaĝalo'te.

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Juan 5:30

“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Juan 8:16

Qalaĝaja qom jaloqotenaĝan, da'me yec'atenaĝanaĝac yataqachiñe 'uo da'me lajo'viyaĝac, qa'a ja jayem 'te onolec da'me jaloqotenaĝan, dite da'me nach'e ena'am 'uo ñe'me Taĝadena' 'me jayem namaĝaquena: naqaeñe jo'ne naloqoten ena'uac.

2 Timoteo 4:17

Qalaĝaja joñe'me Jaliaĝanec yataqata jayem lecochiya nataq'aen da'me ya'uo da'me 'yañaĝac, qama'le yataqata jaqanatet da'me ja'aĝatema naa'me Dios 'laqataĝanaĝaco jogaa'me ja p'iida'a jena'me jenjo' 'noota. Qama'le ñe'me Jaliaĝanec en ñec'alegue male jeca'e ga'me nedegaĝat ñe'me jauaĝaic.

2 Timoteo 4:22

'Noota qom Qadejaliaĝanec Jesucristo am ue'tajop, choqoda'me Dios loqopich'i ami yanema onolqa'tape da'me ami.

Hebreos 4:15

Qa'a ñe'me mach'e Qadetaĝayaĝanaĝanec yataqata yaqanatet ta'le yichoĝoden da'me mach'e qadachoĝolaĝac, qa'a joñe'me uetauelo ca'li yemeda gaa'me napiyenagueco, ena'ama da'me qo'mi, qalaĝaja joñe'me qaya'te lepatenaĝanaĝac.

Hebreos 7:26

Chane'eja nach'eñe ñe'me Jesús jo'ne jouenaqa'ta, qa'a naqaeñe mach'e Qadetaĝayaĝanaĝanec jo'ne p'ajaye, joñe'me jo'ne ja 'nalegue, qaya'te ta'le loec nataq'aen ja paĝachigui, joote qoyachiyoĝotauelo jogaa'me loeco lo'olpi qama'le qoyana'ña di'me p'ajeguem jo'ne ne'tague di'me piyem.

1 Juan 2:1

Ami yalaqapi, ami jamaĝalo jenjo' yediijec qaedi qaya'te ya'uo loec. Qalaĝaja, qom 'uo gamachaqaega ya'uo ga'me loec, qama'le joote 'uo joñe'me jo'ne qo'mi de'uolo'te jo'ne ne'tot joñe'me Qadet'a, mach'e Jesucristo jo'ne yataqatelegue.

1 Juan 3:22

Nataq'aen joñe'me qo'mi yanema ena'uaque gaa'me jo'ne jajelaĝanaqaque, qa'a jouaĝat queda'me jiyamaĝata' daa'me lamaĝajoĝonaĝaco, nataq'aen jauoqo'oe jodaa'me jo'ne yepaquetapegalo.